Dæmigerð viðbrögð kerfisins

... að vakta, að setja í nefnd, að meta þörf á möguleikum "mótvægisaðgerða".

Af hverju ekki einfaldlega að gera út alla tiltækar fleytur og hirða síldina á meðan hún er enn tæk sem mannamatur?  

 

 

Setja upp vöktun í Kolgrafafirði

Athugasemdir

[Benedikt V. Warén, 4.2.2013 kl. 16:19]

...eða dýrafóður Kolbrún, - dýrafóður.  Í bræðslu með þetta allt.  Því fyrr því betra. 

Bírokratar eru að verða heimsins mesta plága allra tíma, einskonar möppudýrasvínaflensumóðuharðindi, sem hellist yfir allt og alla.  Hver og einn er bjargarlaus þegar þessi óværa hellist yfir, hvergi skjól að finna og plágan eyrir engu (-m).

Alls ekki grípa til aðgerða strax, - sko ekki fyrr en búið er að skrifa skýrslu þegar búið er að greina ástandið.  Greina ástandið...skrifa skýrslu....greina ástandið....skrifa skýrslu...greina ástandið....................

[Kolbrún Hilmars, 4.2.2013 kl. 17:10]

Dýrafóður?  Í bræðslu?  Ónei, Benedikt, ekki einu sinni svo gott.

Bírókratar ríkisins bíða þangað til allt hráefnið, 30 þúsund tonn í desember og nú svipað magn er orðið að grút sem drepur bæði fuglalíf og allt annað kvikt á svæðinu.  Jafnvel matar- og lyktarskyn íbúa í nágrenninu.

Skil reyndar ekki af hverju hreppsbúar gera ekkert í málinu?

[Ragnhildur Kolka, 4.2.2013 kl. 17:24]

Sa ekki betur en bændur a svæðinu væru farnir að salta heillegustu sildina. Til hvers veit eg ekki en þeir sjá sér hag i þvi. I ráðuneytinu eru menn eflaust að hanna skilti til viðvörunar sild i sjalfsmorðshugleiðingum.

[Kolbrún Hilmars, 4.2.2013 kl. 18:17]

Ragnhildur, ég myndi sjálf hirða tunnu eða tvær af síldinni væri ég í aðstöðu til.

Gott að heyra að bændur á svæðinu eru sama sinnis.

Viðvörunarskilti, já einmitt, þarf ráðuneytið þá ekki að byrja á því að kenna síldinni að lesa? 

[Ragnhildur Kolka, 4.2.2013 kl. 18:54]

Jú, en það er víst i verkahring menntamálaráðuneytisins.

[Sigurður Þórðarson, 5.2.2013 kl. 11:30]

Nú verður skeleggur umhverfisráðherra að hafa skjót handtök og skammta síldinni hæfilegt súrefni hæfilegt magn hverjum einstakling svo allir komist af.

[Kolbrún Hilmars, 5.2.2013 kl. 12:37]

Ég vona að ráðamenn hafi vit á því í framtíðinni að láta veiða síldina áður en hún breytir sér í grút á fjörum.

Þessi líka fína síld, tæpar tvær á kílóið.  Saltaði síld nokkur sumur hér í gamla daga og þá var síldin oft mun smærri.  Í þá daga hefði svona síld ekki verið unnin í dýrafóður.

[Ásthildur Cesil Þórðardóttir, 5.2.2013 kl. 12:44]

Það má ekki hrófla við útreikningum Hafró.  Þeir þurfa á því að halda að fólk hafi trú á því að þeir viti hvað þeir eru að gera.

[Kolbrún Hilmars, 5.2.2013 kl. 13:55]

Er ekki Hafró komið upp í fjöru líka?

[Ásthildur Cesil Þórðardóttir, 5.2.2013 kl. 15:32]

Jú eiginlega, þeir vita ekki sitt rjúkandi ráð.  Hafa ef til vill aldrei gert.

[Helga Kristjánsdóttir, 7.2.2013 kl. 00:09]

Það er skrítið hve uppsjávarfiskur er hændur að okkur í kreppunni. Makríllinn syndir upp að bryggjum,síldin landar sér sjálf,en stjórn ,,þessa lands,ser engan feng í góssinu,en spanderar serfræðingum á ýlduna. Æ. hvenær náum við áttum,megum við ekki lifa frumbyggjalifi í bland. Allir una glaðir við sitt.

[Kolbrún Hilmars, 7.2.2013 kl. 13:16]

Góð hugmynd, Helga.  Þegar makríllinn og síldin sækja svona til lands þá ætti að vera heimilt að veiða hann á færi innan mílu eða tveggja án afskipta yfirvaldsins og utan alls kvóta.  Annað eins fer í hvalinn.

[Sigurður Þórðarson, 7.2.2013 kl. 15:56]

Tæknikratasamfélagið gerir ekki ráð fyrir almennri skynsemi

[Kolbrún Hilmars, 7.2.2013 kl. 16:22]

Sennilega ekki, Sigurður.  En væri það ekki aðeins skynsamlegt - og réttlátt, að almenningur mætti veiða að vild allan þann fisk sem slæðist inn fyrir ákveðin mörk frá landi? 

Fyrrum áttu "frumbyggjar" Íslands allt að 3 mílum - ekki svo galin viðmiðun nú.

[Sigurður Þórðarson, 7.2.2013 kl. 18:04]

Kolbrún, annað hvort ert þú gamaldags eða langt á undan þinni samtíð.

Í hönd fer tími háskólamenntaðra tæknikrata og sérfræðinga sem hagræða eftir keðjubréfaformúlu.  En lífið gengur ekki eftir beinni línu.  Þegar tími sérfræðinganna hefur runnið sitt skeið, mun á ný ganga í garð tími skynseminnar, þegar menn átta sig á því að þeir eru hluti af náttúrunni og komast ekki af án hennar.

[Kolbrún Hilmars, 7.2.2013 kl. 19:14]

Veit ekki Sigurður, hvort ég er á undan eða eftir.  En við höfum aðeins efni á tæknikrötum og sérfræðingum þegar eitthvað er umfram.  Þegar að kreppir verða þeir sniðgengnir hvort sem er.  Ekki verra að setja einhver mörk áður en að því kemur.