Ekki sammála Össuri

því við eigum að forðast IMF eins og heitan eldinn. 

Við eigum að þiggja lánstilboð frá Rússum, Kínverjum eða Japönum og halda þannig bæði sjálfsvirðingu og sjálfstæði. Vissulega verða bretar og bandamenn þeirra móðgaðir að tapa áhrifum hér - en hvað með það?   Ekki hafa þeir og/eða ESB sýnt okkur nokkurn vinarhug, eða hvað?

Ísland á að sækja um stuðning

Athugasemdir

[Kolbrún Hilmars, 11.10.2008 kl. 18:54]

Óskar, þeir sem vilja selja spyrja bara um greiðslur - ekki trúarbrögð, litarhátt eða pólitík.  Varðandi aðstoðina; betra er lán en betl - ekki satt?

[(IP-tala skráð) 11.10.2008 kl. 19:05]

Mér finnst aukaatriði hvaðan lánið kemur, og mér finnst óeðlilegt að lán frá gjaldeyrissjóðnum þurfi að útheimta einhver skilyrði eins og um vanþróunnarríki sé að ræða. Ef slík skilyrði er það sem til þarf geta þeir átt það sem úti frís.

Við getum jú alltaf gripið til sjálfsþurftarbúskapsins ef um allt þrýtur, Kolla mín þú mátt eiga rollu, hænu, belju og svín með mér

[Villi Asgeirsson, 11.10.2008 kl. 20:25]

Af hverju ætti IMF að koma öðruvísi fram við okkur en aðra? Við erum bara smáþjóð sem skeit á sig, í þeirra augum. Sama hyskið og þeir díla við í öðrum heimsálfum. Þeir taka völdin og við beygjum okkur fyrir þeim. Ef Noregur er að bjóðast til að hjálpa, erum við ekki svo illa sett.

[Svanur Gísli Þorkelsson, 11.10.2008 kl. 20:45]

Til hvers þarf Ísland þess peninga. Við getum fengið lán hjá Norðmönnum til að reka landið um tíma ef okkur vantar lausafé. En meiri peninga til að halda áfram braskinu með hlutafé finnst mér ekki nógu gott. Mér finnst ekki koma til greina að við skattgreiðendur borgi tap bankanna erlendis.

[(IP-tala skráð) 11.10.2008 kl. 20:51]

Ertu eitthvað pirraður Villi minn. Við hljótum þá að verða leiða þeim fyrir sjónir að við erum ekki sama "hyskið" og þeir eru vanir að díla við En ég tel ekki nokkra ástæðu til að leyfa þeim að fá einhver völd hér á landi þó að þeir láni okkur einhverjar evrur.  Svo framleiðum við bara sem mest við megum til útflutnings og verslum íslenskt sem aldrei fyrr, og þá verðum við ekki lengi að redda þessu, þökk sé álverinu á Reyðarfirði meðal annars og öðrum slíkum útflutningsfyrirtækjum.

[Villi Asgeirsson, 11.10.2008 kl. 20:55]

Erum við ekki öll soldið pirruð? Kynntu þér IMF og segðu svo að það skipti ekki máli hvaðan evrurnar koma.

[Kolbrún Hilmars, 12.10.2008 kl. 13:15]

Takk öll fyrir innleggin. 

Lán þurfum við til þess að reka þjóðfélagið.  Mér sýnist að aleiga ríkissjóðs/okkar fari í að tryggja og endurgreiða innstæður erlendra sparifjáreigenda víða um lönd, þökk sé fjármálaprinsunum okkar.  IMF gerir það einnig að skilyrði númer eitt. 

Hvaða önnur skilyrði fylgja svo tilteknu láni frá IMF eru ekki ljós, en miðað við fyrri aðferðir sjóðsins þykir mér ekki eftirsóknarvert að lenda í klónum á þeim.  Norðmenn hafa ekki formlega boðið okkur lán, heldur einungis komið með viljayfirlýsingar og við vitum heldur ekki hvaða skilyrði þeir muni setja -  e.t.v. inngrip IMF?

Rússar og Japanir gætu gert viðskiptaskilyrði, tæplega önnur, en við komumst að því eftir viðræðurnar við Rússa n.k. þriðjudag.  Ef við þurfum að kaupa olíuna af Rússum "í þakklætisskyni" þá hvað með það?  Er Rússaolían nokkuð verri en Arabanna?  Við áttum áratuga viðskipti við Rússana hér áður fyrr og fæ ekki séð að okkur hafi orðið meint af.  Hvað varðar Japan og Kína, þá flytjum við inn gífurlegt magn af varningi þeirra nú þegar.

Hrein og bein lánsviðskipti er það sem við þurfum nú, ekki erlent forræðisafl með nefið ofan í öllum okkar innanlandsmálum.