Krosseignatengsl þarna líka?

Alþjóðahús fær rekstrarfé frá Reykjavíkurborg sem er hið besta mál.   

En HVER eru þessi fyrirtæki sem tengjast Alþjóðahúsi svo náið að þau þurfi að skila ársreikningi jafnt og Húsið sjálft til þess að borgin geti greitt út umsamda styrki úr sjóðum borgarbúa?

Öllu starfsfólki Alþjóðahúss sagt upp

Athugasemdir

[(IP-tala skráð) 1.9.2009 kl. 20:47]

ég segi eins og þú, hver eru þessi fyrirtæki?????

[Kolbrún Hilmars, 1.9.2009 kl. 21:31]

Ja, sem skattgreiðanda hér í borg þætti mér ekki verra að fá á þessu skýringar.  Ég geng a.m.k.  út frá því að fréttin hafi verið sannleikanum samkvæmt.

[Kolbeinn (IP-tala skráð) 2.9.2009 kl. 00:07]

Er það nú ekki augljóst, í ljósi frétta á liðnum vetri um „arðgreiðslur“ sem stjórnin vildi fá út úr félaginu, að þeir sem ausa fé í framtakið vilja fá einhverja staðfestingu þess að það fé leki ekki beina leið út bakdyramegin?

[Ragnhildur Kolka, 2.9.2009 kl. 17:36]

Góð spurning Kolbrún, en hvað á Kolbeinn við meða að "stjórnin" vilji fá arðgreiðslur? Er þetta "fyrirtæki" í einhverri framleiðslu?

[Kolbrún Hilmars, 3.9.2009 kl. 13:10]

Ragnhildur, ég skildi Kolbein heldur ekki alveg.  En það var smáfrétt í Mbl gærdagsins sem gæti skýrt málið að hluta.  Þar segir:

"Marta [formaður mannréttindaráðs Rvíkurborgar] segir rangt að 14 starfsmönnum Alþjóðahúss sé nú sagt upp af því að fjárframlag vanti frá borginni.  Framlagið nái aðeins til ráðgjafar til innflytjenda en ekki íslenskukennslu og túlkaþjónustu sem flestir starfsmennirnir sinni.  Sá hluti sé á könnu einkafyrirtækisins Cosmos."

Annars staðar (í Fréttablaðinu) sá ég ýjað að því að félag leigusalans tengdist líka, en hvernig var ekki skýrt.  Kannski er annaðhvort eða bæði það sem Kolbeinn átti við um  "að styrkurinn leki út bakdyramegin". 

Þetta er hið forvitnilegasta mál!