Vill ekki einhver svara ungu konunni

sem spyr endalaust:   "Væru vextirnir á íbúðaláninu mínu lægri innan ESB?  ÉG VIL VITA."

Vill JÁ-ÍSLAND að þessi unga kona komist að svarinu upp á eigin spýtur - eftir að hún hefur samþykkt aðild að ESB?

 

 

 

Viljayfirlýsing í anda 60 menninganna forðum

en sú undirskriftaherferð verður aldrei aftur endurtekin hérlendis.   Það má þó reyna...

Vilja ljúka viðræðunum við ESB

Útsalan á Grikklandi að hefjast

Stefna ESB og AGS hefur verið að heimta einkavæðingu ríkiseigna Grikklands.   Sú einkavæðing þýðir auðvitað að ríkiseignir landsins verði seldar hæstbjóðanda og að andvirðið verði greitt innheimtumönnum ESB og AGS.

Er það virkilega vilji ESB að Kínverjar eignist Grikkland?  Eða hvaða aðra ESB þjóð sem er, eins og líkur benda til að gæti orðið þrautalending annarra jaðarríkja í vanda.

Hvað hefur þá orðið um skjólið innan ESB sem ESB sinnar mæra sem mest? 

Kínverjar vilja kaupa gríska flugvelli

Samstarfsmenn í Noregi

Hvað á frú Damanaki við með því að ESB eigi samstarfsmenn í Noregi?   Þjóð sem er ekki aðildarþjóð ESB frekar en þær tvær þjóðir sem ESB apparatið vill  beita viðskiptaþvingunum í því skyni að meina þeim að nýta sína eigin lögformlegu landhelgi.

Það væri fróðlegt að fá það upp á borðið hverjir þessir norsku samstarfsmenn ESB eru.

 

Viðskiptaþvinganir enn á borðinu

Sérlausnir og undanþágur

Samkvæmt MBL grein í dag fer lítið fyrir undanþágum í ESB aðildarviðræðum íslensku kratanna.  

Svo vísað sé til orðalags blaðamanns "þó má nefna" að ESB féllst á útfærslu Íslands á reglum um frjálsa för vinnuafls og fyrirkomulagi á brennivínssölu hérlendis.  Þetta er allur afrakstur svokallaðra samningaviðræðna í þeim 11 köflum aðildaraðlögunar sem er endanlega lokið!

Aðrar sérlausnir eru enn vonarpeningur.  Samkvæmt aðalsamningamanni (ESB?) "fer Ísland fram á" eitt og annað smotterí sem óvíst er hvernig lyktar.  Sérstaklega verður þó spennandi að sjá hvort samþykkt verði "að ekki þurfi að taka upp sumartíma á Íslandi".

Sumar sérlausnir og undanþágur í þessu undarlega ESB aðlögunarferli virðast fáránlegar (svo sem eins og þessi með sumartímann) en ennþá fáránlegra er að þær skuli yfirhöfuð vera til umræðu!

 

Feimnismál kosningabaráttunnar

er greinilega mikilvægasta hagsmunamál þjóðarinnar nú um stundir; fullveldið sjálft.

Fráfarandi stjórnarflokkar sáu sér hag í því að sópa ESB umræðunni undir teppið - væntanlega til þess að geta tekið aftur upp þetta eina baráttumál sitt óskaddað í hugsanlegum  stjórnarsáttmálaviðræðum eftir þingkosningar í apríl.  

Okkur er sagt að "hægt hafi verið á aðildarumræðum", hvað sem það svo þýðir annað en að nú séu ESB aðildarviðræður komnar bak við embættismannaskrifborðin í stað þess að liggja í skugganum undir borðunum.

Líklega hefur einhver glöggur tekið eftir því að stjórnarflokkarnir SF og VG taka sáralítinn sem engan þátt í málefnalegri umræðu í aðdraganda kosninganna.  Skiljanlega - ekki vilja þeir eyðileggja sitt eina baráttumál sem eftir lifir af gott betur en fjögurra ára stjórnartíð.

Eigum við að láta þá komast upp með enn eina þöggunina?

 

Hver hefði trúað því

að ástandið í ESB væri orðið líkt og gerðist á tíma Charles Dickens.  Að sjálfur Fagin og barnagengið hans væri aftur komið á kreik.

Var ekki reynt að telja okkur trú um það að ESB boðaði gullna framtíð og að allir draugar fortíðar væru niðurkveðnir?

Í verkfalli vegna vasaþjófa

Afsakið - hlé

Vegna andláts elskulegrar móður minnar um síðustu helgi og þeirrar tafar sem páskahelgin veldur á öllum formsatriðum, jafnvel andlátstilkynningu, mun ég ekki blanda mér í þjóðmálaumræðuna fyrr en að lokinni útför á föstudag í næstu viku.

Eins og flestum er líklega orðið kunnugt hef ég lagt nafn mitt til á framboðslista Regnbogans og stend eftir sem áður heilshugar með framboðinu.

 

Kjúklingar hvað?

Sundurliðaði innkaup eigin heimilis fyrir febrúarmánuð samkvæmt kassakvittunum.  Niðurstaðan er eftirfarandi - sundurliðuð eftir tegundum:

20% = hreinlætisvörur (innfluttar)
15% = krydd og matgerðarvörur (innfluttar)
15% = íslenskur fiskur
0%   = kjúklingar/svínakjöt (ath. tilviljun - er ekki bannvara)
50% = mjólk, brauð, egg, ostar, kjöt, grænmeti og kartöflur (ísl.framleiðsla)

Eins og sjá má af ofangreindu teldi ég mikilvægarara að SVÞ tækist að lækka verðið um 40% á þeim vörum sem samtökin sjá nú þegar um að flytja inn; á innfluttum hreinlætisvörum og kryddvörum. 

Kjúklingur er ekki ómissandi - nema helst þá í ESB-matarverðs-áróðri.

 

 

Gæti lækkað verð kjúklingakjöts um 40%

Góð hugmynd

að fresta þingfundum frá og með 22. mars.  En alls ekki síðar!

Fyrir síðustu þingkosningar, vorið 2009, sat þingið þar til viku fyrir kosningar.

Í þetta sinn viljum við kjósendur fá frið til þess að fylgjast með og taka þátt í kosningabaráttu.

Jóhanna leggur til þingfrestun