Hvað er að frétta af Jökulsá á Brú?

Voru menn ekki að fagna því að fá þar nýja og tæra laxveiðiá þegar grugginu var beint í Lagarfljótið sem var einnig gruggugt áður?

Hvorugt fljótið hefur verið umtalað sem veiðivænt, þótt eflaust hafi eitthvað fiskifang slæðst til í Lagarfljótinu utarlega á Héraði - út við Hól og þar um slóðir.

En skiljanlegt að mönnum sé brugðið ef Lagarfljótsormurinn er hættur að láta sjá sig.

„Vatnasvæðið verulega laskað“

Óskiljanleg tvöfeldni

Sami hópur er spurður tveggja efnislega skyldra spurninga og svörin eru misvísandi.

70% segjast á móti ESB aðild, 30% meðmæltir. 
Afgerandi afstaða.

44,5% vilja draga viðræður til baka, 43,5% ekki. 
Ekki marktækur munur.

Hvað er eiginlega í gangi?

 

 

Meirihluti áfram andsnúinn aðild

Sagnfræðin tekur á sig mynd

Lögmál sagnfræðinnar er að hún er óskýranleg fyrr en eftir á.  Á meðan atburðirnir gerast  er hún eins og óraðað púsluspil og það er ekki fyrr en flestir bitarnir hafa ratað á réttan stað að sagnfræðin getur útskýrt heildarmyndina.

Margt og mikið hefur verið rætt varðandi þjóðmálin og í öllu uppþyrluðu moldviðrinu erfitt að greina á milli mikilvægra og ómerkilegra mála.  Hvað þá að sjá tengslin milli einstakra mála.  En þegar myndin skýrist, birtist  okkur þrískipt áætlun stjórnvalda um að troða þjóðinni inn í ESB apparatið með góðu eða illu. 

Fyrsta stigið var ESB umsóknin sjálf af hálfu alþingis  - með þeim þjösnagangi að græta þurfti suma þingmenn til þess að samþykkja.  Jafnframt alfarið hafnað að spyrja um vilja þjóðarinnar.

Næsta stig, eða Icesave tilraunin misheppnaðist að vísu en stjórnin átti annan gosa uppi í erminni sinni; stjórnarskrármálið. 

Slæmt er að vinsælasta stjórnarskrárbreytingin, auðlindamálið,  er gulrótin sem veifað er í þessu skyni, en verra að fólk sjái ekki samhengið.   Hverju skiptir svo sem þjóðareign þegar henni hefur verið úthýst til Brussel?

ESB umsóknin, Icesave kúgunartilraunin og stjórnarskrármálið eru nú að renna saman í eitt og sama málið í púsluspilinu:  Innlimun Íslands í ESB!

New York er stórborg

en höfuðborg USA er hún ekki. Því hlutverki gegnir Washington, DC.

Þar sem nokkur vegalengd er á milli borganna tveggja, er fréttin því svolítið villandi varðandi veðurspána; hvort ætti lesandinn að fljúga til New York eða Washington?

 

Rúmlega þúsund flugferðum aflýst

Misjöfn hræra í nautabökunum?

Eigi fyllingin að innihalda 30% nautakjöt og 70% eitthvað annað (?) þá er spurning hvort kjötið sé þyngra en hitt.  Möguleiki að það setjist á botninn á hrærunni og sumar bökur hafi meira kjötinnihald en ætlað er en aðrar ekkert.

Sjálf kannast ég við þetta vandamál við ábæta- og marengsbotnagerð.   Þá vill allt "draslið" setjast á botninn og mikið mál að passa upp á að jafnt hlutfall sé í öllum skömmtum.

„Ég bara skil þetta ekki“

Fetað í fótspor læmingja

Læmingjar eru reyndar ekki stjórnmálaflokkur heldur dýrategund sem fækkar sér reglulega með fjöldasjálfsmorði og hleypur fyrir björg í sjó fram.   Af einhverjum enn óþekktum náttúrulegum orsökum.  

En VG um það ef þeim líður betur í fámenninu á eftir.  

Þó þykir mér þetta illa gert gagnvart nýkjörnum formanni og varaformanni - sem eflaust hafa engan hug á því að hlaupa fyrir björg eða í annarra flokka björg.

 

 

VG vill ljúka ESB-viðræðum

Afgerandi "innanflokksdrættir" ?

Bæði í formanns- og varaformannskjöri VG tóku 249 manns þátt af 404 mögulegum.

Nýi formaðurinn fékk 245 atkvæði af 249 greiddum.   155 manns greiddu ekki atkvæði.

Nýi varaformaðurinn fékk 142 atkvæði af 249 greiddum.  155 manns greiddu ekki atkvæði.

Nú er bara spurningin hvort þessir 155 muni í apríl krossa við VG í kjörklefanum.

 

Katrín fékk 98% í formannskjöri

Mest mælda sandrok jarðar?

Þessi fullyrðing segir ekki neitt annað en að fátítt er að mæla "efnisflutninga sandefna með vindi". 

Er trúlega of viðamikið verkefni, bæði á heimsvísu og tæknilega.  Þær eru margar og sumar stórar sandeyðimerkurnar í heiminum, svo sem Sahara sem hefur löngum plagað löndin norðan við Miðjarðarhafið og eyjarnar vestur af í Atlantshafinu með "ómældu" sandroki.

Ég myndi sætta mig við að mælingarnar sem vísað er til yrðu réttnefndar; mesta mælda sandrok á Íslandi árið 2010.

 

 

 

Mesta mælda sandrok jarðar?

Má ekki bjóða fátækum hvalkjöt?

Fátækir eiga betra skilið en afgangana sem hinum "ríku" er ekki bjóðandi.

Auðvitað er ljótt að henda mat, en mér þætti betra að fátækum yrði boðið ódýrt hvalkjöt, ferskt og heilnæmt sjávarmeti, en ódýrt hrossakjöt af vafasömum uppruna.

Fátækir fái hrossakjötsréttina

Endalok VG?

Steingrímur J. Sigfússon ER flokkurinn. 

Þótt honum hafi verið mislagðar hendur í ráðherraembætti/um og sem forystumaður flokksins í ríkisstjórninni, þá er enginn í núverandi þingliði og/eða flokksforystunni sem kemst með tærnar þar sem hann hefur hælana.

 

„Hvergi nærri hættur í pólitík“