Þörf áminning.

Þrælahald hefur sennilega fylgt mannkyninu allt frá upphafi. Við vitum að það tíðkaðist á tímum faraóanna.

Gamla Testamentið er uppfullt af sögum um ambáttir og geldinga.

Þrælakaupmenn létu greipar sópa í Afríku og sendu ótalda þrælaskipsfarma vestur um haf og seldu evrópskum landnemum/landeigendum.

Eins og réttilega er sagt á tyllidögum: Mannauðurinn skiptir öllu máli.

Spurningin er bara hvernig og í hverra þágu sá mannauður er nýttur.

Costa segir: Lítið í kring um ykkur.

Græða 393 milljarða á mansali

Neyðarlínan afhjúpuð.

Væntanlega mun nú upphefjast eitt allsherjar rifrildi þar vestra um hlutverk neyðarlínunnar - og framtakssemi viðbragðsaðila á hennar vegum. Eflaust verður fróðlegt að fylgjast með því.
En ég giska á að þeim snarfækki sem þora að slá á þráðinn til 911.

Stuðuðu níræða, rúmliggjandi ömmu

Ljósi punkturinn!

Þeir kristnu, hvaða trúdeild sem þeir tilheyra, geta huggað sig við að eftirleiðis munu múslimsk viðhorf og Sharialög aldrei eiga upp á pallborðið í íslensku samfélagi.

Sannkallað hinsegin stjörnuregn í Fríkirkjunni

Hver er munurinn á gengistryggðu og verðtryggðu láni?

Margir hafa spurt og hvergi hef ég séð neitt svar. Hárnákvæmur samanburður kostar óralöng excelskjöl, en einhver hefði þó getað sýnt gróflega reiknað samanburðardæmi.

Nú er ég svo heppin að hafa við hendina gögn um tvö slík lán. Annað lánið er gengistryggt bílalán til 7 ára og hitt N-vísitölutryggt íbúðarlán frá einum lífeyrissjóðanna - eftir eru 10 ár af því láni í upphafi samanburðartímans.

Bílalánið:
Þann 24/1´08 er skuldin kr. 2.270.227. Afborgun þá með vöxtum kr. 33.254.
Þann 24/1´10 er skuldin kr. 3.570.193. Afborgun þá með vöxtum kr. 67.759.
Afb með vöxtum á 24 mánuðum (24x67.759) kr. 1626.216.

Húsnæðislánið:
Þann 18/1´08 er skuldin kr. 2.244.729. Afborgun þá með vöxtum kr. 28.977.
Þann 18/1´10 er skuldin kr. 2.313.555. Afborgun þá með vöxtum kr. 31.578.
Afb með vöxtum á 24 mánuðum (24x31.578) kr. 757.872.

Að vísu munar 3 árum á lánstímanum og örlitlu á höfuðstólsupphæðinni. Ennfremur margfalda ég síðustu afborgun með greiðslutímanum, en þar hallar frekar á bílalánið en húsnæðislánið. Þessi lauslegi útreikningur ætti þó að gefa nokkra hugmynd um muninn á gengistryggðum og verðtryggðum lánum.

Lýsi einnig yfir undrun minni.

Lífeyrissjóðurinn minn var fyrir örfáum dögum að "fjárfesta" í þessu flugfélagi.

Varla til þess að gera því kleift að segja upp mannskapnum, eða hvað?

Ég held að nú skuldi einhver okkur lífeyrissjóðseigendum skýringu!

Segir upp 54 flugmönnum

Er þetta dæmigert fyrir sjálfstæði aðildarþjóða ESB?

Snusið er eflaust stórhættulegt lýðheilsu sænskra og áreiðanlega meinar ESB apparatið vel - en eðlilega vaknar spurning um sjálfsákvörðunarrétt svía, sem teljast nú þokkaleg þungavigtarþjóð í bandalaginu.

Ég býð ekki í sjálfsákvörðunarrétt íslenskra innan ESB ef þetta er normið þar á bæ.

ESB vill ekki aflétta banni á Snus

Ögmundur veit hvað hann syngur.

Það er varla nokkur undir fertugu sem man eftir Sigtúnshópnum, þar sem Ögmundur var fremstur í flokki. Fyrir þá sem ekki muna, þá má líkja Sigtúnshópnum við Hagsmunasamtök heimilanna í dag.

Þá sem nú var baráttumálið hið sama; hagsmunir heimilanna þar sem forsendubrestur varð á lánakjörum.

Rétt að fara varlega í yfirlýsingar

Margir fletir og margs konar mál

og það er óskandi að ríkisstjórnin stilli sig um afskipti hvað varðar vaxtakjörin á gengistryggðu bílalánunum.

Margir munu nefnilega hafa þurft að fullnýta yfirdráttarheimildir á bankareikningum sínum til þess að standa í skilum með gengistryggðu lánin.

Þar hafa vextir eitthvað lækkað undanfarið í takt við vaxtalækkanir Seðlabankans, en núna eru venjulegir yfirdráttarvextir í kringum 13%.

Það yrði bara til þess að flækja uppgjörsmálin út í hið óendanlega ef stjórnin skapar enn fleiri vandamál en fyrir eru.

Höskuldur: Lög skýr um endurgreiðslu

Víða finnast borgir byggðar fyrir öld bílanna.

Þar eru sumar göturnar svo þröngar að tveir þurfa að draga inn magavöðvana til þess að geta mæst. Aðrar eru breiðgötur hannaðar sérstaklega fyrir skrautvagna yfirvaldsins.

Á Melhaga væri engin gata ef bíllinn hefði aldrei orðið almannaeign.

Hvernig líta göturnar út án bíla?

Varúð!

Eftir dóm Hæstaréttar um ólögmæti gengistryggðra lána og væntanlega leiðréttingu þeirra, hafa þeir uppi mestu mótmælin sem tóku sambærileg en verðtryggð lán.

Verði þeim að ósk sinni, þ.e. að stjórnvöld setji lög um að gengistryggðu lánin skuli þá felld að verðtryggingarskilmálum, þá eru þeir hinir sömu að grafa sína eigin gröf. Slíkt fordæmi mun þá sjálfkrafa koma í veg fyrir allar mögulegar leiðréttingar á verðtryggðu lánunum.