Ekki keyra yfir matinn minn!

var greinilega efst í huga máfsins sem ég var rétt áðan að fylgjast með hér við umferðargötuna.  Einmitt þegar ég rétti úr mér frá skrifborðsvinnunni og gekk að glugga sem snýr í þá áttina henti einhver ökumaðurinn matarafgangi (hálfri pizzu eða svo?)  út um bílgluggann sem lenti á miðri umferðargötunni.  Eins og elding mætti máfurinn á svæðið, baðaði vængjum og kroppaði helminginn í einum bita; af restinni ætlaði fuglinn svo ekki að missa þrátt fyrir aðvífandi bílaumferð, veifaði vængjum sem aldrei fyrr eins og hann væri að reyna að hrekja bílana burt en tókst þó ætlunarverkið því bílarnir á báðum akreinum hægðu á sér þar til máfurinn hafði náð bitanum. 

Þetta er sko sorphreinsun í lagi

Athugasemdir

[Skattborgari, 2.8.2008 kl. 04:39]

Ég hef heyrt af mávum vera að rífast um olíublautan tvist þannig að þessi kvikindi éta allt.