Silfurskeiðin okkar.

Það vita flestir hvað við er átt þegar silfurskeiðin er nefnd. Mörgum verður hugsað til auðkýfinganna heimsfrægu og hinna meintu silfurskeiða sem afkomendur þeirra voru sagðir hafa fæðst með á milli tannlausra góma.

Sjálf á ég það sameiginlegt með flestum löndum mínum að þekkja slíkar auðs-silfurskeiðar aðeins af afspurn. Okkar silfurskeið var nefnilega svolítið tvíbent; að fæðast í landi tækifæranna gaf okkur aðeins valkosti en ekki ríkidæmi.

Forfeður okkar skópu valkostina okkar með blóði sínu, svita og tárum árhundruðum saman og skiluðu okkur að lokum landinu óskertu með öllum sínum gögnum, gæðum og harðæri. Sú var gjöf þeirra, silfurskeiðin sjálf, ætluð okkur afkomendum þótt sjálfir nytu þeir ekki góðs af á veraldlega vísu.

Nú er árið 2009 og enn þurfum við að glíma við valkostina. Ætlum við að selja silfurskeiðina okkar í skiptum fyrir matarmiða?

Athugasemdir

[(IP-tala skráð) 10.11.2009 kl. 13:19]

Þú ert snillingur í að orða hlutina eins og þeir eru. Þetta er nákvæmlega það sem málið snýst um, takk fyrir þetta Kolla mín.

Ætli við náum ekki að hittast á næstu dögum?? hringdu ef þú átt lausa stund og við fáum okkur kaffi saman. Knús og kossar Kv Silla

[Kolbrún Hilmars, 10.11.2009 kl. 16:05]

Takk Silla mín :) Kemstu á aðalfund Heimssýnar á sunnudaginn?

[(IP-tala skráð) 10.11.2009 kl. 18:12]

Já en eru það ekki bara kjörnir fulltrúar sem mæta?? Fyrsti stjórnarfundur hjá okkur hér er akkúrat núna en ég komst ekki á hann þar sem ég var með strákana hjá sjóntækjafærðingi og fundurinn á Eskifirði af öllum stöðum ,  en þar átti stjórn að skipta með sér verkum, ég veit ekki enn hvernig það skipaðist, og trúlega að velja fulltrúa á aðalfund.

[Kolbrún Hilmars, 10.11.2009 kl. 18:42]

Ég fékk aðalfundarboðið frá Heimssýn og þar eru félagar hvattir til þess að mæta - enda er Heimssýn ekkert elítufélag :)

Sunnudagur kl. 13:30 - 17:00. Við getum farið saman og fengið okkur nasl á eftir?

[(IP-tala skráð) 10.11.2009 kl. 19:04]

Ég hef ekki fengið neitt boð, en mæti gjarnan með þér bæði á fund og nasl

[Kolbrún Hilmars, 10.11.2009 kl. 20:05]

Þá er það ákveðið!

Reyndar þykir mér líklegt að ferðakostnaður landsbyggðarfélaga sé ástæðan fyrir því að þau velji sérstaka fulltrúa á sínum vegum. Aðalfundarboðið nær til allra félagsmanna.

Verðum í bandi. :)

[(IP-tala skráð) 10.11.2009 kl. 20:14]

Verðum það þú ert með símanr hjá mér