Skyldi þó ekki vera

En hvern myndi ESB rukka?  Fráfarandi utanríkisráðherra með tvöföldu ESB umsóknina sína?

Spyr hvort ESB heimti styrki til baka

Ekki orð um nýja ríkisstjórn

- fyrr en á morgun!

Nú ætla ég að vitna í Víkverja dagsins (Mbl.22/5); hvers vegna sumir bæta á sig aukakílóum á meðan aðrir eru ónæmir, sem borða þó nákvæmlega jafnmikið og hinir.  Þá er átt við alla þá sem sinna starfi sínu sitjandi við skrifborð.

Samkvæmt rannsókninni sem vitnað er til, var fylgst með hegðun skrifborðsfólksins.  Niðurstaðan er sú að þeir sem ekki þyngdust voru á stöðugu iði, fiktuðu, gengu um, hreyfðu fæturna.  Þessi hreyfing, sem lítið fór fyrir, hafði í för með sér að umrætt fólk brenndi allt að 800 kaloríum meira á dag en hinir.

Afleidd ályktun (mín!) er þannig sú að þeir samviskusömu sem sitja sem fastast við skrifborðið allan sinn daglega vinnutíma og þjóna vinnuveitanda sínum af samviskusemi, eiga á hættu að hlaupa í spik!

 

 

Bílflautur í gúrkutíð

Eins og fleiri bíð ég spennt eftir nýrri stjórnarmyndun.  En þar sem ekkert er að frétta úr þeirri átt ennþá, má stytta sér stundir við að skrifa "reynslusögur úr daglega lífinu" - eins og það er kallað.

Fór með bílinn minn í skoðun um daginn.   Það er tiltölulega einfalt; svipað og að fara til læknis, og láta sérfræðinginn um ástandsmatið.  Sem er eins gott því ég hef ennþá minna vit á bílum núna en hér áður fyrr  eftir alla þessa tölvuvæðingu.

Var hamingjusöm með að fá fulla skoðun - en það fór ein athugasemd á hinn langa skoðunartékklista:  "Flautan er biluð".

Nú er bíllinn minn kominn á sjötta aldursár.  Fínn sjálfskiptur smábíll sem aldrei hefur bilað.   Með naumindum gat  ég stillt mig um að spyrja skoðunarmanninn HVAR flautan væri...  

Pirraður miðborgarstjóri

Nú er hann pirraður útí nagladekkin.  Þó má leiða rök að því að margt nagladekkjafólk er ekki vísvitandi að hrekkja borgarstjórann, heldur þurfa margir að sækja borgina heim sem hafa þó sýnt þá kurteisi að taka snjókeðjurnar undan bílunum fyrir utan borgarmörkin.

En það eru svosem ekki bara nagladekkin sem pirra borgarstjórann.  Á síðasta ári voru einhverjar aspir í miðborginni að pirra hann.  Þessi tré lét borgarstjórinn fjarlægja.  Eftirmálalaust.  Nú í vor hafa aspir og fleiri ofvaxin tré pirrað íbúa í úthverfum - og mega líklega sæta málshöfðun fyrir að krukka við þeim.

Það er slæmt að eiga borgarstjóra sem er aðeins pirraður staðbundið - í R-101.

 

Nagladekk pirra borgarstjórann

Vetur konungur ögrar hnatthlýnun

Ríki hans gerir það ekki endasleppt á norðurhelmingi landsins.  Hófst í september s.l. og sér ekki enn fyrir endann á þótt liðið sé á maímánuð.   Vestfirðingar, norðlendingar og austfirðingar norðanvert mega eflaust þakka fyrir að fá svo mikið sem einhvers konar vor þá 3-4 mánuði sem eftir eru til næsta hausts.  Svona rétt á meðan vetrarsnjórinn bráðnar í byggð og þangað til næsti haustsnjór fellur.

Það verður að viðurkennast að svokölluð hnatthlýnun hlýtur að vera eitthvað orðum aukin.   Spár um komandi nýja ísöld hljóma að minnsta kosti trúverðugri. 

En ef til vill er Vetur konungur bara móðgaður og finnst veldi hans hafa verið lítillækkað... 

 

 

 

 

„Það sá varla á milli húsa“

Vísitölu neysluverðs á húsnæðislán

þarf að endurskoða.  Það er ekki eðlilegt að nota þessa verðtryggingu á húsnæðislán.

1.janúar 2008 var NV 282,3 stig, í desember 2012 var NV 402.2 stig.
Hækkun 42,7%

1.janúar 2009 var NV 334,8%, í desember 2012 var NV 402,2 stig.
Hækkun 20,13%

Eins og þessi samanburður sýnir hefur nær helmingur af hækkun neysluverðsvísitölunnar  skapast eftir "hrun".  Að mestu leyti vegna skattahækkana fráfarandi ríkisstjórnar, sem eiga ekkert erindi í húsnæðislánaverðtryggingar.

Það mat framsóknarflokksins að lækka þessi lán um "20% á línuna" er því alls ekki svo galið.  Ef til vill hefði flokkurinn samt átt að kalla  leiðréttinguna öðru nafni. 

Til dæmis "leiðréttingu á skattaáhrifum á neysluvísitölu".

Aðalatriðið

við minnihlutastjórn er það að engin mál yrðu samþykkt á þingi nema með stuðningi meirihlutans.

Aukaatriðið er svo að minnihlutastjórnin gæti alltaf afsakað hugsanleg "loforðasvik" með því að það væri hinum að kenna sem hefðu staðið í veginum.

Þetta fyrirkomulag hentar stjórnmálaflokkunum því ágætlega - en hentar það almenningi?

Lýðræðislegar minnihlutastjórnir mýta

Kjördagur og kjörstaður

Eins og venjulega mætti ég á kjörstað í morgun á ellefta tímanum.  Mér sýndist kjörsókn, miðað við umferð kjósenda, ósköp svipuð og við kosningar á síðustu árum.   Sem voru reyndar fleiri en við eigum að venjast; auk kosninga til þings og sveitastjórna bæði þjóðaratkvæðagreiðslur og forsetakosningar.

Í þetta sinn sást ekki til sólar og rigndi svolítið, en það var ekkert slagviðri sem fólk virtist setja fyrir sig.  Eitt eða tvö kvikmyndagengi voru á göngunum, en líklega voru öll bitastæð mynd- og viðtalsefni komin og farin, svo við hin sluppum án áreitis.

Þeim til huggunar, sem eiga eftir að kjósa, þá er kjörseðillinn afskaplega einfaldur og vel hannaður miðað við umfang framboða.  Ekkert í líkingu við ósköpin í stjórnlagaþingskosningunum forðum...

Regnboginn stendur sig vel

Jafnrétti er eitt af stefnumálum Regnbogans og framboðið sannar það með framboðslistunum.

Af 30 frambjóðendum, eða 5 efstu í öllum 6 kjördæmunum, eru 16 karlar og 14 konur.

Hlutfall kynjanna væri samt hnífjafnt ef konur væru ekki enn svolítið hlédrægar og hógværar. 

Konur 42% frambjóðenda

Baráttumál Regnbogans eru skýr

Regnboginn býður fram undir merkjum sjálfstæðis og fullveldis, sjálfbærrar þróunar, jafnréttis, bættra lífskjara almennings, mannréttinda og félagshyggju.

Mikilvægustu málin eru þau sem eru efst á lista; sjálfstæðismálin og andstaða við ESB aðild.  Öll hin málin munu síðan mótast af því hvort þjóðin verður áfram sjálfstæð eða aðeins hornkerling í Brusselveldinu.

Regnboginn hefur kynnt stefnumálin og teflt fram frábærum frambjóðendum í öllum kjördæmum.  Þessir frambjóðendur búa yfir þekkingu á flestum sviðum samfélagsins; þekkingu sem mun nýtast í þjóðfélagi sem treystir á eigin mátt.  Og þeim kjósendum sem þora að láta á það reyna í kjörklefanum.

X við J á kjörseðilinn