Gleðitíðindi?

Spurningin er bara fyrir hvern.  Vandlega falið í miðri fréttinni er klausan:

 "Sagði saminganefndin að tafir hafi orðið á ákveðnum málum fyrir Héraðsdómi Reykjavíkur.  Vegna þess sé áætlað að útgreiðslur úr búi Landsbanka hefjist 1. ágúst í stað 1. júni eins og var áður áætlað"

Gæti verið að þessi "ákveðnu mál" skipti máli?  Svo sem eins og hvort kröfuhöfum verði dæmt dánarbúið eða ríkissjóði upp í Icesavekröfuna.

 Önnur "gleðifrétt" var okkur líka birt í dag - sem kemur Icesave ekki við nema óbeint:

"Að frátöldum innlánsstofnunum í slitameðferð námu eignir þjóðarbúsins 2441 milljarði og skuldir 2875 milljörðum.  Var hrein staða þá neikvæð um 434 milljarða".

Frábærar framtíðarhorfur - jafnvel þótt Icesave ábyrgðin sé "frátalin"!

Endurheimtur batna

Athugasemdir

[Sveinn Úlfarsson (IP-tala skráð) 2.3.2011 kl. 20:14]

Ætli þetta sé með ca 1000 milljörðunum frá Actavis skuldunum eða án?

Seðlabankinn er farinn að birta heildarskuldir með/án Actavis enda um heilsárs þjóðarframleiðslu mismun að ræða ef Actavis telst til þjóðaskulda okkar.

[Kolbrún Hilmars, 2.3.2011 kl. 20:58]

Sveinn, seinni gleðifréttin kemur einmitt frá Seðlabankanum.

Kæmi ekki á óvart að þar sé eitthvað fleira "frátalið" en það sem viðkemur gjaldþrota innlánsstofnunum. Stofnanir á vegum ríkisstjórnarinnar eru ekki traustvekjandi þessa dagana, því miður.