Tvöföld sólarupprás

Fyrst reis sú gamla góða kl. 10:18 og síðan aukasól kl. 10:30 þegar svartnætti Icesave var aflétt.  Það hefur því heldur betur birt til í sálartetri okkar íslendinga  þennan morguninn.  

Þó er eitt ský sem grúfir enn yfir; ESB aðildarferlið.  Afsegjum það líka og fáum með því þriðju sólarupprásina.  Allt er jú þegar þrennt er...

Athugasemdir

[Ásthildur Cesil Þórðardóttir, 28.1.2013 kl. 16:26]

Algjörlega sammála þessu. 

[Ágúst H Bjarnason, 28.1.2013 kl. 16:51]

Þetta er svo sannarlega góður dagur.

Svo megum við ekki gleyma sólinni sem reis klukkan 00:01 þegar pólfarinn okkar kom til landsins. Sumir nefna hana pólstjörnuna okkar. Vilborg Arna minnir okkur á hvernig sigrast má á erfiðleikunum með þrautseigju. Jafnvel þó þeir virðist óyfirstíganlegir.  "Per ardua ad astra"...

Nú tökum við fyrir næsta verkefni með bros á vör

[Kolbrún Hilmars, 28.1.2013 kl. 17:44]

Einmitt,  okkar skínandi nýja Pólstjarna að auki - var hún tilviljun eða boðberi?  

[Ágúst H Bjarnason, 28.1.2013 kl. 20:08]

Eigum við ekki að  leyfa okkur að trúa því að þessi skínandi Pólstjarna sé boðberi betri tíma?  Nú sé bjartara framundan og að þjóðin muni nú þjappa sér saman með það að markmiði að bæta og styrkja þjóðfélagið. Nú vitum við að ekkert er okkur ómögulegt, að minnsta kosti meðan við varðveitum sjálfstæði okkar.

Sæfarar kölluðu Pólstjörnuna Leiðarstjörnu. Við skulum vona að hún beri nafn með rentu.  Eigum við ekki að  leyfa okkur að trúa því að þessi skínandi Pólstjarna sé boðberi betri tíma?  Nú sé bjartara framundan og að þjóðin muni nú þjappa sér saman með það að markmiði að bæta og styrkja þjóðfélagið. Nú vitum við að ekkert er okkur ómögulegt, að minnsta kosti meðan við varðveitum sjálfstæði okkar.

Sólin hefur skinið í dag í hugum allra Íslendinga.   Þetta hefur verið góður dagur.

[Helga Kristjánsdóttir, 29.1.2013 kl. 04:57]

Já takk fyrir Kolbrún,við fögnum í dag og gott að líkja þessum tímamótum við sólarupprás og pólstjarnan hlýtur að merkja áframhaldandi sigurgöngu. Til hamingju öll.

[Árný Daníelsdóttir (IP-tala skráð) 30.1.2013 kl. 12:22]

Þetta var sannkallaður gleðidagur :) Það kemur smá bjartsýni aftur og sérstaklega þar sem að þessi stjórn verður sennilega ekki kosin aftur.