Ótrúlegt verð - ótrúleg þjónusta

Flugvél á "vegum" Iceland Express lendir í fyrsta sinn í Boston - og er að meira segja á áætlun. Undur og stórmerki.

Minna er því hampað að á sama tíma er IE með samning við ónefnda ferðaskrifstofu um að skaffa flugvél til Tenerife í dag, með margra mánaða fyrirvara. Áætluð brottför var kl. 07:10 í morgun - en hefur verið frestað til kl. 23:50 í kvöld.

Þar er einn tapaður (rándýr) orlofsdagur fyrir allar þær fjölskyldur sem enn bíða eftir að komast í fríið sitt.

*  Nýjustu fréttir af ferðalöngum (sem hafa beðið  í Leifsstöð síðan í morgun) herma að nú hafi Spánarfarar fengið hótelmiða  í Keflavík, því líklega munu þeir ekki fá flugfarkost fyrr en einhvern tíma í nótt - í besta falli.

 

Iceland Express til Boston

Athugasemdir

[Hvumpinn, 2.6.2011 kl. 17:56]

Það virðist vera vaxandi óvissa með framtíð Iceland Express... kannski fara Astraeus (sem Pálmi "á" líka) bara að gera þetta í eigin nafni?

[Ragnhildur Kolka, 2.6.2011 kl. 20:20]

Flaug með IE í fyrra til NY og hef ekkert undan þeim að kvarta. Lentum í smáseinkun við brottför frá Newark en það var vegna mikils þrumuveðurs. Svo finnst mér litli appelsínu gaurinn í auglýsingunum þeirra svo óendanlega líkur Sigmundi Davíð að ég get ekki hugsað illa til þeirra.

Vona samt innilega að Sérstakur nái að negla Pálma Haraldsson fyrr en seinna.

[Kolbrún Hilmars, 3.6.2011 kl. 10:20]

Flestum ber saman um að áætlunarflug IE sé þokkalega stundvíst.  Það er leiguflugið sem er öskubuskan á þeim bæ.  Furða hvað ferðaskrifstofurnar eru þolinmóðar.

En fólkið mitt komst loksins í loftið kl. hálf-fimm í morgun, tæpum sólarhring á eftir áætlun.   Óskemmtileg flugvallardvöl og hótelþvælingur fyrir foreldrana með fjóra fjöruga stráka meðferðis.  Vonandi er fall fararheill í þeirra tilviki.

[Kolbrún Hilmars, 3.6.2011 kl. 17:24]

Var núna fyrst að kíkja á fésið og lesa samskipti ferðalanga í biðinni í gær (allir hafa með sér ferðatölvuna)  Klippi hér inn eitt sýnishorn af kommentum:

"Vid vorum ekki eins heppin og thid, vorum send a gistihotel sem lytur ut eins og fskibúd, enginn i móttökunni nema fullir utlendingar drekkandi ur vodkaflöskum:)"

Þjóð veit þá þrír vita; viðkomandi ferðaskrifstofu væri best að skipta við annað leiguflugfélag í framtíðinni.

[Brynja D (IP-tala skráð) 4.6.2011 kl. 01:37]

Mig langaði einmitt svo mikið að blogga um þetta blessaða flugfélag, en gott að þú hafðir orð á þessu á undan. Mér finnst sparnaðurinn genginn út í allar öfgar hjá þeim, að hafa ekki vara-flugvélar eða plan-B eins og sagt er þegar ástand sem þetta skapast. Fyrir fjölskyldur sem panta ferðir með hálfs árs fyrirvara og borgar ca 600.000 krónur á raðgreiðslum til að fjármagna draumafríið ætti það í raun að skrifa einnig undir samning um rétt sinn til skaðabóta ef svona ástand blasir við, og það er ekki einu sinni gos eða öskufall sem tefur þessa brottför !

[Kolbrún Hilmars, 4.6.2011 kl. 13:09]

Ég hef fjórum sinnum lent í því að fljúga með Astraeus.  Eitt skiptið var það áætlunarflug til Kastrup fram og til baka og var alveg ásættanlegt fyrir utan gömlu sætin í gömlu flugvélinni - sem voru lítið skárri en tréstólar.

Síðasta skiptið var til Tyrklands á vegum ferðaskrifstofu og eftir þá upplifun sit ég frekar heima en að stíga fæti upp í flugvél frá því félagi. 

Heimflugið (að meðtaldri hálfs dags seinkun á brottför) var  þvílík martröð að ef ég segði þá ferðasögu á vefnum myndi enginn trúa mér.
Nema auðvitað þjáningarsystkinin...