Kænskubragð flokksforystunnar?

Auðvitað má Björn Valur þingmaður VG bjóða sig fram í Reykjavík - ef hann vill.  Bakland hans er þó í allt öðrum landsfjórðungi og óneitanlega vaknar spurning um til hvers leikurinn sé gerður.

Laumast að sá grunur að ætlunin sé að fá höfuðborgar-vinstrigræna til þess að verjast þessu utanaðkomandi áreiti og þjappa sér um "sitt" fólk.  

Gefa kjósendum og velunnurum einhverja ástæðu til þess að krossa við VG á kjörseðlinum?

Björn Valur vill fram í Reykjavík

Vatnið er mesta vandamálið

Neðanjarðargöng, bæði lestakerfis og bílaganga eru full af vatni.  Bílakjallarar líka.  Heilu hverfin eru á floti.  Rafmagn og vatn fer illa saman og rafmagni er ekki óhætt að hleypa á fyrr en vatnið er farið.

En hvert er hægt að ausa vatninu?  Sem stendur hvergi.

 

Meiriháttar neyðarástand í NY og NJ

USGS sagði upphaflega 5.7 stig

Það er töluverður munur á 5.2 og 5.6 stigum, en USGS skráir skjálftann enn sem 5.7 stig.

Nú hefur Veðurstofan leiðrétt sínar tölur, upp í 5.6 stig.  Þetta er ekki í fyrsta skipti sem jarðskjálftamæling er leiðrétt hérlendis.  Eru skjálftamælarnir ekki áreiðanlegri en þetta?

Eða er auðveldara að mæla rétt eftir því sem fjarlægðin eykst? 

Sá stærsti var 5,6 að stærð

Þá er NEI-ið komið á sinn stað

Mætti á kjörstað fyrir hádegið og nýtti kosningaréttinn minn.

Var á ferðinni á svipuðum tíma og venjulega, um ellefu-leytið, og fannst kjósendastraumurinn vera álíka og í forsetakosningunum í sumar, þótt nú sé talin minni kjörsókn en oft áður á sama tíma.

Ekki ætti veðurblíðan á þessum fallega haustdegi að skemma fyrir kosningaþátttökunni. :)

 

Aldrei aftur smjörlaus jól í Noregi?

Ekki aðeins norskir, heldur ungverskir líka, eru farnir að huga að sjálfbærni með landbúnaðarvörur.

Hvað gagnast enda heilu tonnin af innfluttum ostum ef íbúarnir fá hvergi smjör?  Þá er nú betra að geta framleiðslustýrt heima fyrir - eftir þörfum.

 

Ætla að hækka innflutningstolla

Enn ein rósin í hnappagat ríkisstjórnar

Er annars einhver sem heldur tölu yfir allar rósirnar?

Málið gegn Geir misheppnað

Hvað með súrefnisgrímurnar?

Þeim er ætlað að detta sjálfkrafa niður ef loftþrýstingurinn fellur niður fyrir hættumörk.

Á ekki að vera jafnsjálfsagt mál að húrra þeim niður, handvirkt ef þarf,  ef farþegunum liggur við köfnun af reykjarstybbu?

Skildi ekki hvers vegna ekki mátti opna glugga

Hvar er fólkið?

Er miðborgin alltaf svona dauð á laugardögum á milli kl. 10 og 14?    

 

Bíllaus miðbær

Staðsetning skiptir líka máli

Ef "þjóðin" ætlar að byggja allsherjarspítala , sem endast á næstu 100 árin, þarf að velja honum stað sem gæti gagnast þjóðinni allri, hvað sem á dynur.

Það er ekki bara kostnaðinn sem þarf að meta, heldur líka staðarvalið.  Það er heimskulegt að troða þessum "landsspítala" niður í miðborg Reykjavíkur.  Sama þótt einhverjir örfáir  starfsmenn búi í næsta nágrenni og geti ýmist gengið eða hjólað í vinnuna.   Sjúklingarnir sjálfir ferðast nefnilega flestir hverjir með sjúkrabíl.   Sumar göngudeildir og hjúkrunarvistun mætti hins vegar vel hýsa á gamla spítalanum við Hringbraut, til þess að nýta húsnæðið.

Miklu betri kostur fyrir nýjan og rándýran hátækniþjóðarspítala væri  t.d. Keldnaholt.  Þar er gott aðgengi úr öllum áttum; norðan, austan, sunnan og vestan að.  Bæði fyrir sjúklinga og starfsfólk.

 

 

 

Óvissuþættir í kostnaði nýs spítala

Atvinnuþátttaka við neðri þolmörk?

Samkvæmt nýjustu tölum eru íslendingar um 320.000.

Óvinnufærir (börn, aldraðir, sjúkir, fatlaðir) eru 96.000.
Á vinnufærum aldri eru 224.000. 
Utan vinnumarkaðar eru því óvinnufærir og vinnufærir samtals 152.000.
Starfandi eru 168.000 - eða 52,5% mannfjöldans.

Hver starfandi einstaklingur framfleytir því að meðaltali u.þ.b. einum öðrum að auki.  Þar með talið er láglaunafólk sem framfleytir varla sjálfu sér.

Erum við ekki komin að hættumörkum í þessum efnum?