Enn flækjast málin!

Samkvæmt þessari Droops-aðferð þýðir að greidd atkvæði - alls 80.000 um 25 sæti -  að allir hafi kosið  sömu röðun í sætin 25, sem gerir 3200 atkvæði í hvert sæti.  Sem er hið besta mál ef kosningin er rússnesk.

Auðvitað er svolítið seint að spyrja núna; EN:

Hvaða reglur áttu eiginlega að gilda um þetta fyrsta almenna persónukjör í sögu lýðveldisins?

 

 

Stjórnlagaþing til Hæstaréttar?

Það þarf engan Icesavesamning

annan en að kvitta undir afsal erlendra eigna einkabankans Landsbanka til breskra og hollenskra.

Íslenskum skattgreiðendum kemur málið ekki við.

Engin drög verið kynnt

Félagarnir Skattmann og Jón Jónsson í slæmum málum?

Nú er ljóst að Jón Jónsson má ekki hafa það sem hobbý að smíða sér kerru í bílskúrnum sínum án þess að reikna sér af því vinnutekjur og greiða af viðvikinu viðeigandi skatta.  Svo segir Skattmann.

En hvað með "ókeypis" vinnukraftinn sem Jón Jónsson heldur inni í íbúðarhúsinu sínu áratugum saman  og kallast eiginkona?  Sú  fær engin vinnulaun sem eru uppgefin til Skattmanns en er þó alltaf sístarfandi í þágu Jóns og skerðir sölumöguleika skattskyldra þjónustuaðila á vegum Skattmanns.   

Sú bakar, eldar, þrífur, saumar, sér um innkaup og er oft í hlutverki fjármálastjóra.  Ef aðstæður krefjast annast Sú líka barnauppeldi, fræðslumiðlun, sjúkrahjálp á fyrstu stigum - og skipar jafnvel Jóni fyrir.   Svo ekki sé nú minnst á þá þjónustu sem hvorki má nefna né kaupa. 

Verði komið í veg fyrir slík skattaundanskot;  hvor mun þá fyrr lenda í vandræðum; Skattmann eða Jón Jónsson?

 

Norræn velferðarstjórn?

Varla - en auðvitað má vera að ég hafi illilega misskilið hverra velferðar svoleiðis stjórn vill helst gæta.

Ætla að hætta að greiða Heimahjúkrun barna

Ræðið frekar launahækkanir!

Það er dæmigert að forystumenn launþega vilji frekar ræða lífeyrismálin - þar liggja fjármunirnir sem færa þeim meiri völd en hagsmunagæsla sú sem þeir voru kjörnir til þess að gæta fyrir hönd launþega.

Lífeyrismálin öll þarf að endurskoða hvort sem er - ekki blanda þeim í komandi kjarasamningaviðræður!

Ræða jöfnun lífeyrisréttinda

Hvað líður endurgreiðslum á ofgreiddum bílalánum?

Nú er kominn meira en mánuður síðan lántakar fengu útreikning og staðfestingu á inneign sinni vegna ofgreiddra gengislána.  Boðið var uppá val; annað hvort að fá endurgreitt inná bankareikning eða leggja inneign inná höfuðstól skuldarinnar.  

Í byrjun nóvember voru svo sendir út nýir innheimtuseðlar vegna gjalddaga lánanna í nóv. og boðuð hefur verið útsending næsta seðils vegna des.gjalddaga í þessari viku.

Hefur einhver(sem þess óskaði)  fengið inneign sína endurgreidda?

Eftir síðustu helgi var nógu slæmt

þótt hótun um aðgerðir "á fullri ferð aftur" eftir komandi helgi liggi ekki í loftinu.

Eftir síðustu helgi var boðuð hækkun á öllu þessu klassíska sem hækkar sjálfkrafa skuldir heimila og fyrirtækja; bensínskatt, tóbaksskatt, áfengisskatt.

Fleiri aðgerðir "í nokkrum pökkum", lofar fjármálaráðherrann eftir næstu helgi. 

Takk, ágæti fjármálaráðherra - sama og þegið!

 

 

Aðgerðir í „nokkrum pökkum“

Eitthvað í frásögur færandi

að íslenskur almenningur fikri sig upp húsnæðisskalann?   Það hefur áratugum saman tíðkast að fólk kaupi fyrst litlu íbúðina, stækki svo við sig með stærri íbúð, ráðist svo í raðhúsbygginguna og að lokum einbýlishúsið.   Grunnurinn að þessu ferli er lagður með fyrstu íbúðakaupunum - ekki þeim síðustu.

Það voru fjöldamargir, ekki aðeins Marinó og fjölskylda, sem voru mitt á milli þegar hrunið varð.  Fólk sem átti fullbúið óselt húsnæði sem  átti að duga til þess að fjármagna næsta íbúðarstig, en þurfti að brúa bilið með lántökum.

Það fyrsta sem mér dettur í hug er: Hverjum er í hag að reyna að ómerkja málstað Marinós  með þessari persónulegu árás?

Að öðru leyti þykir mér betra að málsvarinn þekki þau vandamál sem hann berst fyrir að leysa.

Segir sig úr stjórn vegna umfjöllunar Fréttatímans

Er verið að spara

með því að senda ekki saltbílana út fyrr en á dagvinnutíma?

Það er sem mig minni að okkur ökumönnum hafi verið lofað því að allar helstu götur yrðu þegar saltbornar um það leyti sem við ækjum til vinnu - gegn því að við spöruðum við okkur nagladekkin.

Mikið um árekstra í morgun

Skrýtinn spiladraumur

sem mig dreymdi nú nýlega.  Þar sat ég við spilaborð ásamt eiginmanni og vinahjónum.   Það sem var óvenjulegt við drauminn var eftirfarandi:

Á hendi hafði ég tóma hunda - nema tígulásinn.

Þetta var þegjandi spilasamkvæmi - enginn sagði orð.

Við vorum að spila whist en ekki bridge eins og við vorum vön.

Allir spilafélagar mínir eru látnir

Nú er sagt að draumatákn séu einstaklingsbundin, en getur einhver hjálpað mér að ráða í þau?