Er forsætisráðherra ekki sjálfrátt?

Vill konan heldur að kjósendur, þessir tvöhundruð og eitthvað þúsund, þyrpist saman í miðbæjum landsins til þess að mótmæla en að mæta af prúðmennsku á kjörstaðina?

Það hljóta að finnast einhverjar fínar skilgreiningar í sálfræðinni á svona þankagangi.

Kann að frestast um viku

Allt á hvolfi!

Jólasnjórinn fellur í febrúarlok - nánar tiltekið akkúrat núna!   

Klukkan er 1 - 2 tímum á undan rauntíma. 

Icesavesamningaþreifingar eru í gangi áður en þjóðaratkvæðagreiðslu er lokið.

Steingrímur J "vakinn" að óþörfu í morgun - eini maðurinn í hverfinu sem var glaðvakandi!

ESB umræður í fullum gangi þegar enginn (eða næstum því enginn!) vill ESB umræður.

Rannsóknarskýrsla Alþingis er tilbúin - en má ekki birta fyrr en eftir ritskoðun.

Jói í Bónus keypti friðhelga villu á Florida fyrir tapið á Högum  - Arion bankinn minn hefur ekkert við það að athuga því Jói á svo bágt.

Er að hugsa um að fá mér kött.  Þeir sem þekkja mig myndu áreiðanlega ekki segja orð.  Erum við hvort sem er ekki stödd á hvínandi hvolfi í einhverju fáránleikaleikritinu? 

 

 

Aldrei má gera svo öllum líki!

Hér í minni götu mokum við AÐ sorpgeymslunum - og eigum engin úrræði önnur.

Þannig er mál með vexti að snjóruðningstæki borgarinnar hreinsa umferðargötuna með því að hrúga snjónum inn á bílastæðin okkar og allt um kring um bílana okkar. Og sum okkar þurfa á bílunum að halda til þess að sinna hlutverki okkar sem góðir og þægir skattgreiðendur.

Því förum við íbúar út að moka snjóinn af bílastæðinu. Ekki dugir að moka snjónum til baka út á götuna - það er eins og að létta á sér uppí vindinn, kemur allt til baka í næstu ruðningsumferð. Ekki finnst okkur heldur góð lausn að hrúga snjónum á gangstéttina; við berum virðingu fyrir "gestum og gangandi".

Hvað gerum við þá við snjóinn sem borgartækin ryðja að okkur af umferðargötunni? Einmitt; við mokum og mokum; söfnum snjó-salt- og tjöruhrúgunni saman í hjólbörur og förum ótölulega margar hjólböruferðir sem við sturtum úr innan eigin lóðarmarka.

En - ææ - það er einmitt þar sem ruslatunnurnar eru staðsettar!

Mokið frá tunnunum!

Karlanginn.

Hann er enn stilltur inn á hlutverk sitt sem "kaupmaðurinn á horninu" sem er í góðu spjallsambandi við fastakúnnana.
Glaumur og glys umheimsins og fyrrverandi skammtíma ríkidæmi sýnist nú sem fjarlægur en ljúfur draumur.
Óli Lokbrá og Elli Kerling - skamm, skamm...

Segir viðmót viðskiptavina Haga annað

Á móti Icesave - með góðri samvisku.

Miðað við skuldatölur sem birtar voru rétt fyrir síðustu jól nema skuldir þjóðarbúsins 5150 milljörðum - þar af ríkisins 1794 milljörðum.   Í þessum tölum eru ekki hinar ætluðu Icesave-skuldir, sem enginn virðist vita hversu háar gætu reynst.

Sumir segja að þær ætluðu Icesave-skuldir séu samviskuskuldir því við hefðum bruðlað ótæpilega til einkaneyslu en ég held að í ofangreindum skuldatölum sé einmitt innifalin öll hin meinta einkaneysla.  Það þurfti sem sagt ekki Icesave til þess að bruðla hérlendis, enda virðist sem þeim sjóðum hafi verið ráðstafað erlendis - aðallega í bresku athafnalífi. 

Innifalið í skuldatölunum felst einnig bruðlið í húsbyggingageiranum, svo sem þúsundir hálfbyggðra og/eða óseldra bygginga, sem alls staðar blasa við, sanna.  Það má ekki gleyma því að til allra þessara bygginga þurfti stórfelldan innflutning á byggingarefni, vélum og verkfærum.  Hver græddi á því nema erlendir framleiðsluaðilar - og svo auðvitað skatturinn.  Hvaðan kom vinnuaflið, allar þessar þúsundir farandverkamanna, og hvert voru launin þeirra send?  Þ.e.a.s. afgangurinn þegar skatturinn var búinn að fá sitt.  Semsagt, skatturinn græddi eitthvað, en stór hluti af tilkostnaði fór úr landi.

Ég lít þannig á að þótt við sæjum aldrei aftur kröfur um Icesave-greiðslur, þá munum við samt sem áður þurfa að greiða rándýran samviskuskatt af óráðsíu fjórfrelsisáranna.

Neyðarlegt!

Samninganefndin nýja sneri heim í fyrrakvöld. Fréttir hafa borist af hennar fyrsta fundi með samningsaðilum GB og NL og þær benda til þess að fátt annað hafi farið á milli manna en árétting um að hin nýja íslenska nefnd væri skipuð til þess að hefja samningaferlið frá grunni.

Skildu viðsemjendur ytra ekki samninganefndina? Eru fréttirnar rangar?
Eða skyldi vera nokkuð til í þeim sögusögnum að íslenskir ráðherrar viðhafi "viðræður-bak-við-tjöldin" við breta og hollendinga án vitundar íslensku nefndarinnar?

Hlupu þeir erlendu á sig með of snöggum viðbrögðum út frá viðræðum við formlegu samninganefndina um næstum því ekki neitt?

Hvað sem veldur, þá er víst að þetta skynditilboð er frámunalega neyðarlegt!

Svar komið vegna Icesave

Í hvers umboði starfar samninganefndin?

Það var ágætt að skipa samninganefnd til þess að hafa í startholunum EFTIR að þjóðaratkvæðagreiðslan hefur farið fram. Og svo sem allt í lagi líka að leyfa nefndinni að æfa sig í skylmingum þangað til.

EN, það þarf að þagga niður í ráðherrum og aðstoðarmönnum ráðherra núverandi ríkisstjórnar. Banna þeim með öllu að tjá sig í erlendum fjölmiðlum, reyndar íslenskum líka, þar til eftir 6. mars n.k.

Hugsanlega lengur, því eftir þjóðaratkvæðagreiðsluna mun samninganefndin vonandi aðeins sinna hagsmunum íslensks almennings. Jafnvel þótt þeir hagsmunir falli ekki að þeim sem núverandi ríkisstjórn og ESB sinnar hafa efst á blaði.

Samninganefndin á leið heim

Hvað kostar ESB aðildin Ísland ef allt er reiknað?

ESB þjóðunum er ekki boðið á þennan fund. Kanada býður aðeins raunverulegum og óháðum aðildarlöndum Norðurskautsráðsins. Að sjálfsögðu - fundurinn snýst ekki um ESB málefni á borð við nýtingu sólarstranda á meginlandi Evrópu.

Já, Össur góður, aðildin sú verður dýrkeyptari með hverjum deginum!

Íslandi og Inúítum úthýst

Er evrópskum lífsstíl ógnað?

Gavin Hewitt, evrópumálaritstjóri hjá BBC, skrifar athyglisverðan pistil um horfurnar innan ESB í þeirri fjármálakreppu sem nú hrjáir mörg aðildarlöndin.

Ekki eru síður athyglisverð viðbrögð lesendanna - það er víst að ekki munu allir fagna aðild Íslands með sín fjármálavandræði. Ég set hér inn link á greinina og vona að mér hafi tekist að gera hann virkan:

http://www.bbc.co.uk/blogs/thereporters/gavinhewitt/2010/02/a_european_way_of_life.html

Bílalán bundið erlendri mynt var normið.

Undirrituð er ein af fórnarlömbum gengishrunsins með "erlent bílalán".

Í mínum bílasamningi segir: "Samningur þessi er gengistryggður og eru allar fjárhæðir bundnar erlendum myntum í eftirfarandi hlutföllum [...] og taka mið af þeim á hverjum tíma".

Þar sem ég hafði ekki ráð á því að staðgreiða nýjan bíl, með ellefu ára gamlan bíl í uppítöku, þurfti ég auðvitað að fjármagna kaupin með bílaláni. Gallinn var sá að MÉR STÓÐ EKKERT ANNAÐ TIL BOÐA EN GENGISTRYGGT BÍLALÁN!

Það er því ekki hægt að halda því fram að við "fátæklingar" hefðum átt eitthvað val!

Hæstiréttur þarf að skera úr