Ekki bara vírus - baktería líka.

Svipuð frétt þessari birtist á CNN vefnum í gær. Þar er líka fjallað um krufningar á látnum og niðurstöður þeirra en eftirfarandi upplýsingar eru þar til viðbótar:

...
"More than half of the deaths were caused by bacterial pneumonia.

"The secondary bacterial infection evokes inflammation," said Dr. William Schaffner, professor in the Division of Infectious Diseases at Vanderbilt University School of Medicine. "It socks it in the lung and all of a sudden the lung as an organ can't do its principal job.""
...

(Gæsalappaður útdráttur er tekin úr fréttinni: "H1N1 virus attacks deep into the lungs". By Stephanie Smith,CNN Medical Producer. December 8, 2009.)

Ætli stökkbreytingin sé þá í raun þessi viðbótarbakteríusýking og auk svínabólusetningar þurfi fúkkalyfjagjöf?

Svínaflensan skemmir lungun

Athugasemdir

[Jón Ingi (IP-tala skráð) 9.12.2009 kl. 15:42]

Þessi stökkbreyting hefur lítið að segja varðandi þessai bakteríusýkingu

Þessi baktería sem þeir eru að tala um veldur lungnabólgu.

Lungnabólga er ein algengasta dánarorsök þeirra sem sagðir eru deyja úr influensu(ástíðarbundnar, svínaflensu og öllu þessu dóti).

Oft talað um að prósenta þeirra sem deyja vegna influenzu sýkingar sé mjög vanmetin því fólk er t.d. bara skráð hafa dáið úr lungnabólgu.

Lungun verða þá veik fyrir og lungnabólgubakterían á auðveldara með að gera meira skaða.

[Kolbrún Hilmars, 9.12.2009 kl. 15:58]

Jón Ingi, ég gat ekki skilið annað af þessari frétt en að hinir látnu hefðu upphaflega veikst af svínaflensunni en bakteríusýkingin í kjölfarið hefði gert útslagið.

[Guðmundur Ásgeirsson, 9.12.2009 kl. 16:06]

Svipað dæmi er í gangi í Úkraínu, þar hefur fólk verið að fá skæða lungnapest ofan í svínaflensufaraldurinn. Þar í landi telja menn að um sé að ræða sýkingu af völdum "plágu"-bakteríunnar sem er meginorsök sjúkdómsins Svarta Dauða.

[Bjöggi (IP-tala skráð) 9.12.2009 kl. 16:24]

Kolbrún, það er akkúrat það sem Jón Ingi er að segja. Bakteríusíking í kjölfar flensu, hvort sem hún er hin venjulega árstíðabundna flensa eða Svínaflensa, að það sé það sem geri útslagði í flestum tilvikum.

Amma mín dó úr inflúensu, réttarasagt bakteríusíkingu í kjölfar flensu sem olli lungnabólgu. 

[Jón Ingi (IP-tala skráð) 9.12.2009 kl. 16:29]

Kolbrún

Já upphaflega fær fólk inflúensu, það auðveldar svo bakteríusýkinugnni (sem í þessu tilfelli sem þú póstar hér inn er lungnabólgubaktería)

Þetta er eitthvað sem er algeng ástæða fyrir því að fólk er að deyja úr influensu (líka í þessum venjulegu árstíðarbundnu influensum). Þannig að þessar stökbreytingar eða bara yfir höfuð þessi H1N1 (svínaflensa) eru ekkert endilega að breyta því.

Varðandi Svarta dauða þá kemur hann alltaf upp annaðslagið, komu t.d. upp nokkrar sýkingar í bandaríkjunum 1995(hefur svo sem verið deilt um hvað nákvæmlega olli svarta dauða og ekki eru allir sammála með það). Influenza auðveldar líklega mikið þessa sýkingu(án þess þó að ég viti eitthvað 100% um það)

[Þór Gunnlaugsson (IP-tala skráð) 9.12.2009 kl. 16:47]

25.04.2009 16:56:13 / heilun

Heimsfarsótt af inflúensu

Á jóladag 2008 hér að neðan setti ég inn sýn um að í apríl 2009 myndi gjósa upp farsótt og hefur það nú gerst í svínum í Mexico og er gefið upp að þegar hafi um 1000 manns smitast og talsvert mannfall.
Ég er búin að skoða þetta afbrigði influensunnar og sýnist að 3 mismunandi dna afbrigði sé að ræða sem þýðir að fiðurfé mun blandast saman við þennan ófögnuð og úr verði firnasterkt afbrigði flensunar þegar líður fram á árið en hún mun breiðast hratt út um Mexico og síðan um öll fylki Bandaríkjanna en fyrsta Evrópulandið verður Bretland.
Það er betra að hafa allan vara á þessum ófögnuðu þar sem hún er mannskæð og margir munu falla sem ekki eru með 100% líkamlega heilsu.
Ég sé þetta í sýn eins og svartan engilsprettumökk breiðast út frá Mexico til nágrannaríkis og með fólki til Evrópu í fyrstu en ég sé ekki Íslandi inn á þessu eða fyrrihluta næsta árs en við verðum bara að sjá til en þetta verður illvigt viðureignar vegna óvenjulegra samsetningar á dna erfðamengi hennar.
                                                               Viðbót
Sá bregða fyrir mekki af moskitóflugum á dauðu svínshræi og er það hugsanlega 3 hlekkurinn á dna keðjunni en flugurnar beri sóttina í mannfólk og fiðurfé en þessar pestarflugur virðast ónæmar fyrir svona sýklum muni því berast ógnarhratt út á meðan þær finna nýtt fórnardýr til að sjúga blóð úr og sýkja um leið af veirunni úr svínunum.  Menn tala enn um öndunarfærasjúkdóm en hafa ekki enn komið auga á aðra smitleið með moskitóflugum en þar liggur hættan að mér finnst samblöndun í nýtt afbrigði firnasterkt.
                                                     20 november 2009
Veiran hefur nú þegar stökkbreytt sér og fyrstu tilfelli nýja afbrigðisins kom upp í Svíþjóð en hún fer neðar í lungun og veldur þar miklum bólgum og andnauð.1 er látinn en 1 tókst að bjarga fyrir horn en hún skellur á með slíkum hraða að á rúmum 4 klst getur viðkomandi lent í öndunarerfiðleikum.
Læknar telja sig geta hamið þetta með lyfjum fyrir fyrri tegundina en ég sé þetta ekki þannig að þarf að útbúa strax bóluefni gegn nýja afbrigðinu.
Þegar ég skoða lungnavefi eftir slíka sýkingu er eins og smá blöðrur myndist í berkjum og taugavefum sem á endanum hindra súrefnisupptöku lungnanna en það sem mér sýnist verst eru örvefir sem eftir verða nái viðkomandi að vera hérna megin og getur þess vegna leitt til örkumlunnar viðkomandi til frambúðar því miður en vonandi gengur þetta ekki eftir.
                                                           21 nóvember
Stökkbreytta svínaveiran hefur nú greinst í Noregi sem segir eitthvað og landlæknir þar mælir með að taka Tamiflu með bólusetningu en hvers vegna dugar hún ekki lengur ein og sér?

[Kolbrún Hilmars, 9.12.2009 kl. 20:42]

Takk fyrir athugasemdirnar.  Bjöggi, ég samhryggist þér vegna ömmu þinnar.  En vegna barnabarna núdagsins set ég hér inn viðbótarspeki frá heilsudeild CNN:

"An analysis of the sickest swine flu patients in Australia, Canada, Mexico and New Zealand suggests that relatively healthy adolescents and young adults are among the most likely to get very sick after an H1N1 infection, a pattern similar to that seen in the 1918 influenza pandemic."

Semsagt, hér er engin venjuleg Asíuflensa á ferð.  Eins og Guðmundur benti á hér að ofan er svínaflensan nú líka bendluð við svarta dauða - auk 1918 flensunnar.  Ætli slys hafi hent á einhverri rannsóknarstofu í Mexíco?  Þór nefnir réttilega upprunann sem er ekki hinn hefðbundni asíski - vonandi hefur hann rangt fyrir sér með afleiðingarnar.

Það sem skiptir okkur mestu máli er við fáum réttar upplýsingar.  Hversu alvarlegt er þetta  flensufár, hvernig getum við varist því, hvaða bólusetningar duga? 

[Þór Gunnlaugsson (IP-tala skráð) 9.12.2009 kl. 21:27]

 Sæl Kolbrún

Helst hefði ég viljað hafa rangt fyrir mér í þessu til felli en spárnar á heimasíðu minni hafa allar verið réttar hingað til og þetta var raunar staðfest af vísindamönnum í dag í neðangreindri grein.

Svínaflensan skemmir lungun þetta sagði þór fyrir ári síðan

 

Svínaflensuveiran veldur skemmdum á öllum loftveginum, allt frá barkanum og djúpt niður í lungun líkt og veirurnar sem ollu  heimsfaröldrum inflúensu 1918 og 1957. Afleiðingarnar eru ólíkar þeim sem venjulega sjást í árstíðabundinni inflúensu, að því er segir í skýrslu sem birt var i dag. 

Vísindamenn við Þjóðarheilbrigðisstofnun Bandaríkjanna (National Institutes of Health - NIH) og yfirmaður meinafræðideildar New York borgar rannsökuðu vefjasýni úr 34 sjúklingum sem dóu af völdum svínainflúensu fyrr á þessu ári.

Jeffery Taubenberger veirufræðingur, sem er í hópi vísindamannanna, segir að þeir hafi fundið ummerki um skemmdir í efri og neðri loftvegunum. Í öllum tilvikum hafi efri loftvegir - barki og  lungnapípur - verið bólnir og í sumum tilvikum mjög skemmdir.

Í meira en helmingi tilfellanna, eða 18 tilvikum, fundust merki um skemmdir neðar í loftvegunum eða í berkjunum. Í 25 tilvikum fundu vísindamennirnir merki um skemmdir í lungnablöðrunum (alveoli). 

Taubenberger sagði að svo virtist sem sjúkdómseinkennum af völdum svínaflensuveirunnar svipðaði mjög til þeirra sem inflúensuveirur í heimsfaröldrum 1918 og 1957 ollu. Þessi einkenni séu ólík þeim sem árstíðabundin inflúensa valdi. Þau einkenni sjáist einkum í efri loftvegum, en ekki djúpt niðri í lungunum.

Rannsóknin staðfesti einnig hvernig A(H1N1) veiran lagðist mun þyngra á ungt fólk en eldra fólk. Aðeins einn hinna látnu sem rannsakaðir voru var kominn yfir sextugt. Af þessum 34 sem voru rannsakaðir voru 24 undir fimmtugu.

Níu af hverjum tíu voru með undirliggjandi sjúkdóma. Þar á meðal hjartasjúkdóma og öndunarfærasjúkdóma, veiklað ónæmiskerfi. Einnig voru í hópi hinna látnu vanfærar konur.  72% þeirra sem voru rannsakaðir voru í yfirþyngd og nærri helmingurinn var hættulega offeitur.

Niðurstöður rannsóknarinnar birtust í netútgáfu Archives of Pathology and Laboratory Medicine.

Til baka

[Jón Ingi (IP-tala skráð) 10.12.2009 kl. 11:12]

Þór

Ég vill taka það fram áður en lengra er haldið að ég er ekki mjög trúaður á svona spádóma.

En bara til að byrja með þá er ágætt að nefna það að Influenza er RNA vírus en ekki DNA. Þannig að ef þú sérð fyrir þær DNA veiru þá er þar ekki á ferð influenza.

Einnig væri hægt að nefna að þú getur rakið parta af flest öllum influenzum fram og til baka og ert þá með RNA blöndu úr mörgum afbrigðum influenzu. Hægt að sjá þetta með því að skoða ættartré influenzu (hefur verið birt í mörgum greinum)

Líka væri hægt að benda á að bara af þessari núverandi H1N1 eru til endalaust mörg stökkbreytt afbrigði, mörg með stökkbreytingum sem engin áhrif hafa á influenzuna en önnur sem einhver áhrif hafa. Núverandi bóluefni virðist virka á flest þessi afbrigði, eitthvað eru menn þó farnir að efast um tamiflu.

Líkurnar á að einhver afbrigði moskitóflugna geti borið influensu eru alveg ævintýralega litlar, ef þú bara hugsar um alla þá endalausu sjúkdóma sem eru í gangi á þeim svæðum sem moskitóflugur lifa þá sérðu að þær eru ekkert sérstaklega mikið að þvælast með neitt af því. Það þyrfti til alveg stórvirkar stökkbreytingu á moskitóflugum og influenzuveirunni saman til að þetta gæti hugsanlega gerst.

-------------

Kolbrún

Varðani uppruna influenzu faraldra þá er það eitthvað sem mjög erfitt er oft að segja til um. Vissulega hafa fundist gríðarmargir stofnar af influenzu í t.d. kína, en margar af hættulegri influenzum sem upp hafa komið eru taldar hafa átt upptök sín utan asíu, t.d. rússland, bandaríkjunum, mexico og fleiri löndum.

Líka að ástæða þess að svona margir ungir eru að fá þetta núna gæti bent til þess að svipuð influenza hefði gengið fyrir einhverjum X tíma og þeir sem væru komnir yfir vissan aldur hefðu mótefni sem verndaði þá, eitthvað hefur verið að koma af rannsóknum varðandi þetta.