Launahækkun eða yfirvinna?

Það er erfitt að dæma um þessa ákvörðun Kjararáðs ef forsendurnar vantar. Þýðir þessi "álagshækkun" t.d. að dómarar hafi hingað til ekki fengið greidda yfirvinnutíma?

Upphæð álagsins, kr. 101.000 samsvarar því að "venjulegur" launamaður með mánaðarlaun 500.000 vinni 17,5 yfirvinnutíma á mánuði - u.þ.b. 4/5 úr klukkutíma per vinnudag. Sá hinn sami yrði ekki kátur ef sú yfirvinna fengist ekki greidd og myndi leita réttar síns hjá stéttarfélaginu.

Ef tilfellið er að dómurunum sé ekki greitt fyrir yfirvinnu, hefði þá e.t.v. verið heppilegra að úrskurður Kjararáðs hefði hljóðað svo: Dómarar fá greidda yfirvinnu vegna óvenjulegs álags - tímabundið?

Dómarar fá 101.000 kr. launahækkun

Athugasemdir

[D.Friðriks (IP-tala skráð) 18.2.2011 kl. 19:02]

Það er rétt, hingað til hafa dómarar ekki fengið greitt fyrir yfirvinnu.

[Kolbrún Hilmars, 18.2.2011 kl. 20:24]

Þakka þér fyrir þessa staðfestingu, D.Friðriks.

Síðan segi ég bara "I rest my case" - því það eru að minnsta kosti 19 manns sem líta þetta kjaramál öðrum augum en ég geri :)