Sá á kvölina sem á völina - eða svo er sagt

Hvort borgar sig að þiggja 15.000.  kr aukalaunagreiðslu eða fá frídag frá vinnu í staðinn?

Nú þarf ég að velja og eins og alltaf  þarf þá að vega og meta hagsmunina:

Við beina launagreiðslu þarf launagreiðandinn að borga 17.600 að meðtöldum launatengdum gjöldum.  Sjálf fengi ég útborgað nettó 8.600. að frádregnum sköttum og skyldum.

Valið varð mér ekki eins erfitt og málshátturinn segir - aukafrídagar koma sér alltaf vel.

 

 

 

 

Athugasemdir

[Ragnar L Benediktsson, 26.8.2011 kl. 11:41]

Rétt hjá þér því ef þú þiggur launahækkunina ert líka að kalla yfir þig og alla aðra meiri verðbólgu sem étur þessa hækkun og vel það. Að auki étur verðbólgan frá þeim sem fá enga launahækkun svo sem elli og örorku- bótaþegum

[Kolbrún Hilmars, 26.8.2011 kl. 14:30]

Ragnar, þakka þér fyrir ágætt innlegg um afleidd áhrif.

Best er þó að það er ákvæði í kjarasamningi (ef einhver vill jafna þessu við "svarta" vinnu) um að heimilt sé að greiða fyrir yfirvinnu í frídögum.

[Jón Óskarsson, 26.8.2011 kl. 14:43]

Mér er spurn hvort stéttarfélögin hafi ekki samið af sér með því að það sé bara 1 frídagur á móti þessum greiðslum ?

[Kolbrún Hilmars, 26.8.2011 kl. 15:12]

Jón, ég held að stéttarfélögin hafi ekki klikkað í þessu efni og tel frítökuna sanngjarna því hún jafngildir yfirvinnutaxta (með 80% álagi á dagvinnutíma). Þ.e. "1 klst í yfirvinnu jafngildir 1 klst og 48 mín" og "fríin skulu tekin í heilum dögum".

Ef eitthvað stendur útaf er svo gert ráð fyrir samkomulagi milli "aðila".

[Jón Óskarsson, 26.8.2011 kl. 15:18]

Vegna ofurskattlagningar núverandi ríkisstjórnar þá hallar meira á launþegann en við eðlilegar aðstæður :)

[Kolbrún Hilmars, 26.8.2011 kl. 18:08]

Ég held að það halli einmitt ekki á launþegann ef hann tekur yfirvinnu út í fríi. Hann tapar mestu ef yfirvinnan er greidd.

Öfugsnúið - en þannig er Ísland í dag. :)