Meiri skemmtilegheit frá loftslagsráðstefnunni.

Blessunin hún Svandís hefur það alveg á hreinu að íslendingar hafa svigrúm til þess að draga úr mengandi orkunotkun sinni um 30% til þess að koma í veg fyrir "global warming".

Nú hef ég ekki tiltækar tölur um hvernig (mengandi) orkunotkun hérlendis skiptist og eftirfarandi er hrein ágiskun:

30% = fiskveiðiflotinn og sjóflutningar
25% = flutningar á landi og í lofti - vöruflutningabílar og flugsamgöngur
25% = einkanotkun - bílar, grill, varðeldar, útöndun
20% = iðnaður - verksmiðjur og vinnuvélar  

Hvað eigum við svo helst að skera niður?  Og ef við hvorki getum það né viljum; hvað mun það kosta og hvert eigum við að senda tékkann?

PS:  hefur einhver hlutfallstölurnar á hreinu?

PPS: landbúnað allrahanda reikna ég með iðnaði -  ferðamannaviðskipti (á landi) undir einkanotkun

Þarna missti ég af einhverju.

Hver er þessi ÞUNGAIÐNAÐUR sem íslendingar eru sekir um að framleiða?

Er verið að smíða skriðdreka, vopn, bíla, skip eða flugvélar úr íslensku járngrýti á laun í einhverri koladrifinni stórverksmiðju í Trékyllisvík?

Unnu spjöll á sendiráði Íslands

Gott mál.

ESA hefur þar með staðfest, sjö sinnum, að íslensk þáverandi stjórnvöld hafi verið í fullum rétti að neyta neyðarréttar við algjört kerfishrun hérlendis.

Enn standa þó eftir spursmál um ábyrgð á "aflands"innstæðum íslensku bankanna. Skyldi ESA humma fram af sér að taka afstöðu til þess vegna þess að bresk stjórnvöld hafa sýnt ákveðið fordæmi með því að tryggja ekki sínar eigin aflandsbankainnstæður?

Sjö úrskurðir Íslandi í hag

Hverjir fá að kjósa?

Allir íslendingar "sem hafa aldur til" eru sagðir hafa fengið úthlutað aðgangskóða í heimabanka sínum til þess að komast inn á kosningavef ÍslendingaVals.

Annað hvort hefur undirrituð fallið á aldurstakmarkinu (því efra) eða þá að heimabankinn hennar tekur ekki þátt í plottinu.   ?

Afnám staðgreiðsluskatta - að hluta.

Boðaðar skattabreytingar þýða afnám staðgreiðsluskatta að stórum hluta. Af hverju stíga stjórnvöld ekki skrefið til fulls? Svarið er auðvitað að ríkiskassinn hefur ekki efni á því.

Í framkvæmd sýnist þetta verða meiriháttar flækja. Það þyrfti að setja inn ákvæði í lögin þannig að launagreiðendur verði ekki gerðir ábyrgir fyrir því klúðri sem þessu nýja innheimtu og skattálagningarkerfi mun fylgja.

Í staðgreiðslukerfinu eru launagreiðendur gerðir ábyrgir um megnið af skattinnheimtu vegna launþega, þ.e. þeir eru ólaunaðir innheimtuaðilar kerfisins. Fyrir upptöku staðgreiðsluskatta, voru launagreiðendur nákvæmlega það; launagreiðendur. Á þeim tíma sá "Skatturinn" bæði um álagningu og innheimtu.

Nú stendur semsagt til að taka upp blandað innheimtu og skattálagningarkerfi. Hver verður staða launagreiðandans í því kerfi?

Gera alvarlegar athugasemdir við skattabreytingar

Ekki bara vírus - baktería líka.

Svipuð frétt þessari birtist á CNN vefnum í gær. Þar er líka fjallað um krufningar á látnum og niðurstöður þeirra en eftirfarandi upplýsingar eru þar til viðbótar:

...
"More than half of the deaths were caused by bacterial pneumonia.

"The secondary bacterial infection evokes inflammation," said Dr. William Schaffner, professor in the Division of Infectious Diseases at Vanderbilt University School of Medicine. "It socks it in the lung and all of a sudden the lung as an organ can't do its principal job.""
...

(Gæsalappaður útdráttur er tekin úr fréttinni: "H1N1 virus attacks deep into the lungs". By Stephanie Smith,CNN Medical Producer. December 8, 2009.)

Ætli stökkbreytingin sé þá í raun þessi viðbótarbakteríusýking og auk svínabólusetningar þurfi fúkkalyfjagjöf?

Svínaflensan skemmir lungun

Nú mega bakarar fara að vara sig.

Smiðirnir flýja hver sem betur getur...

Atli í leyfi

Mikilvægar upplýsingar vantar í þessa frétt.

Höfðu hinir "stökkbreyttu" verið bólusettir við svínaflensu?

Ný tilfelli stökkbreytingar

Ræðustóll Alþingis eitthvað viðkvæmur núna?

Í þeim stóli hafa ýmis gífuryrði verið viðhöfð; svo sem "Skítlegt eðli" núverandi forseta, "Gunga og drusla" Steingríms sjálfs. Ekki er samt að sjá annað en stóllinn hafi jafnað sig á þeim ósköpum.

Núverandi ástand í þjóðfélagsmálum er ekkert til þess að hrópa húrra yfir, en þó tekur út yfir allan þjófabálk ef þingmenn þurfa að hlífa ræðustólnum við sannleikanum.

Verður að klára Icesave af ótilgreindum ástæðum

Áttunda leiðin.

Farðu á videoleiguna, leigðu myndina "Home Alone" og lærðu brögðin þar utanbókar. Þú ert hvort sem er ekki í stuði til þess að gera neitt af því sem þessi sjö stiga danska aðferð boðar. Þótt ástæða þess að þú viljir einangra þig um jólin sé einfaldlega sú að þú ert í miðju sorgarferli - nú eða með flensuna - þá kann svo að fara að þú verðir hetjan í hverfinu þínu ef þér tekst að klekkja á þjófapakkinu og koma í veg fyrir að það herji á nágranna þína.

En annars - svona í fyllstu alvöru; er nú svo komið að ráðleggingar á borð við þessar tilheyri hinum hefðbundna jólaboðskap?

Sjö leiðir til að forðast innbrot um jólin