Annað umferðaróhapp

er í gangi á Hringbraut á móts við Gamla Garð/Háskólahverfið.  Sem verður sennilega ekki jafnauðleyst og þetta við Elliðaárbrúna.

Borgaryfirvöld hafa lokað akbrautinni í austurátt með því að grafa skurð yfir hana þvera.  Ef að líkum lætur verður vesturakreinin einnig grafin upp, eða jafnskjótt og mokað hefur verið upp í hina.

Þetta lofar góðu fyrir væntanlega Menningarnótt - þar sem Hringbrautin breytist árlega í eitt stórt bílastæði þegar fólk ekur heim á leið úr miðbænum.  Jafnvel nú, á venjulegum vinnudegi, er tvöföld bílaröðin slík að hún lokar af og til gatnamótum við Hringbrautina - líka þar sem þau eru ljósastýrð.

Umferðaróhöpp eru ekki alltaf óviljandi.

Sæbraut seinfarin vegna óhappsins

Þessi mynd

rifjaði upp gamlar endurminningar sem tengjast því að lögregluþjónar sem fá ís séu hamingjusamir og þjónustuliprir lögregluþjónar.

Fyrir tæpum 40 árum vorum við tvenn íslensk hjónakorn akandi á tjaldferðalagi um Evrópu.  Vorum síðla dags, í rökkurbyrjun, á norðurleið til baka og stefndum á  tjaldstæði stutt fyrir utan Frankfurt.  Þegar þangað kom fundum við ekkert tjaldstæði, keyrðum um næsta nágrenni en fundum ekkert - og áttum ekki borgarkort af Frankfurt til þess að fara á tjaldstæði þar.  Sem við vissum að var í næsta nágrenni við járnbrautarstöðina í miðborginni.

En við fundum lögreglubíl, kyrrstæðan á bökkum Main.  Ég skýst út með landakortið til þess að leita ráða varðandi tjaldstæðið.  Hitti þá fyrir tvo lögregluþjóna í pásu, sem báðir voru að borða ís.

Þrátt fyrir truflun, voru þeir afar ljúfir, litu á landakortið, ráðguðust síðan við "stöðina" en á þessum slóðum var því miður ekki lengur neitt tjaldstæði að finna.  En - svo sögðu þeir: við ætlum bara fyrst að klára ísinn og svo keyrum við á undan ykkur að næsta tjaldstæði.  Sem þeir gerðu svikalaust, alla leið, því tjaldstæðið reyndist vera það í miðborginni við járnbrautarstöðina.

Ís er málið!

 

 

„Sumarið leit aðeins við aftur“

Af hverju Snowdenar þrífast!

Einmitt núna vantar mig einn slíkan. 

Eins og þeir vita sem hafa lesið bloggið mitt var bíllinn minn, ásamt bíl nágranna míns, klessukeyrður hér á bílastæðum við heimili okkar.  Þetta gerðist fyrir 11 dögum.  Lögreglan var kölluð til af sjónarvottum.  Elskulegt fólk þar á ferð sem að auki biðu á vettvangi og fóru ekki fyrr en eftir að hafa gefið skýrslu.  Þeim verður ekki nógsamlega þakkað.

Í gær fékk ég staðfestingu á því að lögregluskýrslan hefði loksins borist viðkomandi tryggingafélögum.  En þegar ég bað um að fá að sjá skýrsluna, var því hafnað "vegna viðkvæmra persónuupplýsinga sem þar koma fram".

Ég meina; þarf einföld tjónaskýrsla lögreglunnar;  þ.e. hver keyrði á hvern og hver er ábyrgur,  að innihalda "viðkvæmar persónuupplýsingar"?   Af hverju þurfa tryggingafélögin síðan að fá þær upplýsingar - en ekki tjónþolar? 

Er hér um að ræða huglægar ástæður í þágu tjónvalds sem eru andstæðar hagsmunum tjónaþola?

Boðar vonandi gott?

Það er nefnilega mikill munur á því hvort erlendir menn eða ríki megi kaupa hér fasteignir eða land. 

 

Endurskoðar lög um fasteignakaup

Bakari fyrir smið - eða

gæti ekki verið að hvalirnir forðist einfaldlega vélahávaða ALLRA skipa?

Ekkert leiðir hávaða betur en vatn, svo dýrin hafa nægan tíma til þess að forða sér frá skipsskrúfunum.  Það hljóta þau að hafa lært fyrir löngu síðan.  

Mikil fækkun hvala í hverri skoðunarferð

Stofufangelsi

er refsing bíleigandans sem lendir í því að bíll hans er ekinn í klessu á bílastæði við heimili hans á meðan bíleigandinn er grandalaus að sinna húsverkum innandyra.

Þrátt fyrir skyldutryggingar, kaskótryggingar og what-not virðist enginn ábyrgur.  Enginn greiðir vinnutap vegna snúninga við óumbeðin og óvelkomin formsatriði.  Enginn bætir fyrirhugað og ónýtt sumarfrí bíleigandans.  Innanlands...

Því meira bítur refsingin sem fjárráðin eru minni.

Skemmtileg tilbreyting

að eiga forsætisráðherra, sem ekki aðeins talar betri ensku en ESB stjórinn, heldur kemur einnig fram á svona blaðamannafundum til þess að tala máli lands síns.

Rauðbirkinn Sigmundur Davíð heillar

Tvíræð samhæfing

Hvernig gengur það upp að "allir landsmenn greiði sama iðgjald" ef iðgjaldið verður 15,5% af launum en ekki föst krónutala?

Og hvernig geta lífeyrisgreiðslur til launþega orðið "jafnar" þegar einn hefur greitt 15,5% af 200 þúsund króna launum en annar 15,5% af 700 þúsund króna launum?

Er þetta eitthvað Hróa-Hattar dæmi?

„Við erum nálægt samkomulagi“

Þegar einar dyr lokast - opnast oft aðrar

Af hverju að flytja hvalkjötið til Japan þar sem það er - að sögn - unnið í gæludýrafóður, ef hægt er að framleiða úr því gæludýrafóður hérlendis?  

Síðan má flytja það út í neytendapakkningum fyrir gæludýrin.    Varla amast grænfriðungar við því að gæludýr heimsins fái eðalfæðu í dallinn sinn?

„Sýnist að þessu sé sjálfhætt“

Enginn getur séð allt fyrir

- en sem venjulegur borgari í landi, sem er ekki einu sinni aðili að ESB, hef ég einmitt komið mér upp 2ja ára birgðum af hinum forboðnu glóperum sambandsins.

Þetta með sígaretturnar - ja, skyldi þó ekki vera skynsamlegt að hamstra þær líka...

Geymir 38.000 sígarettur á heimili sínu