Í hvers umboði starfar samninganefndin?

Það var ágætt að skipa samninganefnd til þess að hafa í startholunum EFTIR að þjóðaratkvæðagreiðslan hefur farið fram. Og svo sem allt í lagi líka að leyfa nefndinni að æfa sig í skylmingum þangað til.

EN, það þarf að þagga niður í ráðherrum og aðstoðarmönnum ráðherra núverandi ríkisstjórnar. Banna þeim með öllu að tjá sig í erlendum fjölmiðlum, reyndar íslenskum líka, þar til eftir 6. mars n.k.

Hugsanlega lengur, því eftir þjóðaratkvæðagreiðsluna mun samninganefndin vonandi aðeins sinna hagsmunum íslensks almennings. Jafnvel þótt þeir hagsmunir falli ekki að þeim sem núverandi ríkisstjórn og ESB sinnar hafa efst á blaði.

Samninganefndin á leið heim

Athugasemdir

[(IP-tala skráð) 18.2.2010 kl. 22:17]

Orð í tíma töluð mín kæra. Stel þessu

[Ragnhildur Kolka, 18.2.2010 kl. 22:57]

Það þarf svo sannarlega að þagga niður í þessu lið, aðstoðarmönnum jafnt sem ráðherrum. 

Maður getur rétt ímyndað sér hvað erlendir ráðamenn hugsa þegar þeir sjá allar þær útgáfur af skoðunum sem upp úr þeim renna.

Og það versta er að það eina sem þetta lið getur verið sammála um er að skaða íslenska hagsmuni sem mest. Steingrímur og Indriði gera sitt besta til að ganga erinda nýlendukúgaranna á meðan þernur Össurar rífa hár sitt og hrína. Það ætti að setja þá í gapastokk með Össur á milli sín fyrir að niðurlægja þjóð sína á þennan hátt.

Össur hefði betur borið töskur forsetans úr landi og skilið þær þar eftir, frekar en að leyfa Ólafi að móðga sendiherra voldugustu (enn um sinn) þjóðar heims. Að senda svo grátkór á betliskóm er hrein móðgun við íslenska þjóð. 

[Kolbrún Hilmars, 19.2.2010 kl. 13:01]

Þakka ykkur fyrir innlitið. 

Og ekki batnar ástandið!  Ég var varla fyrr búin að sleppa "tökkunum" í gærkvöldi þegar wikileaks fréttin bættist við.  Því tel ég fulla ástæðu til þess að bætt verði við þöggunarhópinn, ekki síst þann hlutann sem sleppur vestur yfir haf. 

Ég er farin að skilja meint áform um að leggja niður Spaugstofuna - enda óþörf þegar utanríkisráðuneytið hefur tekið að sér að sjá um grínið...