Stofufangelsi

er refsing bíleigandans sem lendir í því að bíll hans er ekinn í klessu á bílastæði við heimili hans á meðan bíleigandinn er grandalaus að sinna húsverkum innandyra.

Þrátt fyrir skyldutryggingar, kaskótryggingar og what-not virðist enginn ábyrgur.  Enginn greiðir vinnutap vegna snúninga við óumbeðin og óvelkomin formsatriði.  Enginn bætir fyrirhugað og ónýtt sumarfrí bíleigandans.  Innanlands...

Því meira bítur refsingin sem fjárráðin eru minni.

Athugasemdir

[Austmann,félagasamtök, 22.7.2013 kl. 19:37]

Lentir þú í þessu?

[Kolbrún Hilmars, 22.7.2013 kl. 20:15]

Já.  Og hef greinilega upplifað sorgarviðbrögð eins og fræðingarnir skilgreina ferlið.

Fyrsta daginn var ég döpur og niðurdregin, næsta dag taldi ég í mig bjartsýni og kjark, þriðja daginn, í dag, átti ég í viðskiptum við kerfið - og nú er ég reið - reyndar alveg bálreið.  

Það versta er að ég hef á tilfinningunni að ég sé ekki sú/sá fyrsti sem lendir í þessu. 

[Kolbrún Hilmars, 22.7.2013 kl. 20:23]

PS.  Reiðin stafar af því að mér var látið líða eins og ég væri sökudólgurinn - en ekki gaurinn sem straujaði tvo bíla á fyrirtækisbílnum sínum...

[Austmann,félagasamtök, 22.7.2013 kl. 20:49]

Þá hefur hann þó náðst, eða hvað?

[Kolbrún Hilmars, 22.7.2013 kl. 21:00]

Austmann, það var nú eiginlega það eina sem var fyndið í þessari uppákomu.  Fyrst dúndraði gaurinn sendibíl sínum á jeppa nágranna míns og kastaði upp á gangstétt, síðan aftan á minn bíl í næsta stæði fyrir framan á vinstra hornið, þeytti honum heila bíllengd, og endaði svo eins og elskhugi í svo þéttu faðmlagi við minn að heyrðust aðeins brak og brestir þegar þeir voru aðskildir. 

Jamm, hann gat ekki annað en náðst.  Löggan keyrði hann svo heim eða eitthvað...

[Austmann,félagasamtök, 22.7.2013 kl. 21:17]

Fékkstu svo slæma útreið hjá tryggingafélaginu þínu? Hjá hvaða félagi varstu?

[Kolbrún Hilmars, 22.7.2013 kl. 21:30]

Eigum við ekki bara að segja að ég fari nú að skoða tilboðin sem ég hef fengið hjá TM?   Það gefur næga valkosti til þess að ég verði ekki sökuð um rógburð...

[Austmann,félagasamtök, 22.7.2013 kl. 22:26]

Ég hef verið hjá þremur tryggingafélögum, Sjóvá, Verði og VÍS og aðeins verið óánægður með það fyrstnefnda, Sjóvá. Þetta var fyrir þó nokkrum árum, fyrir hrun.

Ástæðan fyrir óánægjunni var að þeir litu á mig sem glæpamann eftir árekstur, sem kom til vegna þess að dekk sem ég keypti hjá Vöku voru orðin alveg slétt eftir mánuð. Síðan hef ég aldrei keypt neitt hjá Vöku. Anyway, gaurinn í tjónadeild Sjóvár hundskammaði mig, þótt ég þyrfti sjálfur að borga 100 þús. sjálfsábyrgð og það sá ekki á hinum bílnum. Svo var mér neitað um greiðsludreifingu hjá þeim (sem önnur tryggingafélög bjóða). Þá sagði ég tryggingunni upp á staðnum og þeir ætluðu ekki að sleppa mér (eitthvað með árs uppsögn), og þá varð ég alveg brjálaður, kallaði þá samráðsglæpamenn  og þá létu þeir undan. Það var gott að þeir fóru á hausinn síðar, en slæmt að þeir fengu þá 20 milljarða af skattfénu mínu að óþörfu í boði Steingríms.

Þjónustan sem við höfum fengið frá VÍS og Verði (áður Íslandstrygging) hefur hins vegar verið mjög góð.

[Kolbrún Hilmars, 23.7.2013 kl. 14:41]

Viðauki á þriðjudag.  Tjónuðu bílarnir eru enn óhreyfðir á sínum stað í brotahrúgunni, vegfarendum til yndisauka.

Enn hefur enginn látið svo lítið að hafa samband við mig.

[Austmann,félagasamtök, 23.7.2013 kl. 17:45]

Hvað varð um jeppa gerandans? Gaztu ekki tekið hann í staðinn?

[Kolbrún Hilmars, 23.7.2013 kl. 17:56]

Ekki jeppi; sendibíll með VSK númeri og gululjósasetti á þaki, sem var jafnóökufær og minn.  Er farin að velta því fyrir mér hvort þetta sé "meirimáttar" mál sem þarf að þagga niður. 

[Kolbrún Hilmars, 23.7.2013 kl. 18:22]

Alltaf að bæta við, svona eftirá  :)  Nágranni minn, jeppaeigandinn, er í sumarfríi í útlöndum - en ef ég þekki hann rétt gerir hann allt vitlaust þegar hann kemur heim.  Verst að ég nýt ekki góðs af því í dag...

[Kolbrún Hilmars, 23.7.2013 kl. 19:31]

Vá - viðskiptabankinn minn er skráður fyrir tjónvaldsbílnum og tryggingafélagið mitt dregur lappirnar!  40 ára viðskiptavild hjá báðum fyrirtækjum farin í vaskinn. 
Geri aðrir betur.

[Austmann,félagasamtök, 23.7.2013 kl. 20:07]

Já, það á aldrei að treysta bönkum. Ég hef alla ævi verið með sama bankann (hér á landi) en ég treysti honum ekki fyrir fimm aura.

[Austmann,félagasamtök, 23.7.2013 kl. 20:12]

Þú ættir að kvabba í bankanum án afláts og hóta viðskiptaslitum. Hringdu í tryggingafélag hins ákærða á hverjum degi þangað til þeir redda þér bílaleigubíl.

Ég komst að því þegar ég flutti til landsins eftir langa dvöl erlendis, að það verður að ítreka allt mörgum sinnum hérna á Íslandi áður en lögaðilar taka puttann út úr gatinu og fara að veita þjónustu.

[Kolbrún Hilmars, 23.7.2013 kl. 20:22]

Ég stend illa að vígi í þessu máli, ég skulda bankanum ekki krónu og á þar aðeins einhverjar óverulegar innstæður - á bankamælikvarða. 

Hagsmunir bankans hljóta að snúast um að vernda skuldarann svo hann verði fær um að greiða bankanum áfram.  

[Kolbrún Hilmars, 23.7.2013 kl. 21:48]

Upplýsingarnar um tjónvaldsbílinn fékk ég eftir fyrirspurn hjá fésbókarvinum.
Þar hef ég líka útskýrt uppákomuna fyrir vinum mínum, en ef til vill betur en hér.  Því  ætla ég að endurtaka eina athugasemd mína þar:

"Sökudólgurinn var aldrei týndur.   Þrjú óskyld vitni sem voru í næstu bílum á eftir honum og sáu herlegheitin voru svo elskuleg að stoppa, hringja á lögguna, vakta gaurinn og gefa skýrslu.  Þau einu orðaskil sem ég heyrði var þegar þau skipuðu honum "Stattu þarna og gerðu ekkert meira af þér".  Að auki var sendiferðabíllinn hans pikkfastur á mínum bíl, hlið við hlið og jafn óökufær. 
Nei, sá var ekkert að fara neitt - nema á fæti.  En þegar hann vafraði inn í garðinn voru vitnin fljót að elta hann og leiða til baka.  Get ekki þakkað því fólki nógsamlega, verst að ég veit ekki hver þau eru."

[Austmann,félagasamtök, 23.7.2013 kl. 23:53]

Það bendir allt til þess að þessi ökuníðingur hafi verið langt yfir áfengismörkunum.

[Kolbrún Hilmars, 24.7.2013 kl. 12:02]

Má vera, en kannski var hann líka í sjokki eða vankaður.  Þetta voru engin smáhögg, í tvígang.

[Austmann,félagasamtök, 24.7.2013 kl. 12:59]

Já, en eitthvað hlýtur að hafa orsakað það að hann keyrði á tvo bíla og eyðilagði. Ef ekki bilaðar bremsur eða skyndileg veikindi, þá Bacchus.

[Kolbrún Hilmars, 24.7.2013 kl. 13:45]

Ég hlakka til að sjá lögregluskýrsluna og vitnisburð áhorfenda.  Sá ekki sjálf hvað gerðist en hraðinn hlýtur að hafa verið langt yfir mörkum.  Annars hefði hann stoppað á fyrri bílnum.

[Kolbrún Hilmars, 27.7.2013 kl. 17:29]

Það er viðeigandi að ljúka þessum þræði með framvinduskýrslu.

Á þessum laugardegi, viku eftir uppákomuna, standa tjónabílar enn óhreyfðir og ó-tjónaskoðaðir í brotahrúgunni.   Sönn bæjarprýði.  Einn túrista sá ég ganga allt um kring og kalla síðan til félaga sinna "No shit!"  Greinilega var sá amerískur.

Veit ekki af hverju töfin stafar en líklega verður lögreglan blóraböggull; það sé svo mikið að gera þar á bæ að  ekki gefist tími til skýrslugerða!