"Helsti" andstæðingur kröfuhafa; er til einhver annar?

Ekki fer mikið fyrir þeim! Skiljanlega ekki, á meðan á kröfuhöfum má græða.

Sumir treysta á ESB og vilja segja sig þar til sveitar.
Það yrði skammgóður vermir - eða hefur fólki sýnst að ESB sem kröfuhafi á þjóðríki sýni meiri miskunn en innheimtumenn undirheimanna?

Nafnskáldið mitt lagði allt sitt persónulega í sölurnar fyrir sinn draum; tönnur sínar, sælu sína, dætur og annað hvaðeina - en það mátti hann eiga að landið hans var ekki falt!

 

 

Kröfuhafarnir njósna og sálgreina

Ríkisstjórnin getur gert betur

og komið þingsályktun í gegn sem tekur afgerandi af skarið.  Í stað þess eru menn nú að þrátta um hvað í rauninni þetta "bréf" þýði.

Íslenskir og evrópskir kratar eru greinilega þeirrar skoðunar að viðræðum hafi nú verið formlega slitið, stækkunarstjóri ESB heldur að þeim hafi einungis verið frestað um tvö ár (til viðbótar fyrri frestun þáverandi ríkisstjórnar) og við ESB andstæðingar erum orðin langeyg eftir þingsályktun um formlega afturköllun ESB umsóknarinnar.

Eiginlega má segja að ríkisstjórnin dragi nú alla áhugamenn um málið á asnaeyrunum!

 

Talsmaður ESB úti á túni

Fjármögnun er í boði

- en sjálfskuldarábyrgðar er krafist jafnvel þótt reksturinn sé merktur sem SF og full sjálfsábyrgð sé innifalin í rekstrarforminu.
Konur velja einmitt oft SF formið; það er ódýrara í stofnun, tekjuskatthlutfallið nær hið sama og einstaklings og þær velja að standa og falla með rekstrinum sínum.
Skyldu lánastofnanir þannig mismuna fólki eftir rekstrarforminu frekar en kyninu?

Erfitt að fjármagna vöxt

Ótæk vinnubrögð?

Að greiða sömu laun fyrir sömu störf!  Er það ekki bara ágætt að Kópavogsbær, sem rekur sig á skatttekjum, skuli fara þá leið að greiða stéttarfélagslaunin til samræmis við kjarasamninginn og lækka launin hjá hinum ofgreidda starfsmanni í stað þess að hækka laun þess sem kærir mismunina?
Auðvitað er það ekki líðandi að körlum séu boðin betri kjör en konum, fyrir sama starf, en engin ástæða er til þess að gagnrýna bæjarfélagið leiðrétti það upphaflegu mistökin.

Vinnubrögð Kópavogsbæjar „ótæk“

Lúmsk hálka í Vatnsmýrinni

Var á leið til vinnu í morgun uppúr kl. hálfníu á Hringbraut úr Vesturbæ og austur úr.
Þurfti að sveigja fram hjá tveimur árekstum frá Sæmundargötu að Njarðargötu.  Sá fyrri var 2ja bíla, hinn var 3ja bíla.  Nákvæmlega þar sem Tjarnarlækurinn er undir götunni.
Þarna er einmitt meiri hætta á launhálku en víða annars staðar í borginni.

Árekstrar í lúmskri hálku

Ekkert til þess að hæðast að

- í rauninni, en við þekkjum það hér á Stór-Reykjavíkursvæðinu hvað smáplássaíbúum úti á landi þykir lítið til koma öngþveitisins sem álíka veðuruppákomur geta skapað hér - í íslenska fámenninu.

Okkar aðferð til hefnda er svo að gera lítið úr þeim sem lenda í "smásnjókomu" (sem nemur kvart til hálfs meters ofankomu) og truflar tugmilljónir manna.

En sama samt hvar við búum; alltaf er það óskemmtilegt þegar þetta kalda, hvíta truflar daglegt líf og starf.

 

Á við slæmar íslenskar aðstæður

Jafnvel engin neytendavernd!

Við erum þó nokkur þúsund sem fáum enn að gjalda svokallaðra Árna-Páls laga árið 2010.

Sem viðskipta"vinir" LÝSINGAR þurfum við að sækja rétt okkar fyrir dómstólum - hvert og eitt fyrir sig. 

Fyrrverandi ríkisstjórn hafði aldrei áhuga á neytendavernd - öll hennar úrræði varðaði fjármálafyrirtækin, jafnvel 110% leiðin!

Neytendavernd verri hér en í Króatíu

Kalt í dag en mögulega hlýrra á morgun

...miðað við árið 1880!  Væri ekki nær að viðmiðið væri ártalið AD 900?

Það er ekki eins og vísindamenn séu fáfróðir um langtímasveiflur á hnettinum en hvers konar vísindi eru það sem miða allar breytingar á hnattvísu við aðeins 135 ár?  Eða eru það fréttamiðlarnir sem um er að kenna?

Hér uppi á Íslandi vildum við allavega frekar miða við ástandið við landnám en handahófs- og tilviljunarkennda vísindaárið 1880.

Jörðin hlýnar áfram

Er þetta slæmt?

Hefur sjórinn ekki gott af fersku vatni, ómenguðu, til útþynningar meintri mengun hans?

Auk þess hækkar land þegar ísþyngslin minnka, amk í næsta nágrenni.

Hvað með hnattræn áhrif; hvaða gerir t.d. þyngdarafl jarðar sem ætti að jafna út áhrifin á hnattvísu?  Ef ekki þyngdaraflið þá amk aðrir kraftar sem halda bæði vatni og jörð á sínum stað á hnettinum í stað þess að skvetta þeim út í himingeiminn.

 

 

Leysingavatnið endar í sjónum

Uppsöfnuð þörf

50 króna rúnnstykki ætti að hækka uppí kr. 51.90 vegna VSK-sins.  Hinar 28 krónurnar og tíu aurarnir stafa sennilega af öðru.  Líklegast því að Bernhöftsbakarí hefur sparað álagninguna á rúnnstykkjunum á kostnað annars kruðerís.  Í heil 10 ár.
Hvað hækkuðu annars rjómatertur og annað fínerí hjá bakaríinu um áramótin?

Rúnstykkin hækka um 60%