Allt á hvolfi!

Jólasnjórinn fellur í febrúarlok - nánar tiltekið akkúrat núna!   

Klukkan er 1 - 2 tímum á undan rauntíma. 

Icesavesamningaþreifingar eru í gangi áður en þjóðaratkvæðagreiðslu er lokið.

Steingrímur J "vakinn" að óþörfu í morgun - eini maðurinn í hverfinu sem var glaðvakandi!

ESB umræður í fullum gangi þegar enginn (eða næstum því enginn!) vill ESB umræður.

Rannsóknarskýrsla Alþingis er tilbúin - en má ekki birta fyrr en eftir ritskoðun.

Jói í Bónus keypti friðhelga villu á Florida fyrir tapið á Högum  - Arion bankinn minn hefur ekkert við það að athuga því Jói á svo bágt.

Er að hugsa um að fá mér kött.  Þeir sem þekkja mig myndu áreiðanlega ekki segja orð.  Erum við hvort sem er ekki stödd á hvínandi hvolfi í einhverju fáránleikaleikritinu? 

 

 

Athugasemdir

[Hrólfur Þ Hraundal, 27.2.2010 kl. 18:00]

Já, leikritið er heldur leiðinlegt, en ég myndi frekar fá mér hund ef ég ætti ekki konu.  Vitlaus klukka er ekkert annað en vitlaus klukka og vitlausar klukkur eru eins og Icesave gersamlega óþolandi.  

Það er sama hvernig menn reyna að plata sig, jörðin snýst engu að síður með sama hætti.  Villa á Flóríta ? það er þá eingin fjalla kofi með prímus og notalegheitum, heldur tíumanna þjónustu liði og leiðindum.   

[Kolbrún Hilmars, 27.2.2010 kl. 18:29]

Hrólfur, ég elska báðar sortir; hunda og ketti en mest þó úr hæfilegri fjarlægð - svona eins og ömmur versus barnabörn :)

Þarna fyrir "westan" getur maður stofnað Trust Fund um alla skapaða hluti, mér fannst hugmyndin alveg prýðileg hvað varðar köttinn - efast ekki mínútu um að Arion styrkir málefnið!

[Ragnhildur Kolka, 27.2.2010 kl. 19:38]

fáðu þér kött og láttu Arion róa. MP tekur vel á móti flóttafólki.

[Kolbrún Hilmars, 27.2.2010 kl. 20:11]

Ragnhildur, það hefur hvarflað að mér að sameinast þeim flóttamannahópi. Á móti kemur að vildi ég prófa eitthvað svona "hanky-panky" þá er Arion áreiðanlega rétti staðurinn.

Þetta eru að vísu öfugmælatímar, en ég hef margt fram yfir Jóa kallinn; er yngri, fallegri, betur gefin, af seigara kyni og skulda ekki meira en ég á. Arion "just-can´t-say-no"? Eða er það nokkuð?

[Ragnhildur Kolka, 28.2.2010 kl. 23:37]

Þá er ekki eftir neinu að bíða. Tala bara við Finn fattlausa og fá nógu hátt lán. Þú veist að það fást engar afskriftir upp minna en milljarð.

[Kolbrún Hilmars, 1.3.2010 kl. 17:06]

Einmitt, það er um að gera að vera stórhuga - næg hef ég fordæmin