Sumum var misboðið

þegar pólska fréttin var birt á mbl.is í dag og sáu fyrir sér nú væri hið ástkæra ylhýra að lúta í gras fyrir frjálsa flæðinu og tungumálum allrahanda.  En þetta eru áreiðanlega óþarfar áhyggjur.

Í matvörubúðinni sem ég skipti við er ung pólsk kona á kassanum.  Fyrir 3-4 mánuðum skildi hún ekki orð í íslensku (eða ensku) en  nú erum við hættar samskiptum á bendingamáli og notumst við einfalda íslensku.  Hún tekur daglegum framförum í íslenskunni en ég hef ekki einu sinni lært að segja "takk fyrir" á pólsku

Athugasemdir

[Skattborgari, 7.10.2008 kl. 22:51]

Það er eðlilegt að hún læri túngumálið en ekki þú þar sem að það er hún sem er kominn hingað til lands en ef þú værir flutt til Pólands þá værir það þú sem þyrftir að læra Pólsku.

Kveðja Skattborgari.

[(IP-tala skráð) 8.10.2008 kl. 00:20]

Hæ hæ.

Segðu við hana næst þegar þú verslar hjá henni Din dobre eða bara Dobre ( örugglega ekki rétt skrifað en sagt svona)      það þýðir góðan daginn... eða daginn, ég lærði það í Póllandi og líka að segja SKÁL, en merkilegt nokk  ég man ekki hvernig það var, hef sennilega skálað of mikið   já og ég sá að þú hafðir ratað á endanum.

[Helga Guðrún Eiríksdóttir, 8.10.2008 kl. 02:25]

Sammála Skatta.

[Kolbrún Hilmars, 8.10.2008 kl. 18:32]

Bankakerfið hefur ekki lengur efni á slíkum lúxus - nú þurfa kúnnarnir að gjöra svo vel og læra íslensku - og krimmarnir líka!  því löggæslan  hefur heldur ekki efni á því að hafa 10-15 túlka á launum...