Vetur konungur ögrar hnatthlýnun

Ríki hans gerir það ekki endasleppt á norðurhelmingi landsins.  Hófst í september s.l. og sér ekki enn fyrir endann á þótt liðið sé á maímánuð.   Vestfirðingar, norðlendingar og austfirðingar norðanvert mega eflaust þakka fyrir að fá svo mikið sem einhvers konar vor þá 3-4 mánuði sem eftir eru til næsta hausts.  Svona rétt á meðan vetrarsnjórinn bráðnar í byggð og þangað til næsti haustsnjór fellur.

Það verður að viðurkennast að svokölluð hnatthlýnun hlýtur að vera eitthvað orðum aukin.   Spár um komandi nýja ísöld hljóma að minnsta kosti trúverðugri. 

En ef til vill er Vetur konungur bara móðgaður og finnst veldi hans hafa verið lítillækkað... 

 

 

 

 

„Það sá varla á milli húsa“

Athugasemdir

[Jósef Smári Ásmundsson, 6.5.2013 kl. 20:42]

Þetta eru frystihúsaáhrifin sem valda þessu Kolbrún.

[Ásthildur Cesil Þórðardóttir, 6.5.2013 kl. 22:04]

Ég var þarna í fyrradag í sól að vísu kalt en .... Siglufjörður flottur.

[Kolbrún Hilmars, 7.5.2013 kl. 13:45]

Jósef, er ekki karlinn líka konungur frystihúsanna?

Ásthildur, er þetta ekki bara dæmigert fyrir veðurlagið nyrðra í vetur; sól og kalt einn daginn og snjór og kalt hinn daginn?

[Ásthildur Cesil Þórðardóttir, 7.5.2013 kl. 14:06]

Jú svei mér þá hahaha...