Það var þá þakklætið!

Ísland viðurkenndi sjálfstæði Litháa þegar þeir voru að slíta sig frá USSR. Öll íslenska þjóðin studdi það mál og ætlaðist ekki til endurgreiðslu í neinni mynd.

En þar sem aðeins tæpur þriðjungur þjóðarinnar vill aðild að ESB, hvað eru þá Litháar að hugsa? Hugsanlega eru þeir illa upplýstir, en ef þeir vilja launa okkur greiðann á þennan hátt; þá er það sama og þegið!

Ísland gangi í ESB árið 2013

Fjármagnseigendur farnir að örvænta?

Það er hið besta mál. Mín vegna mega þeir hafa þetta eins og Jóakim Önd og geyma gullið sitt bara í peningatönkum - ávöxtunarlaust.

Það óskynsamlegasta sem ungt fólk getur gert við núverandi aðstæður er að kaupa sér íbúð á lánum. Það er ekki náttúrulögmál að unga fólkið okkar þurfi að undirgangast ævilangan skuldaþrældóm.

Auðvitað missa fjármagnseigendur spón úr aski sínum, en fáránlegast af öllu er svo ef ríkissjóði er ætlað að gegna hlutverki flautuleikarans. (The Pied Piper)

Hjálpi ungu fólki að kaupa

Sá á kvölina sem á völina - eða svo er sagt

Hvort borgar sig að þiggja 15.000.  kr aukalaunagreiðslu eða fá frídag frá vinnu í staðinn?

Nú þarf ég að velja og eins og alltaf  þarf þá að vega og meta hagsmunina:

Við beina launagreiðslu þarf launagreiðandinn að borga 17.600 að meðtöldum launatengdum gjöldum.  Sjálf fengi ég útborgað nettó 8.600. að frádregnum sköttum og skyldum.

Valið varð mér ekki eins erfitt og málshátturinn segir - aukafrídagar koma sér alltaf vel.

 

 

 

 

Hann lamdi mig fyrst

...er algeng afsökun systkina þegar foreldrarnir þurfa að stilla til friðar.

Í þessu tilviki virðist augljóst hver lamdi hvern fyrst. Hvernig mun svo alþjóðasamfélagið bregðast við þegar afskipta þess er óskað af upphafsmanninum sem fær á snúðinn að launum og kann ekki vel að meta?

Hvernig myndu foreldrar úrskurða?

Vilja þrýsting á Ísraela

Eða öfugt...

er ekki Rompuy að reyna að gera úlfaldann að mýflugu? Hver er það annars sem ræður öllu; fjármálamarkaðirnir - er það ekki?

Gera úlfalda úr mýflugu

Hvar er ferðaskrifstofan?

Í svona leiguflugi er AA að fljúga fyrir ferðaskrifstofu, og Iceland Express ætti að vera ofaukið í þessu dæmi. Það væri ekki verra að fá upplýsingar um hvaða ferðaskrifstofur bjóða viðskiptavinum sínum upp á þvílíka þjónustu.

Svona upp á framtíðarviðskiptin.

Vélin fer í loftið kl. 23

Herskyldan hlýtur að hafa verið afnumin!

Óskandi að jafnaldrar mínir í USA hefðu haft þennan valkost þegar þeir áttu tug þúsundum saman bara um tvennt að velja: að flýja til Kanada sem brennimerktir hugleysingjar, eða láta slátra sér í Vietnam forðum.

Allir hefðu unnið sér það til lífs, og sæmdar, að kyssa vin sinn á almannafæri!

„Enga samkynhneigða í herinn"

Augljósara verður það ekki

Evrópskt skal matsfyrirtækið vera en má samt ekki vera á vegum einstakra aðildarþjóða. Hvar þá? Í Brüssel vitaskuld.

Þetta ESB apparat er að verða æ furðulegra sambland gamla Sovíet og þýska sósíalfasismans.

Merkel vill nýtt matsfyrirtæki

Vísbending um gjaldþrot

Svona haga sér aðeins þau fyrirtæki sem hafa ekki hugsað sér að rækta framtíðarviðskipti.

„Eins og í fangaklefa“

Eru samanburðartölur Eyglóar verri en aðrar?

Lengi hefur því verið haldið að okkur að matvælaverð, eða verðlag almennt  (miðað við kaupmátt), sé miklu lægra í ESB en hér á landi. Ekki minnist ég þess samt að hafa nokkurn tíma séð þær fullyrðingar byggðar á alvöru fræðilegri og víðtækri úttekt.

Hitt veit ég af áratuga reynslu og samskiptum við þá sem erlendis búa, hvort heldur eru íslenskir eða erlendir, að í heildina er samanburður kaupmáttarins sveiflukenndur og okkur ýmist í hag eða óhag. Þá á ég auðvitað við meðalmanninn, en hvorki þann fátækasta né þann auðugasta.

Gæti þó verið að þessa dagana sé ástandið þannig að Eygló hafi rétt fyrir sér.

Segir verðlag hærra í Bretlandi