Hvað tefur stjórnarmyndun?

Sömu flokkar og gerðu með sér stjórnarsamstarfssamning fyrr í vetur - og voru snöggir að því - leyfa sér nú að "taka því rólega".  Hvað tefur? 

Ef það er ESB aðildarumsókn, þá er samningsaðilum óhætt að leggja þann ágreining á hilluna, enda önnur og brýnni mál sem brenna á almenningi.

Fólk valdi þennan vinstristjórnarpakka í kjörklefanum í þeirri trú að kosningaloforðin "skjaldborg um heimilin"  héldu.   Er erfitt að standa við þau loforð?

Athugasemdir

[Axel Þór Kolbeinsson, 1.5.2009 kl. 15:16]

Nei, nei. Þau lofuðu aldrei "skjaldborg um heimilin" fólki misheyrðist þetta. Það sem þau sögðu var að þau ætli að reisa tjaldborg fyrir heimilislausa...

[Kolbrún Hilmars, 1.5.2009 kl. 17:17]

  sum okkar þurfa svo sannarlega að láta hreinsa út eyrnamerginn - ég var sjálf alveg sannfærð um að  Jóhanna hefði sagt  "skjaldborg". 

Þetta er líklega alveg rétt hjá þér, Axel, allavega bólar ekki á neinni skjaldborg...

[Magnús Sigurðsson, 1.5.2009 kl. 20:14]

Ég held að ykkur misminni báðum, þetta var ábyggilega skýjaborg fyrir heyrnalausa sem hún átti við.