Á degi íslenskrar tungu

má ekki gleyma merkingarfræðinni.  Nokkuð hefur eðlilega vafist fyrir mönnum undanfarið með að greina á milli Evrópu-sinna og ESB-sinna.

Flestir íslendingar munu vera Evrópusinnar - enda hvernig mætti annað vera á meðan landið telst tilheyra Evrópu?   Það eru síðan sumir sem eru jafnframt ESB-sinnar sem vilja tileinka sér  heitið Evrópu-sinni og merkingarbreyta orðinu þannig í eiginhagsmunaskyni.

Evrópusinni og ESBsinni eru - enn - tvö óskyld hugtök. 

 

Athugasemdir

[Ragnhildur Kolka, 16.11.2009 kl. 17:23]

Þakka þér fyrir að minna á þetta, Kolbrún. Merkingarmunur lætur oft lítið yfir sér en getur verið gríðarstór og hann gerist varla mikið stærri en þessi. 

[Kolbrún Hilmars, 16.11.2009 kl. 18:23]

Takk Ragnhildur. Merkingarfræðin er vanmetinn hluti af tungumálinu því málfræðilegar ambögur snúast um fagurfræði, en merkingarlegar um skilning.

[(IP-tala skráð) 16.11.2009 kl. 23:16]

Takk fyrir síðast Kolla mín.

Þetta er svo auljóst sem þú ert að segja hér, en sennilega samt svo falið fyrir sumum. Svo falið að menn skilja ekki hver er munurinn. Þetta er því þörf áminning.

[Kolbrún Hilmars, 17.11.2009 kl. 14:52]

Sömuleiðis takk, Silla mín.