Varúð!

Eftir dóm Hæstaréttar um ólögmæti gengistryggðra lána og væntanlega leiðréttingu þeirra, hafa þeir uppi mestu mótmælin sem tóku sambærileg en verðtryggð lán.

Verði þeim að ósk sinni, þ.e. að stjórnvöld setji lög um að gengistryggðu lánin skuli þá felld að verðtryggingarskilmálum, þá eru þeir hinir sömu að grafa sína eigin gröf. Slíkt fordæmi mun þá sjálfkrafa koma í veg fyrir allar mögulegar leiðréttingar á verðtryggðu lánunum.

Athugasemdir

[Auðun Gíslason, 18.6.2010 kl. 17:11]

Þetta er rétt hjá þér!  Skv. lögfræðingi sem heyrði í í morgun eru lánaskilmálar óbreyttir nema gengistryggingin er dæmd ólögleg.  Vei ríkisstjórninni ætli hún að fara útí þá vitleysu að hrófla við dómnum.  Ég er með verðtryggt lán, en ég skil ekki þjáningarbræður mína, að vilja skekkja niðurstöðu Hæstaréttar.

Næsta mál á dagsskrá hlýtur að vera leiðrétting á verðtryggðum lánum vegna forsendubrests.  Lántakar og lánveitendur deili með sér skaðanum af honum.  Það mál er alfarið óskylt hinum ólöglegu gengistryggðu lánum.  Sem sagt, tvö mál óskyld!

[Kolbrún Hilmars, 18.6.2010 kl. 17:32]

Þakka þér fyrir Auðun, þetta er mergurinn málsins; tvö óskyld mál.

Hið fyrra er nú afgreitt með dómi, það síðara á algjörlega eftir að taka fyrir hvað varðar réttmæti og forsendubrest. Gengistryggingardómurinn gæti orðið vopn í verðtryggingarmálinu ef hægt verður að halda löggjafanum frá því að eyðileggja bæði málin.

[Gunnar Heiðarsson, 18.6.2010 kl. 22:15]

Það er deginum ljósara að við sem erum með vertryggð lán bætum ekki málstað okkar með því að fara í stríð við þá sem nú fá leiðréttingu sinna mála!

Þessi dómur er frábær, að það skuli loksins vera staðfest að lánastofnanir þurfi og eigi að fara að Íslenskum lögum er frábært!

Varðandi leiðréttingu á höfuðstól verðtryggðra lána mun þessi dómur vissulega hafa áhrif, þó óbein séu.