Fjármagnseigendur farnir að örvænta?

Það er hið besta mál. Mín vegna mega þeir hafa þetta eins og Jóakim Önd og geyma gullið sitt bara í peningatönkum - ávöxtunarlaust.

Það óskynsamlegasta sem ungt fólk getur gert við núverandi aðstæður er að kaupa sér íbúð á lánum. Það er ekki náttúrulögmál að unga fólkið okkar þurfi að undirgangast ævilangan skuldaþrældóm.

Auðvitað missa fjármagnseigendur spón úr aski sínum, en fáránlegast af öllu er svo ef ríkissjóði er ætlað að gegna hlutverki flautuleikarans. (The Pied Piper)

Hjálpi ungu fólki að kaupa

Athugasemdir

[Óskar Helgi Helgason (IP-tala skráð) 27.8.2011 kl. 17:08]

Heil og sæl Kolbrún; æfinlega !

Þarna; birtist í sinni skýrustu mynd, græðgis brenglun Péturs Blöndal, og nóta hans.

Óþverrahátturinn er slíkur; að þessum gerpum munar ekkert um, að véla ungt fólk - sem hingað til hefir sloppið, við verðtryggingar áþjánina, til þess glap ræðis, að húrra ofan í sömu gryfjuna, sem all flestir landsmanna, eru nú þegar fastir í, um ótiltekinn tíma.

Þangað til;Mið- Austurlanda aðferðum, kynni að verða beitt, gegn þeim Jóhönnu og Steingrími, alla vega - svo dygði.

Með beztu kveðjum; sem jafnan /

Óskar Helgi Helgason 

[Óskar Guðmundsson, 27.8.2011 kl. 17:36]

Ekki var það þó Pétur sem tók ákvörðun um að brenna allar eignir (peninga) fólks sem það hafði lagt fram til húsnæðis og auk þess notað eitthvað af þeim þjófnaði til að borga til þeirra sem hvort eð voru farnir á hausinn (svona eins og enginn hafi fariðp á hausinn fyrir Hrun)

[Óskar Helgi Helgason (IP-tala skráð) 27.8.2011 kl. 17:43]

Komið þið sæl; að nýju !

Nafni minn;Guðmundsson, æfinlega blessaður !

Nei; en Pétur er einn þeirra drullusokka, sem svömluðu í viðbjóðnum - og;eins og við munum, vildi koma Sparisjóðakerfinu ÖLLU, í lúkur burgeisanna.

Hygg; að skammtíma minni þitt, sé tiltölulega óbjagað ennþá, nafni minn.

Með; ekki lakari kveðjum - en þeim fyrri /

Óskar Helgi Helgason

[Landfari, 27.8.2011 kl. 22:40]

Kolbrún og Óskar Helgi, þið hafið kanski ekki verið neitt sérlega verið að fylgjast með íbúðaverði hér á landi undanfari ár. Svona ykkur til fróðleiks þá myndaðist hér bóluverð á húsnæði, íbúðir hækkuðu um 100% meðan byggingakostnaður hækkaði um 30% Það þurfti ekki mikla fjármálakunnáttu til að sjá þetta gat ekki gengið til lengdar. Reyndar gekk þetta furðulega lengi fyrir tilverknað bankanna.

Hvað um það, þessi bóla sprakk árið 2008 og síðan þá hefur íbúðaverð lækað mikið, jafnvel í krónutölu, meðan verðbólgan æddi áfram við hrunið. Raunverð hefur því hrunið og ólíklegt að þækki mikið úr þessu.

Þess vegna er miklu hagkvæmara að kauma núna en það hefur verið undanfarin 10 ár sennilega. Það eina sem mælir á móti þvi það kaupa er hvað það er enn ótrúlega hagkvæmt að leigja.

[Óskar Helgi Helgason (IP-tala skráð) 27.8.2011 kl. 23:36]

Komið þið sæl; sem fyrr !

Landfari !

O;jú. 76M2 íbúð í parhúsi, kostaði, á bilinu 4.5 - 5.0 Milljónir króna, árið 1995, hér heima í Hveragerði, og þókti tiltölulega hógvært verðlag, þess tíma.

Síðan hófu gróða öflin sig, til all nokkurs flugs, á árunum 1997/1999 - og allir þekkja framhaldið, svo sem.

Síðan má spyrja; af hverju íbúðarhúsnæði í Reykjavík, skuli vera, um 150 - 200% - eða meir, dýrara,, en á Hvammstanga, til dæmis, Landfari góður ?

Allt; ber að sama brunni, í hinu óhrjálega og frumstæða samfélagi á Íslandi, í samtíma okkar, svo sem.

Hitt er annað Landfari; að ekkert hefi ég velt þessum málum fyrir mér, vel; á annan áratug, aukinheldur - að marki.

Með hinum sömu kveðjum; sem fyrri /

Óskar Helgi Helgason 

[Landfari, 28.8.2011 kl. 00:15]

Nú þekkiég ekki Óskar, verðlag á Hvammstanga sem hlutfall af verði í Reykjavík. Veit þó samt að það getur munað hátt í helming á íbúðum í Reykjavík eftri í hvaða hverfi þær eru. Það ræðst einfaldlega af eftirspurn.

Svo eru lóðir mun ódýrari á Hvammstanga en í Reykjavík

[Óskar Helgi Helgason (IP-tala skráð) 28.8.2011 kl. 00:33]

Komið þið sæl; á ný !

Landfari !

Nákvæmlega; þar í, liggur munur sá. Frændur mínir; Húnvetningar eru; svo gjörsneyddir græðgi nágranna minna, hér vestan fjallgarðs - sem Reykvík ingar kallast.

Græðgi og sjávarflóð; munu verða banabitar sukkara samfélagsins, suður við miðbik Faxaflóa, Landfari góður.

Með; ekki lakari kveðjum - en öðrum fyrri, úr Árnesþingi  /

Óskar Helgi Helgason

[Landfari, 28.8.2011 kl. 01:09]

Þú ert nú eitthvað mikið að misskilja verðlagið núna Óskar minn góður. Það eru þeir sem kaupa sem ekki tíma að greiða sannvirði fyrir eignir á Hvammstanga ef þeir komast upp með að greiða helmingi minna.

Ég skal fullvissa þig um að allir seljendur á Hvammstanga væru meira en til í að selja á Reykjavíkurverði ef þeir gætu það.

Ég er ansi smeikur um að þetta gildi líka fyrir okkur báða,  sama hvort við erum að selja eða kaupa á Hvammstanga.

[Kolbrún Hilmars, 28.8.2011 kl. 01:47]

Sælir herrar mínir og takk fyrir innleggin. Óskar Helgi, þakka þér fyrir að standa vaktina fyrir mig á meðan ég brá mér af bæ í bráðskemmtilegt fjölskylduboð :)

Það má endalaust deila um það hvort núverandi svokallaðir íbúðar"eigendur" urðu gjaldþrota af sjálfsdáðum, vegna forréttinda lánardrottna eða hinnar sérkennilegu skjaldborgar ríkisstjórnarinnar.

Eftir stendur samt sem áður; unga fólkið á EKKI að festa sér húsnæði við núverandi aðstæður. Og hið opinbera á EKKI að lokka það í skuldagildruna með gylliboðum.

[Skúli Guðbjarnarson, 29.8.2011 kl. 09:16]

Hárrétt Kolbrún!

[Kolbrún Hilmars, 29.8.2011 kl. 17:14]

Takk fyrir samstöðuna, Skúli 

Ég er fylgjandi séreignarstefnu í  húsnæðismálum, EN - eins og maðurinn spurði:
"Hvað þarf að gera til þess að íslenskir fái sömu lánakjör og gerist erlendis?"

Við þeirri spurningu er aðeins eitt svar:  Hætta að taka þessi okurlán!

[Landfari, 29.8.2011 kl. 20:39]

Þetta er alveg hárrétt há þér Kolbrún og þannig er einmitt staðan í dag. Núna er lítil eftirspurn eftir lánum og vextirnir komnir langt niður miðað við það sem áður var.

Það sem háði okkur Íslendingum var að það voru allir tilbúnir til að taka lán en sára fáir tilbúnir til að spara. Eðlileg afleiðing af því var síhækkandi vextir en það virtist litlu breyta. Eftirspurnin virtist endalaus.

Jafnvel þegar kaupmáttur launa var með því hæsta sem þekkst hefur og verðbólga í lágmarki voru skuldir heimilanna samt að aukast. Þetta var náttúrurlega hrein klikkun.

[Óskar Helgi Helgason (IP-tala skráð) 29.8.2011 kl. 21:00]

Komið þið sæl; að nýju !

Landfari; minn !

Hefði mér auðnast; að taka í arf þann eiginleika, sem einn frænda minna, Þorleifur Kortsson (1615 - 1698); Lögmaður í Bæ, í Hrútafirði hafði til að bera, sem var ofurgræðgi og ágirnd (Espólín; kallaði hann gróðamann, í hóg værð sinni), væri betur ástatt, í mínum ranni, hvað fjárhaginn varðar.

Þannig að; þú skyldir alveg spara þér ályktanir, um minn vilja, til þess að auðgast - hvort heldur væri; hér sunnan heiða, eða þá; nyrðra, ágæti drengur.

Með; ekki lakari kveðjum - en þeim seinustu /

Óskar Helgi Helgason 

[Landfari, 29.8.2011 kl. 21:17]

Óskar Helgi, ef þú byggir hús á Hvammstanga og kostar til þess 25 millum en neyðist  til að selja það af einhverjum óskilgreindum ástæðum. Er það þá merki um vilja þinn til að auðgast ef þú tekur tilboði uppá 20 millur frekar en 15 sem væru kanski nær markðasvirði.

Það kalla ég ekki að auðgast, frekar að lágmarka tapið. Ennþá síður ágirnd, græðgi eða ofurgræðgi.

En sínum augum lítur hver á silfrið.

[Kolbrún Hilmars, 29.8.2011 kl. 22:14]

Landfari er alveg með á nótunum, sýnist mér, og til í að ræða málin nánar, skynsamlega.   Verst að hann kýs að vera "incognito". 

Óskar Helgi, ég sé að við eigum smáræði sameiginlegt.  Langa-langaafar okkar unnu saman hér á öldum áður; Séra Páll langa+afi minn í Selárdal lét  brenna 7 manns (og þar af einu íslensku konuna) fyrir galdra og Kortsson langa+afi þinn þóknaðist honum í þeim efnum.  En ég held samt að hvorugur hafi auðgast á athæfinu. ?