ESB þegnar hælisleitendur?

29 Króatar hafa leitað hælis á Íslandi á síðustu tveim mánuðum.   Króatar, sem tilheyra nýjustu ESB þjóðinni. 

Af hverju kemur fólkið ekki hingað til lands í atvinnuleit samkvæmt EES samningnum eins og aðrir ESB/EES þegnar ef atvinnuleysi er málið? 

Hvaða harðræði er fólkið að flýja?  Síðast en ekki síst - eru Króatarnir fullgildir "hælisleitendur".

Viðurkenni að ég er svolítið hissa á þessum fréttum. 

Margir Króatar vilja hæli

Athugasemdir

[Ásthildur Cesil Þórðardóttir, 8.2.2013 kl. 16:23]

Þetta segir sína sögu.  En þar fyrir utan eru króatar og serbar gott og harðduglegt fólk sem myndu verða hér fyrirmyndarborgarar.  M'er er málið skyld því tengdadóttir mín er króati og serbi getin í blönduðu hjónabandi. 

Ef til vill er ekki eins mikil dýrð í ESB og okkar einfeldningar vilja vera láta.

[Sæmundur G. Halldórsson , 8.2.2013 kl. 16:54]

Accession of Croatia to the European Union - Wikipedia, the free ...

en.wikipedia.org/.../Accession_of_Croatia_to_the_Eur...Skyndiminnisafrit - Svipað - Þýða þessa síðu

Þú hefur +1 merkt þetta. Afturkalla

Croatia is set to become the 28th member state of the European Union on 1 July 2013.

Kannski svarar þetta spurningunni. Enn er febrúar og blessað fólkið hefur ekki viljað bíða fram í júlí til að kynnast dýrðinni hér uppi á skerinu(:

[Kolbrún Hilmars, 8.2.2013 kl. 17:36]

Samy, þú svarar ekki meginspurningunni; eru Króatar réttmætir hælisleitendur?

Að öðru leyti sýnist mér að blessað fólkið vilji ekki bíða fram í júlí til þess að kynnast dýrðinni sem kemur frá Brussel. 

Ásthildur, efast ekki um að hér á í hlut hið ágætasta fólk - en af hverju heldur það að hér geti það leitað hælis?  Frá hverju svosem - frá ESB sjálfu er ekki afsökun, sjálfu friðarbandalaginu.

[Ásthildur Cesil Þórðardóttir, 8.2.2013 kl. 17:58]

Ég veit um móður tengdadóttur minna sem gjarnan vill flytja hingað til að vera nálægt fjölskyldunni, lífið þarna er erfitt og baráttan hörð, engir peningar milli handa nema rétt til að skrimta.  Held að málið sé að við erum álitin góður kostur til búsetu, þvert á endalausar yfirlýsingar Samfylkingar og Bjartrar framtíðar.  Þetta fólk sér örugglega eitthvað annað en svartnætti hjá þessari litlu þjóð. 

[V.Jóhannsson (IP-tala skráð) 8.2.2013 kl. 18:24]

Þetta eru zígaunar og það á að útvísa þeim nú þegar.

Venjulegt fólk kemur hingað í atvinnuleit, en ekki sem hælisleitendur.

[Kolbrún Hilmars, 8.2.2013 kl. 18:28]

Efnahagsflóttamenn eru ekki hælisleitendur í skilningi SÞ.  Tengdamömmur fá áreiðanlega landvistarleyfi á mannúðarforsendum, en þá er það ekki íslenskra skattgreiðenda að standa undir framfærslunni, heldur fjölskyldunnar.

Einhvers staðar verður að draga mörkin, ekki síst þegar okkar eigið gamla fólk er orðið hornrekur líkt og forðum þegar engin var samtryggingin.

[Ásthildur Cesil Þórðardóttir, 8.2.2013 kl. 18:33]

Það hefur ekki komið til tals að íslenska ríkið beri neina byrgðar af þessari ágætu konu.  Eina sem hún og fjölskyldan vill er að hún fái að dvelja hjá börnum og barnabörnum, en það er víst einhver vanhöld á því. 

[Kolbrún Hilmars, 8.2.2013 kl. 18:50]

Ásthildur, eitthvað stemmir samt ekki varðandi þetta tengdamömmumál.  Gæti það hafa strandað á tryggingamálum?   Íslenskar mömmur hafa sína hentisemi varðandi dvöl hjá börnum erlendis á meðan þær geta veifað íslensku tryggingavottorði.

[Ásthildur Cesil Þórðardóttir, 8.2.2013 kl. 20:08]

Hún má dvelja hér í 3 mánuði, en ekki lengur. Það var sárt að horfa upp á þegar hún fór núna í haust heim aftur með tárin í augunum að þurfa að sjá af barnabörnunum, þangað til næst, og hún hefur ekki mikil efni á að koma fyrst um sinn aftur.  Þannig eru íslensk lög bara gagnvart svona málum.  Þar er ekki mikil sanngirni eða skilningur á fjölskylduböndum.

[Ágúst H Bjarnason, 9.2.2013 kl. 17:30]

Kolbrún. Þegar ég las þessa frétt þá hrökk ég dálítið við af sömu ástæðum og þú. Mér kom þetta mjög spánskt fyrir sjónir.

[Kolbrún Hilmars, 9.2.2013 kl. 18:02]

Ég hafði líka í bakþankanum hvort þetta hefði verið ástæðan þegar forstöðumaður Útlendingaeftirlitsins tjáði sig um vaxandi fjölda "efnahagsflóttamanna" hér um daginn og var í kjölfarið tekin á teppið hjá innanríkisráðherranum.

[Ágúst H Bjarnason, 9.2.2013 kl. 18:50]

Það er meira en líklegt...

[Ágúst H Bjarnason, 9.2.2013 kl. 21:42]

Óneitanlega hef ég nokkrar áhyggjur af þróun þessara mála. Rúmlega einn útlendingur hefur sótt um hæli á dag það sem af er árinu. Hver margir skyldu hafa óskað eftir hæli í árslok?  Munum við ráða við það? Hugsanlega er ástæðan fyrir þeirri fjölgun flóttamanna sem banka upp á hjá okkur sú að Ísland hefur undanfarið verið meira í sviðsljósinu en áður, þegar kuldalegt nafnið á landinu veitti okkur ákveðna vernd.

Vissulega býr fólk við mjög bág kjör víða, miklu verri en flestir Íslendinga. Því kynntist ég þegar ég starfaði í smá tíma fyrir hálfu öðru ári í Kenya, en þar er fátæktin mikil og sár.  Það er því með hálfum hug sem ég skrifa þessar línur.  En, við verðum að velta því fyrir okkur hve mörgum flóttamönnum við getum tekið  sómasamlega á móti árlega, veitt þeim húsaskjól og atvinnu, og aðstoðað við að samlagast íslensku umhverfi, m.a. með því að kenna þeim tungumálið okkar. Að kenna þeim íslensku er mikilvægara en flest annað, því að öðrum kosti er nokkuð víst að þeir einangrist og lendi utangátta í þjóðfélaginu.

Við verðum að gæta okkar vel á því að lenda ekki í sömu vandræðum og t.d. frændur okkar í Skandinavíu.

Ég hef lengi haft þá skoðun að við eigum að taka upp virkt landamæraeftirlit, jafnvel þó það kosti okkur úrsögn úr Schengen. Hvorki Bretar né Írar taka þátt í Schengen samstarfinu, enda er land þeirra eyja, eins og Ísland.  

Ég hef a.m.k  tvisvar fjallað um veru okkar í Schengen, 2008 og 2009. Sjá hér og hér.

[Kolbrún Hilmars, 10.2.2013 kl. 12:21]

Er sammála þessu, Ágúst.   Umsóknir hælisleitenda þarf að afgreiða fljótt og vel og láta raunverulega flóttamenn ganga fyrir efnahagsflóttamönnum.

Vandamál okkar er stærð þjóðarinnar.  Okkur eru takmörk sett þar sem íslendingar á vinnumarkaði eru aðeins um 170 þúsund - að meðtöldu hlutavinnufólki.  Þrátt fyrir það hefur þessum vinnandi höndum tekist að viðhalda þokkalegu samfélagi að vestrænu viðmiði.

Eflaust skiptir það sköpum að hérlendis hafa íbúarnir aldrei átt í sífelldum stríðsátökum, þar sem vopnakaup ganga fyrir matvælum og velferð íbúanna.  Hér er ekki einu sinni heimavarnarlið, hvað þá her.

Við verðum að fara varlega ef við viljum halda samfélaginu þannig til framtíðar.