Íslenskur ríkisborgari - og hvað svo?

Ætti að senda Snowden til Vestmannaeyja í fiskvinnslu eða stofna íslenska leyniþjónustu og skipa hann sem framkvæmdastjóra?

Annars er einfalt að  leysa núverandi pattstöðu með því að senda Birgittu ásamt presti á Moskvuflugvöll.  Gefa þar parið saman og allt fellur í ljúfa löð...

 

Snowden verði íslenskur ríkisborgari

Ekki undarlegt

"að ökumaður fólksbílsins hafi látið ófriðlega og neitað að koma út úr bíl sínum"

eins og fyrri fréttin greindi frá. 

Undir áhrifum og olli árekstri

Sá á kvölina sem á völina

Ef Snowden býr yfir einhverjum bitastæðum leyniupplýsingum, fær hann íbúð í Moskvu, dacha á einhverjum góðum stað, jafnvel sambýling á kostnað ríkisins.  Að auki fylginaut sem vakir yfir velferð hans allan sólarhringinn, allt árið, ár eftir ár.

Ef Snowden fer heim aftur þá er spurning hvort hann fær dóm fyrir njósnir eða ekki.  Fái hann dóm fær hann þar húsaskjól og ekkert annað.  Fái hann ekki dóm fær hann hvorki húsaskjól, dacha, sambýling né verndarengil.  Sennilega hvergi vinnu heldur.

Á Snowdens eigin tungumáli; "You´re damned if you do and your´re damned if you don´t"!

 

 

 

Snowden vill hæli í Rússlandi

Ills viti?

Nú loksins þegar þetta nýtilkomna Landsdómsdæmi fór að verða spennandi og við höfum þegar nokkra líklega sakborninga í sigtinu, þá vill nýja ríkisstjórnin leggja niður dóminn.

Það boðar ekki gott - svona uppá framtíðina...

 

Ætla að leggja niður landsdóm

Hver er fimmta hjólið

- á þessari mynd?  Fulltrúi gestgjafans?

Væri ekki viðeigandi að kynna EFTA ráðherrana á myndinni?

Undirritaði þrjá fríverslunarsamninga

Veiðigjald hér eða þar

Þessa dagana er í gangi undirskriftasöfnun á móti niðurfellingu "sérstaks" veiðigjalds sem um það bil 30 þúsundir hafa skrifað undir.   Þetta veiðigjald mun ekki verða innheimtanlegt samkvæmt "kerfinu" en undirskriftaraðilar vilja samt að svo verði gert. 

Samkvæmt fréttum eiga 3/4 þeirra sem skrifa nöfn sín á þennan lista lögheimili í RN og RS.

Í vor fékk ég bréf, sem frambjóðandi til þingkosninga, frá Samtökum sjávarútvegssveitarfélaga.  Þessi samtök gera enga kröfu til þess að koma að ákvörðunum um útreikninga og upphæðir í sambandi við veiðigjaldið.   En gefum samtökunum orðið:

"Störfum í veiðum og vinnslu fækkaði mikið á síðustu öld og fækkar enn.  Mest gerist það fyrir áhrif tæknibreytinga þar sem mannshöndin er leyst af hólmi með ýmiskonar vélbúnaði og nú síðari ár einnig vegna lagabreytinga.  Þannig leiddi setning laga um kvótakerfið til mikillar hagræðingar í sjávarútvegi með tilheyrandi fækkun starfa og röskun á búsetuforsendum.  Ekki var reynt að meta þessi áhrif fyrirfram eða hvort unnt væri að beita formlegum mótvægisaðgerðum vegna fækkunar starfa og þar með fækkun íbúa sjávarbyggðanna."

"Með sérstaka veiðigjaldinu sem var lögfest vorið 2012 var enn hert á kröfunni um hagræðingu í greininni.  Þess mun sjá stað með fækkun báta, fækkun fyrirtækja og þar með fækkun starfa, rétt eins og gerðist þegar hagræðingin sem fylgdi kvótakerfinu fór að hafa áhrif.  Einnig verður svigrúm fyrirtækjanna til fjárfestinga í heimabyggð minna.  Nú geta menn séð þetta fyrir, umfang gjaldsins er þekkt.  Það er ljóst að samfélagið í heild hagnast á hagkvæmum sjávarútvegi en það eru sjávarbyggðirnar sem greiða fyrir þá hagræðingu með fækkun starfa, og í framhaldinu fækkun íbúa.  Okkar krafa er sú að ríkisvaldið kannist við afleiðingar þess að svo stór hagræðingarkrafa er sett á greinina og að brugðist verði við.   Krafan er sú að sjávarútvegssveitarfélögin fái hlutdeild í sérstaka veiðigjaldinu."

Að öðrum ólöstuðum, þá þætti mér nær að fólk sameinaðist  um undirskriftalista til stuðnings þeim sveitarfélögum sem eiga líf sitt undir sjávarútvegi - og jafnvel hlutdeild í veiðigjaldinu.

Stormur í vatnsglasi?

Mikið fjaðrafok hefur verið gert vegna meintra "skattsvika" forseta Íslands.

Veit fólk ekki að forsetinn er undanþeginn greiðslu allra beinna sem óbeinna skatta, tolla og virðisaukaskatts.  ???

Hörð samkeppni í stjórnarandstöðunni

Þarna var senunni naumlega stolið frá Bjartri framtíð en ekki er öll von úti.

Bjartir gætu t.d. lagt fram tillögu um þjóðaratkvæðagreiðslu  um stjórnarskrármálið og skotið þannig Samfylkingunni ref fyrir rass.  Þeir þurfa bara að passa sig á því að fara leynt með áformið...

Voru fyrri til að leggja fram tillöguna

Eftir helgi...

Þeir eru býsna margir, fylgjendur bæði stjórnar og stjórnarandstöðu, sem eru þegar farnir að gera kröfur á nýja ríkisstjórn.    Hinir sömu vildu greinilega að ríkisstjórnin uppfyllti öll kosningaloforð daginn eftir kosningar.

Þessa dagana er okkar nýja ríkisstjórn einmitt að skipuleggja sig og leggja drög að því að efna loforðin - eða svíkja, eftir atvikum.  Svona til samanburðar þá var síðasta ríkisstjórn einnig kosin í apríl og eins og allir ættu að muna var það ekki fyrr en í júlí að hún hóf ýmist að uppfylla eða svíkja sín kosningaloforð.

Geri því slagorð fyrrverandi ríkisstjórnar að mínu; skoðum málið eftir helgi!

Jafnvel fyrirmyndarlandinu mistekst

Eðlilega er spurt af hverju.  Eru of miklar væntingar á báða bóga? 

Sænska ríkið gerir vel hvað varðar fjárhagslega framfærslu og stuðning við aðlögun. En það er ekki nóg; fólk vill vinnu, enda hefur sýnt sig víðar að atvinnuleysi fer illa með innflytjendur ekki síður en innfædda.

Innflytjendur hafa svo ef til vill ranghugmyndir um "velferðarsamfélagið"  á Vesturlöndum.

Líka er spurning hvort ungir karlar séu of margir, hlutfallslega, í hópi innflytjenda.   

Enn loga úthverfi Stokkhólms