Nú er kreppa hjá óákveðnum kjósendum.

Tæpur sólarhringur til stefnu og hvergi er ljósglætu að sjá! Engar raunverulegar lausnir í boði; kosningaloforðin gerast ódýrari með hverjum klukkutímanum sem líður og framboðsflokkarnir forðast að koma með afgerandi yfirlýsingar um þau framtíðarstefnumál sem kjósendur hafa mestan áhuga á.

Samfylkingin er undantekning sem er sjálfri sér samkvæm og boðar lausn allra vandamála með ESB aðild en það loforð snertir þó ekki óákveðna - eðli málsins samkvæmt. Enda þar með úr leik.

Sjálf er ég í stökustu vandræðum því mér er óljúft að skila auðu atkvæði, en hef "sofið á því" og þannig tekist að útiloka alla kosti nema þrjá.

1) Vildu VG vinsamlegast lýsa því yfir í eitt skipti fyrir öll að þeir muni ekki selja sálu sína (eða virðulegan afturenda í ráðherrasæti) fyrir ESB aðild? Ekki myndi skemma að fá líka yfirlýsingu þaðan um stuðning við sprotafyrirtæki á borð við olíuvinnslu á Drekasvæðinu ef efni verða til.

2) Er D reiðubúinn að lofa hinu sama? Og jafnframt að flokkurinn myndi taka útstrikanir kjósenda á nöfnum sumra efstu manna til greina þannig að viðkomandi yrðu aldrei aftur í framboði á vegum flokksins?

3) Ef ég finn hvergi viðunandi svör við liðum 1) og 2) þá mun ég skila auðu!

Athugasemdir

[(IP-tala skráð) 24.4.2009 kl. 18:17]

Við deilum sömu kreppu greinilega.

[Kolbrún Hilmars, 24.4.2009 kl. 18:28]

Því miður gerum við það, Silla mín - ásamt mörgum öðrum í mínum "omgangskreds" en það getur nú verið vegna þess að ég var of góð sölumanneskja fyrir L-listann. :)

En ég er allavega enn að bíða eftir að sjá einhver svör við spurningunum mínum, en það getur sossum verið að viðkomandi séu svo ánægðir með stöðu sína að þeir þurfi ekki að sinna lausafylginu :(

[(IP-tala skráð) 24.4.2009 kl. 19:15]

Kolbrún klúðraði feitt þegar hún talaði um drekasvæðið og Steingrímur setti svo punktinn yfir iið þegar hann reyndi að segja að vinnsluleyfið væri auðvitað ekki innfalið í rannskóknarleyfinu sem er auðvitað alrangt þetta er einn pakki og þetta veit hann,  þó hann hafi sagt annað til að friða þá "grænustu" í flokknum. Enda hef ég sagt það áður honum er ekki treystandi fyrir horn blessuðum manninum.

[Kolbrún Hilmars, 24.4.2009 kl. 19:32]

Nákvæmlega!

Og svo næstum því tárfelldi ég við orð Steingrims J fyrir 5-10 mínútum (Stöð 2), þegar hann lýsti því yfir aðspurður um væntanlega skattlagningu að það væri hópur fólks í landinu sem héldi vinnunni sinni ennþá, skuldaði lítið og að það væri kominn tími til þess að viðkomandi fólk legði sitt af mörkum til samfélagsins. Eins og það hafi einmitt ekki verið það sem þessi hópur hefur gert undanfarin ár!

Mér sýnist að stærsta skyssa sem hagsýnt, sparsamt og varkárt fólk hafi gert hafi verið þetta hóflega framferði - við hefðum ÖLL átt að steypa okkur í botnlausar skuldir.

[Einar Ólafsson, 25.4.2009 kl. 00:58]

Sæl Kolbrún. Ég hef aldrei fyrr sett inn aths. hjá þér.

Ályktun landfundar VG í mars sl. um ESB er svona:

Vinstrihreyfingin – grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi.

  Ég held að mörgum landsfundarfulltrúum hafi þótt nóg að láta fyrstu setninguna standa, en það held ég að sé alveg ljóst, að verði þjóðaratkvæðagreiðsla um aðildarumsókn, þá mun VG beita sér gegn henni, þ.e. umsókninni. 

 Hvað Drekasvæðið varðar, þá er ég hreinlega ekki nógu kunnugur því máli. Hins vegar er það ljóst að VG leggur alltaf áherslu á að vandlega sé gætt að umhverfislegum áhrifum, það ættu allir að vita.

[Kolbrún Hilmars, 25.4.2009 kl. 01:33]

Þakka þér fyrir þetta, Einar, og líka svarið við fyrirspurn minni á þinni síðu.

ESB aðildin er nefnilega afar mikilvægt mál og nauðsynlegt að við (óákveðnir) kjósendur höfum á hreinu hvar VG stendur í þessu máli þegar til greina kemur að greiða honum atkvæði.  Samfylkingin og hennar ESB áróður er ekkert sem við viljum "óvart" styðja. 

Núverandi minnihlutastjórn hefur bundið sig til áframhaldandi samstarfs eftir kosningar og formaður SF sagði í vikunni að strax í júní nk muni hún og Steingrímur J leiða þjóðina [mín orð: sauðþæga] inn í ESB.  Formaður VG hefur hvergi borið þessi orð Jóhönnu til baka, að því ég best veit, og hef þó reynt að fylgjast með því. 

Þetta með Drekasvæðið bara viðhengi vegna ágreinings gærdagsins innan VG, en þitt svar var mjög diplómatískt  :)

[Umrenningur, 25.4.2009 kl. 09:24]

Sæl Kolbrún. Þar sem búið er að opna fyrir kjörfund eru litlar líkur á að þú fáir svör við spurningum þínum, því miður. Velkomin í stærsta hóp auðra frá upphafi Fullveldis, sem ég neita algjörlega að viðurkenna að sé mér eða þér að kenna hvað þá að við séum að misnota atkvæðisrétt okkar. Málið hjá mér a.m.k er einfaldlega að ef ekkert framboð er í boði sem mér finnst verðskulda atkvæði mitt á ég þá að kjósa illskásta kostinn (Vg) þrátt fyrir að stefna þeirra gangi á skjön við mínar grundvallarhugmyndir í t.d einstaklingfrelsi, skattamálum o.fl. Nei ég skila frekar auðu.

Es. Gangi þér vel í leit að svörum við spurningum þínum.

[(IP-tala skráð) 25.4.2009 kl. 10:41]

Ég tel bara rangt að eyða atkv sínu á Vgræna því það verður alveg sama með hverjum þeir starfa þeir munu alltaf selja sáluna svo rassinn hafi stól því þeirra trú er að nú sé virkilega nausynlegt að vinstristjón verði við völd ánæstu árum, og þeir munu því ekki láta ESB  mál trufla ferð sína  að stólunum. Það sem verra er að eins mun gilda um sjálfstæðisflokkinn og framsókn vill nú bara inn þó þeir reyni að segja annað og þa er orðið fátt um fína drætti.

[Jóhann Elíasson, 25.4.2009 kl. 10:48]

Góðan daginn (og til hamingju), vildi að ég gæti sagt þetta af einlægni, en því miður höfum við bara ekki neina valkosti hér og því verð ég að gera það sem ég hef aldrei gert áður að SKILA AUÐU.

[Kolbrún Hilmars, 27.4.2009 kl. 12:42]

Takk fyrir innlitin og góðar ráðleggingar.

Kosningakreppu minni lauk ekki fyrr en um kvöldmatarleyti kosningadags.  Þá gafst ég endanlega upp á úllen-dúllen-doffinu og sat bara heima