Lítil frétt um stórt mál

Ég skora á mbl.is að birta litlu fréttina í MBL dagsins á bls. 15 efst í hægra horninu.

Athugasemdir

[Hannes, 18.8.2010 kl. 00:57]

Um hvað er fréttin?

[Kolbrún Hilmars, 18.8.2010 kl. 09:22]

Ég veit ekki hvort ég má endursegja hana í heild, en ef mbl.is ætlar ekki að nýta sér "útgáfuréttinn" má vera að ég geri það síðar í dag.

[Kolbrún Hilmars, 18.8.2010 kl. 16:46]

Litla "stóra" fréttin hljóðar svona:

 

"Skora á Frakka að skila “skaðabótum”

 

90 fræðimenn, rithöfundar, stjórnmálamenn og mannréttindafrömuðir birtu í gær  [16/8] áskorun í blaðinu Libération til franskra stjórnvalda um að endurgreiða Haiti “skaðabæturnar” sem Frakkar knúðu fram gegn því að viðurkenna sjálfstæði landsins fyrir tæplega 200 árum.

“Með þessari “sjálfstæðisskuld”, sem í dag er metin á rúmlega 17 milljarða evra [2.600 milljarða króna] var þjóð, sem hafði náð sjálfstæði í þrælauppreisn, með ólögmætum hætti þvinguð til að borga aftur fyrir frelsið,” segir í yfirlýsingunni.""

Ég fór inn á vefsíðu Libération til þess að finna uppruna þessarar fréttar, en fann ekki á fréttalistanum þar, hvorki þann 16. né 17. ágúst. Hafði svo hvorki tíma né þolinmæði til þess að fletta frekar undir öðrum flokkum, svo ég leyfi mér að birta bara Moggafréttina orðrétt.

[Hannes, 18.8.2010 kl. 18:54]

Það er vonandi að Frakkar endurgreiði það fé sem þeir kúguðu út úr vanþróuðu landi sem fyrst enda ekki hægt að bera virðingu fyrir þjóðum sem nota yfirburða stöðu til að kúga aðra.

[Kolbrún Hilmars, 19.8.2010 kl. 16:25]

Ja, ekki veitti Haitibúum af miðað við núverandi ástand. Og að mínu mati er þessi krafa réttmæt.

Forsagan er ljót.  Upp úr aldamótunum 1800 þótti þrælunum á Haiti nóg komið og vildu endurheimta frelsi sitt.

Amerísk yfirvöld, þau sömu  og byggðu stjórnarskrá sína á frönsku stjórnarbyltingunni sem átti að veita kúguðum almúga frelsi, studdu franska með þessa þrælakröfu, sem er tíunduð í fréttinni.   Afsökun amerískra er eflaust skiljanleg í ljósi þess að svipuð þrælauppreisn hefði getað átt sér stað heima hjá þeim og þá hefði innflutti evrópski plantekruaðallinn (mestmegnis breskir) misst spón úr aski sínum.  Það var áratugum síðar að amerískir þrælar fengu frelsi.  Þökk sé  forsetanum Lincoln.

En  það er sama hvar og hvenær  borið er niður í mannkynssögunni; ef alþýðan er misnotuð í þágu ráðandi afla þá  búa alltaf gróðasjónarmið að baki.  Þau hin sömu sleppa ekki svo glatt forréttindum sínum.