Ljósaperur!

Í fréttaskýringu MBL í dag, bls. 15 segir:  "Samkvæmt nýlegri reglugerð ESB skal notkun hefðbundinna ljósapera, glópera, hætt í sambandslöndunum á árunum 2009 til 2012.  Er megintilgangur þess að stuðla að minni orkunotkun innan sambandsins.  Ætlast er til að teknar verði í notkun vistvænni ljósaperur, svonefndar sparperur"

Vafasamt er að reglugerðin eigi við hér á norðurslóðum þar sem orkusparnaður ljósaperanna gæti aukið orkunotkun til upphitunar á móti en ekki þann orkusparnað sem felst í því að skrúfa fyrir loftræstikerfi hlýrri landa.  Að ekki sé nú minnst á hvernig orkunnar er upphaflega aflað.   Sparperur innihalda að auki óæskileg efni á borð við kvikasilfur, á meðan glóperur innihalda mun umhverfisvænni efni, aðeins hreina málma og gler. 

Þessi reglugerð ESB verður vonandi ekki gleypt hrá til upptöku hérlendis eins og sumar aðrar tilskipanir sambandsins  sem eiga engan veginn við íslenskar aðstæður.  Ennfremur getur hver sem er borið saman frjálsan vilja og hvatningu  til skynsamlegra verka annars vegar og forræðisreglugerðum að "ofan" hins vegar.

 

Athugasemdir

[Haraldur Hansson, 9.7.2009 kl. 11:27]

Sniðugt! Ég skrifaði einmitt þess færslu í desember, m.a. um frétt á RÚV um að bannað yrði að selja 100 watta perur til heimabrúks í ESB löndum um áramót. Í kjölfarið kom svo önnur færsla um gúrkur og banana sem einnig hafa ratað í fréttirnar vegna reglugerðabreytinga sem tóku gildi í byrjun þessa mánaðar.

Tek undir athugasemdir þínar um að þessi breyting falli ekki endilega að íslenskum aðstæðum. Og ekki síður að skynsemi skuli ráða en ekki forræðishyggjan.

[Axel Þór Kolbeinsson, 9.7.2009 kl. 11:55]

Með því að nota sparperur í stað glóðapera þar sem rafmagni er aflað í kolaverum minnkar kvikasilfursmengun um 36%, en við búum það vel að þurfa ekki að brenna kolum.  Wolfram er notað er í glóðaþræðina í glóðaperum, en með stærstu ónýttu Wolframauðlindum eru svæði á Grænlandi.

[Kolbrún Hilmars, 9.7.2009 kl. 14:26]

Haraldur, mér líst vel á þetta með ljósaperuráðuneytið  

Í greininni er tiltekið að orkusparnaður gæti orðið 10-15% fyrir heimilin, en ég get vel ímyndað mér að ESB almenningur hafi nú þegar uppgötvað það og þurfi enga tilskipun.  Spyrja má samt hvort sparperurnar séu nokkuð ódýrari í framleiðslu en eyðing þeirra hlýtur samt að vera dýrari þar sem þær flokkast með spilliefnum.  Á einn eða annan hátt mun neytandinn alltaf borga brúsann.

Axel, skyldi þarna vera að fæðast samvinnuviðskiptatækifæri fyrir Ísland, Grænland og norska ljósaperuframleiðandann Osram?   Eins dauði er annars brauð.