Hver er staða samkynhneigðra í samfélögum heimsins?

Umræðan hefur verið ofarlega á baugi undanfarið.  Jafnvel gengið svo langt að jaðrar við milliríkjadeilur frændþjóða.  Sem er kveikjan að eftirfarandi pælingum.

Margir vilja meina að andstaða og/eða afneitun samkynhneigðar sé eingöngu af trúarlegum ástæðum.  En er það svo?   Er ekki ástæðan í rauninni félagsleg sem varðar grundvallarverðmætaviðmið samfélaganna?

Það er líklegt að mörg samfélög meti mest þá  einstaklinga sem eru frjósamir og líklegir til þess að viðhalda samfélaginu.    Þá hlýtur að fylgja að þau þeirra sem skammt eru á veg komin með tæknivæðingu og læknisfræði  eru líklegust til þess að úthýsa þeim "gagnslausu".

Þá er líka jafnlíklegt að þau samfélög sem þurfa að takmarka frjósemina kunni vel að meta þá sem ekki leggja til í þá hít.  

Einnig þau samfélög sem hafa öðlast þekkingu og tækni til þess að stýra frjóseminni; ýmist með fóstureyðingum eða fósturfrjóvgunum og treysta ekki eingöngu á mannlega þáttinn.

Sennilega er það því engin tilviljun að sumar þjóðir sýnast "frjálslegri" en aðrar.

Lausnin fundin

Ekki með því að eyða milljörðum í að dæla sandinum í burtu - heldur með því að dæla sandinum að og mynda eiði til Eyja. 

Var ekki Grandasvæðið einmitt myndað þannig...

Mun Bakkafjara umlykja Eyjar?

Þinglýsingar endurspegla eigendaskipti - ekki endilega fasteignasölu

Hversu margar þinglýsinganna eru vegna eigendaskipta í kjölfar nauðungarsölu?

Ef svo fer sem horfir á eftir að færast enn meira líf í "fasteignasölu" á komandi mánuðum.

Lífleg fasteignasala á höfuðborgarsvæðinu

Ekki ein um að detta í þessa gryfju!

Hið sama hefur hent tvo forsætisráðherra; Geir Haarde og Gordon Brown.

Gæfa Þórunnar er að hennar fall er ekki jafnhátt...

„Ég biðst innilega afsökunar“

RÚV sparar

Sennilega hafa forsvarsmenn þar lesið sömu skemmtilegu fréttina og birtist á mbl.is fyrir stuttu.

Fréttin sú fjallaði um einhvern spítala í Bretlandi, sem fékk verðlaun fyrir frábæran rekstrarárangur. Rekstrarkostnaður var í lágmarki þrátt fyrir glæsileg, hreinleg og sótthreinsuð húsakynni, tækjakost af bestu gerð og hæfasta mannaflann. Þar vantaði ekkert nema sjúklingana!

Nefskatturinn nýtist áreiðanlega vel í þannig rekstri.

Spaugstofan á Stöð 2

Karlanginn

Ég skautaði svona létt yfir þetta Fréttablaðsviðtal, enda þakti það nokkrar þéttskrifaðar blaðsíður. 

En miðað við fyrirsagnir og tilvísanir þá virðist mér sem Sigurði hafi  helst mislíkað það að hafa ekki notið VIP þjónustu hjá sérstökum saksóknara.    Í uppstilltri klausu á bls 24 segir:

"Þrir starfsmenn sérstaks saksóknara hafa yfirheyrt Sigurð samtímis um þau mál sem eru til rannsóknar varðandi Kaupþing.  Sigurður hefur hins vegar ekki átt nein samskipti við sérstakan saksóknara sjálfan, Ólaf Þór Hauksson.
"Hefurðu aldrei rætt við hann?"  "Ég hitti hann einu sinni í stigaganginum, aldrei annars," segir Sigurður."

Á sömu blaðsíðu: "Það kom mér á óvart að vera settur á bekk með eftirlýstum hryðjuverkamönnum, eiturlyfjabarónum og öðrum hættulegum glæpamönnum."

Hið síðarnefnda geta reyndar íslendingar allir tekið undir; við áttum aldrei von á því að Bretar skelltu á þjóðina hryðjuverkalögunum sínum.   En ekki þykir mér verra að þeir menn sem bera helstu sökina á þessum bresku aðgerðum, finni fyrir því á eigin skinni.

Vill rannsókn á vinnubrögðum sérstaks saksóknara

Þingmenn geta staðið saman ef þeir vilja

Það yrði áreiðanlega of dýrt að flytja íslenska þinghaldið til Grænlands, en ef þingmenn geta aldrei komið sér saman á heimavelli, þá mætti ef til vill athuga með það úrræði?

Þingmenn máluðu húsið

Sjálfsögð slysavörn

En er ekki hægt að setja eitthvað slíkt á reiðhjólin líka?

Hjólreiðamönnum fer sífellt fjölgandi á göngustígum og gangstéttum og hjólin eru yfirleitt algjörlega hljóðlaus. Af eigin reynslu þekki ég að hjólreiðafólk kemur undantekningalítið þjótandi aftan að grandalausu gangandi fólki án þess að vara við.

Það er gangandi lítil huggun í spítalalegunni eftir slíkan árekstur að hafa verið í "rétti".

Ekki draga um of úr hávaðamengun

Aðskilnaður ríkis og kirkju

er orðið brýnt mál.   Það er meira en  tímabært að lútherstrúarfólk eignist alvöru trúarfélag.

Þann 1. janúar 2010 voru 251.487 einstaklingar skráðir í þjóðkirkjuna og söfnuði af þeirri stærð er engin vorkunn að halda uppi hefðbundnu safnaðarstarfi.    Ekki síst þegar hefur verið klippt á naflastreng ríkis og kirkju og þeir þjónustuþættir sem tilheyra ríkinu hafa verið aðskildir frá safnaðarstarfinu.  

Sem einn að þessum 251487 einstaklingum er ég orðin þreytt á því að tilheyra söfnuði sem er bæði ruslakista og blóraböggull.

 

Hver er sænska leiðin?

Þungaviktarpólitíkusar jafnt og hinir minni vísa oft þessa dagana til "sænsku leiðarinnar" í umræðum sem varða aðskilnað ríkisins og íslensku þjóðkirkjunnar.

Vildi einhver vera svo væn/n að útskýra fyrir mér hvað felst í þeirri leið?