Athyglisverð spurning og athyglisverð svör

Reykjavík síðdegis (Vísir~Bylgjan) spurði þann 5. febrúar 2010:

Vantar nýtt stjórnmálaafl á Íslandi?     Svör:        NEI  39%  -  JÁ  61%

Athugasemdir

[(IP-tala skráð) 5.2.2010 kl. 21:16]

Verst að fólk hefur aldrei kjark til að standa við þau orð sín, það sína úrslit í kosningum. Þetta segja miklu fleiri heima í eldhúsi, en viðurkenna ekki þegar á hólminn er komið.

[Kolbrún Hilmars, 6.2.2010 kl. 13:34]

Sæl Silla mín. Ég held nú reyndar að fólk meini þetta núna - kannski ekki allir þessir sem telja 61% en meirihluti þeirra. Fjórflokkurinn er ekki gæfulegur valkostur um þessar mundir. :(

[(IP-tala skráð) 6.2.2010 kl. 18:31]

Nei fjórflokkurinn er búin að vera í mínum augum.

[(IP-tala skráð) 6.2.2010 kl. 18:31]

Hvernig væri að kíka í kaffi til mín hér í Hamrahlíðinna Kolla mín ??

[Ragnhildur Kolka, 7.2.2010 kl. 10:45]

Það er hægara sagt en gert að stofna nýtt stjórnmálaafl. Við höfum séð ýmsar tilraunir mistakast undanfarið. Frjálslyndi flokkurinn og Íslandshreyfingin voru "eins-máls" flokkar og það dugir ekki. Lífið er flóknara en svo.

Borgarahreyfingin kom inn með miklu pottaglamri, en hafði engin klár stefnumál önnur en að senda öll mál til þjóðarinnar. Þjóðin kærir sig ekkert um að vera alltaf að setja sig inn í mál. Þjóðin reiðir sig á að flokkarnir sem séð hafa um skoðanir hennar geri það áfram. Þá getur þjóðin bara mætt og sett sinn kross á "réttan" stað.

Flokkarnir eru búnir að tileinka sér flest þau mál sem brenna á fólki. Öll nýsmíði á stjórnmálaöflum hlýtur því að miða við einstök mál og það er uppskrift sem dæmd er til að mistakast.

Þjóðaratkvæðagreiðslan núna gæti þó breytt afstöðu fólks til valds. Vægi hennar fyrir framtíð landsins er það mikið. Við sjáum hvað setur.

[Kolbrún Hilmars, 7.2.2010 kl. 14:09]

Ragnhildur, vissulega höfum við séð nokkrar tilraunir nýrra stjórmálaafla mistakast undanfarna áratugi. Það kunna að vera margar ástæður fyrir því; rýr stefnuskrá í upphafi, lélegt úthald, blankheit, ofríki fjórflokksins.

Nú þekki ég stjórnmálasögu síðustu aldar ekki nógu vel til þess að fullyrða neitt, en hef þó þá tilfinningu að upphaflega hafi hver fjórflokksins einmitt byrjað sem "eins-máls-flokkur" og hafi síðan tileinkað sér fjölbreyttari flóru á þeim áratugum sem hann hefur haft til þess að festa sig í sessi.

Þjóðmálin krefjast sífelldrar endurnýjunar því aðstæður breytast og/eða mennirnir með. Líkt og lögin; það er alltaf verið að auka, bæta, breyta og fella niður. Það eina sem virðist óhagganlegt er flokkaflóran á þingi.

Reyndar tel ég að ekki sé við stefnuskrár fjórflokksins að sakast hvað varðar óvinsældir hans nú; eflaust eru það vinnubrögð fulltrúa hans sem eiga sökina. "Skýrslan" góða mun áreiðanlega ekki bæta álitið.

En eins og þú segir; sjáum hvað setur :)

[Högni Jóhann Sigurjónsson, 7.2.2010 kl. 22:10]

Ragnhildur, það er rangt hjá þér að Borgarahreyfingin hafi ekki haft neina stefnuskrá, þú getur séð stefnuskrána á XO.is og einnig á hreyfingin.is en Hreyfingin vinnur eftir sömu stefnuskrá og lagt var upp með, þú getur líka nálgast það sem þinghópurinn hefur gert og komið að t.d. á síðunni minni, heimasíða Hreyfingarinnar er bara ekki alveg klár, en þannig er bara þegar engin fjárráð eru að hlutir eins og heimasíða vinnast hægar en æskilegt væri.

Við verðum að athuga að fólk vill breytingar en hefur hvorki til þess kjark né þolinmæði og afþví að þinghópur BH og svo síðar Hreyfingarinnar var ekki búinn að breyta því sem breyta þarf á fyrstu dögum þings fór fólk að úthrópa þau, við skulum ekki gleyma því að það fólk sem með miklum dugnaði stofnaði og kom BH á þing var og er reitt og hefur skoðannir og tjáir sig um þær og reiðinn er enn til staðar og þessar hreyfingar eru báðar starfandi og halda fundi svo til vikulega með hinum ímsu grasrótarhópum, en þær hafa ekki sömu fjárráð og fjórflokkurinn sem N.B. vill ekki minka fjárútlát úr ríkissjóði til flokkanna en það er einmitt eitt af því sem þinghópurinn vill gera.

Munum að þinghópur Hreyfingarinnar er í minnihluta svo þau ein breita ekki miklu og munum líka að það eru ekki liðnir nema um ca. 120 til 140 þingdagar frá kosningum svo eigum við ekki að sýna þeim stuðning og þolinmæði og halda áfram að berjast.