Nýjasta nýtt í mótmælum!

Almennileg mótmæli  krefjast þessi ekki lengur að þúsundir einstaklinga mæti í hóp á Austurvöll eða Lækjartorg með potta sína og pönnur og standi þar vaktina lon og don, jafnvel krókloppnir.

Ný og þægilegri aðferð hefur verið uppgötvuð. 

Nú mætir fólk bara með afgangsbrauðið og kastar því á "þýðingarmikla" staði. 

Svo sér máfurinn um rest!

Skriftir tíðkast ekki innan Þjóðkirkjunnar

Þótt fólk leiti til sóknarprestsins síns, þegar á bjátar í lífi þess,  hlýtur það að teljast algjör undanteking að viðkomandi  leiti til prestsins sérstaklega til þess að tjá honum sekt sína um barnaníð eða mannsmorð og búast við syndakvittun fyrir.

Hitt er svo annað mál hvernig það má gerast að barnaníðingar geti komist til æðstu metorða innan þjóðkirkjunnar. 

Mætti jafnvel vera að ef guðsmönnunum sjálfum yrði gert að skrifta, mætti koma í veg fyrir það. ?

Velferð barnsins hefur forgang

Eymd á uppboði?

Af hverju ætti Kaninn, í allt annarri heimsálfu, að fjármagna hjálparaðstoðina ef innlendir skæruliðar geta hvort sem er fjármagnað aðstoðina?

Ef nokkuð væri, teldi ég skynsamlegt að "skæruliðar" þyrftu að að eyða framkvæmdasjóðum sínum í hjálparstörf.

Það hangir eitthvað annað en eymd á þessari spýtu!

Hryðjuverkamenn nýta eymdina

Lítil frétt um stórt mál

Ég skora á mbl.is að birta litlu fréttina í MBL dagsins á bls. 15 efst í hægra horninu.

Icesave draugurinn gengur aftur

Núverandi ríkisstjórn er mikið í mun að fá að greiða Icesavereikning einkabankans, helst sem allra fyrst.  Ekki er þó víst að allir geri sér grein fyrir hvað hér er á ferð og því ætla ég að nefna  tölur sem eru skiljanlegar venjulegu fólki.

Miðað við áður birtar upplýsingar, má gera ráð fyrir því að Icesave muni kosta almenning 900 milljarða, eða 900 þúsund milljónir.  Ef við göngum svo út frá því að meðalíslendingurinn hafi 300 þúsund krónur í mánaðarlaun, nema árslaunin 3,6 milljónum, 3600.000.   Ef við ætlum svo að greiða Icesave reikninginn á, segjum 2 og 1/2 ári, þá þurfum við brúttóvinnulaun 100 þúsund, 100.000, vinnufærra manna.

Væri ég ríkisstjórnin myndi ég auglýsa eftir 100 þúsund, 100.000,  íslendingum sem væru til í að vinna kauplaust í samfellt tvö og hálft ár til þess að greiða Icesave reikninginn.  (Að sjálfsögðu þyrfti  viðkomandi engin opinber gjöld að greiða á meðan.)  

Ef einhverjum þykja þetta afarkostir, þá er þetta mun skárra fyrirkomulag en Haiti búum var boðið uppá.

 

Hefur viðskiptaráðherrann pólitíska stöðu?

Var hann ekki einmitt ráðinn "ópólitískt"  til þess að verða hentugur  blóraböggull pólitíkusanna? 

Forveri hans í embætti hlaut svipuð örlög, og setti blett á flokkinn sinn jafnvel þótt hann bæri aðeins hálfa sök.  Það mátti ekki gerast aftur - frá flokkspólitísku sjónarmiði - en hver hefur kjark til þess að taka við þessu ráðuneyti  þegar Gylfi hefur gengið frá í fússi og skellt hurðinni á eftir sér?

Segir Gylfa hafa afvegaleitt þingið

Alltaf rifist um afleiðingar

áður en spurt er um orsök. Þýðingarmesta spurningin er auðvitað: Af hverju eru íslandsmið nú allt í einu að fyllast af makríl?

Gæti verið að ESB hafsvæðið sé svo illa farið að makríllinn sé hingað kominn í ætisleit?

Það er einfalt fyrir ESB að koma í veg fyrir íslenskar veiðar á makríl; fóðra hann bara heima fyrir.

Geta nagað sig í handarbökin

Spánski rannsóknarrétturinn

var stofnaður árið 1478 af þáverandi konungshjónum Spánar, Ferdinand og Ísabellu. Margir sagnfræðingar eru þeirrar skoðunar að konungdæmið hafi fremur gert þetta af hagkvæmisástæðum en hreintrúarstefnu. Því þessi konunglegi rannsóknarréttur leysti af hólmi hinn eldri rannsóknarrétt páfadóms, sem stofnað var til um árið 1300.

Páfadómsrétturinn auðgaðist verulega á því að eignir hinna "seku" voru gerðar upptækar til páfastóls í Róm. Þetta hafði viðgengist í nær 200 ár áður en spönsku konungshjónin áttuðu sig á því að hagkvæmara yrði að stofna sinn eigin rannsóknarrétt þannig að eigur hinna "seku" rynnu beint í kistur spánska konungsveldisins.

Það er auðvelt að afla sér upplýsinga um þetta fyrirbæri á netinu. En það er samt full ástæða til þess að undirstrika þá staðreynd að hinn spánski rannsóknarréttur var ekki opinberlega aflagður fyrr en árið 1834.

Merkilegast er þó að nokkur kristinn maður finnist enn á Spáni, miðað við að rannsóknarrétturinn hafði andað niður um hálsmál þeirra í meira en 500 ár.

Illmennskan er söm við sig

og skiptir ekki máli hver gunnfáninn er því þangað leita illmennin þar sem tækifærin gefast þeim til þess að þjóna eðli sínu.

Hvort vettvangurinn er Spánn rannsóknarréttarins, Þýskaland nazismans, Kambodia khmeranna, Angola málaliðanna, Uganda geðsjúklingsins eða Afghanistan öfgatrúarmanna skiptir ekki máli;  alls staðar þar og við áþekkar aðstæður má finna illmennin.  Þau flykkjast  sem mý að mykjuskán hvar sem barist er um völd eða hugsjónir og oftast nær hefst blóðbaðið ekki fyrr en illmennin mæta á svæðið.

Hingað til hefur ekki tekist að  útrýma illmennum.   Í besta falli að hrekja þau af einum stað á annan.   Þannig hefur það gengið fyrir sig árþúsundum saman.

Skyldi nýtilkomin tækniþekking mannkyns eiga einhverjar lausnir í pokahorninu? 

 

 

Aðeins hálf sagan sögð

enda er allt í gríni hjá borginni. Það gleymdist alveg að geta þess í fréttatilkynningunni að liðsinnis var leitað hjá Mannréttindaskrifstofu Íslands og að forstöðumaður þar á bæ muni veita lögfræðilega ráðgjöf.

Margrét Steinarsdóttir er forstöðumaður Mannréttindaskrifstofu Íslands en ekki starfsmaður á vegum borgarinnar.

Íbúum af erlendum uppruna veitt ráðgjöf