Líklega er þetta rétt mat.

Þegar staðfestar upplýsingar liggja fyrir, væri fróðlegt að sjá samanburð við eigna- og skuldastöðu áranna upp úr 1980, þegar fjöldi heimila lenti í svipaðri krísu og nú; verðbótahækkunum skulda umfram eignir.

Ég hef á tilfinningunni að það sem helst skilur á milli þessara tveggja krepputíma séu atvinnuleysistölurnar.

Skuldavandinn minni en talið var

Athugasemdir

[Kolbrún Hilmars, 3.6.2009 kl. 18:29]

Björn, Jóhönnu liði eflaust best með báða fætur á þurru landi, fjarri SF ruglinu og þessari glötuðu ríkisstjórn 

En það hentaði SF að fórna Jóhönnu frekar en yngri kandídötum flokksins, enda hennar stjórnmálaferli hvort sem er að ljúka aldurs vegna.  Verði SF að góðu!

[Elfur Logadóttir, 3.6.2009 kl. 20:26]

Hvaða bull er þetta Kolbrún. Það er enginn að fórna Jóhönnu.

Einn daginn áttarðu þig kannski á því hversu flókið og erfitt ástandið er nú og hversu heppin við munum teljast að hafa haft Jóhönnu sem leiðtoga við þær aðstæður. Þar fer klárlega skörungur sem ver velferðarkerfið og stöðu þeirra verst settu að því marki sem með nokkru móti er mögulegt.

[Kolbrún Hilmars, 3.6.2009 kl. 20:46]

Elfur, Jóhanna er stöðutákn SF og ég vorkenni henni það svo sannarlega, þótt ég sé pólitískur andstæðingur hennar. 

Ef til vegna þess að ég hef smáhugmynd um þetta flókna og erfiða ástand sem þú nefnir, a.m.k. ekki síður en aðrir sem starfa  í fjármálageiranum.  Vandamálið er að enginn veit neitt um fjárhagslega stöðu þjóðfélagsins né umfang skuldbindinga og ábyrgða. 

En ESB leysir öll vandamál, er það ekki? - eða eins og segir í gamla dægurlaginu: "Hún mamma kemur í bæinn bráðum og borgar skuldina mína".  

[Elfur Logadóttir, 3.6.2009 kl. 20:55]

Ja hérna hér. Þegar einni sleggju er vísað til hliðar þá kastarðu fram þeirri næstu.

ENGINN þeirra aðila sem styðja aðildarviðræður við Evrópusambandið hefur sagt að sambandið leysi öll vandamál. Ég hef amk aldrei heyrt neitt slíkt. Ég hef einungis heyrt andstæðingana færa þessi rök fyrir hönd stuðningsmannanna sem þeir eru andvígir!

en endilega settu þær fram fleiri, það væri í stíl við taktinn.

[Kolbrún Hilmars, 3.6.2009 kl. 21:08]

Jamm, ég á það til að kasta sleggjum þegar mér ókunnugir gera því skóna að lifibrauð mitt sé háð stöðu minni "bak við eldavélina".  

[Elfur Logadóttir, 3.6.2009 kl. 21:24]

Ha? Ég kom ekki nálægt eldavélinni þinni í orðum mínum.

[Kolbrún Hilmars, 3.6.2009 kl. 21:34]

Elfur, eldavélartaktíkinni er beint gegn "fávísum" konum, en þú ert ef til vill of ung til að hafa reynt hana á eigin skinni? 

Gott dæmi um taktíkina eru yrðingar á borð við:  "Einn daginn áttarðu þig kannski á því hversu flókið og erfitt ástandið er nú". 

[Elfur Logadóttir, 3.6.2009 kl. 21:43]

ok. Þú ert að lesa töluvert meira í mín orð en efni og aðstæður eru til, væntanlega byggt á eigin upplifun eða framkomu annarra í fortíðinni. Ég hef aldrei og mun aldrei stimpla eitt kyn fávísara en annað ... einstaklinga, hins vegar ...

Ég hafna líka alltaf tilraunum annarra til þess að taka mig niður á grundvelli aldurs, reynslu(leysis) eða annarra ómálefnalegra þátta í umræðu og sný mér að efninu sem sett er fram.

Að því sögðu þá stend ég við það að orð þín um Jóhönnu í fyrstu athugasemd þinni voru ómálefnalegt bull og réttlættu að mínu mati orðaval mitt.

Hafirðu upplýsingar um ástandið eða gerirðu þér grein fyrir umfangi þess, þá ertu heppnari en flestir - þar á meðal ég - og það eykur enn á gáttan mína á því að þú teljir Jóhönnu ekki vera á réttum stað við þær kringumstæður. Því það sem ég óttast að eigi eftir að koma í ljós er með öðrum eins endemum að einungis sé hægt að líkja því við hamfarir. Og hvern er þá betra að hafa í stýrishúsinu en Jóhönnu Sigurðardóttur, margrómaðan varðhund þeirra einstaklinga sem verst standa samfélaginu.

[Kolbrún Hilmars, 3.6.2009 kl. 21:54]

Elfur, nú ætla ég að kópíera aftur, í þetta sinn mín eigin orð: 

"Ef til vegna þess að ég hef smáhugmynd um þetta flókna og erfiða ástand sem þú nefnir, a.m.k. ekki síður en aðrir sem starfa  í fjármálageiranum.  Vandamálið er að enginn veit neitt um fjárhagslega stöðu þjóðfélagsins né umfang skuldbindinga og ábyrgða." 

Og ekki fleiri orð um það - en ég fer ekki ofan af því að ég vorkenni Jóhönnu 

[Sólveig Þóra Jónsdóttir, 3.6.2009 kl. 23:09]

Ég hef oft lesið bloggið þitt Kolbrún en eins og sumir sem eru ekki forsíðubloggarar þá hverfa þau svo fljótt af skiánum. Sem er eiginlega synd og skömm allavega vegna þeirra sem er eitthvað vit í eins og ég tel bloggin þín vera yfirhöfuð. Ég er sammála þér í þessum pistli þínum og mér fannst það vanvirðing við okkur Íslendinga að Jóhanna skyldi slá svona blákalt fram stöðunni varðandi eignir/skuldir okkar.

[Kolbrún Hilmars, 4.6.2009 kl. 09:47]

Þakka þér fyrir falleg orð, Sólveig.  En satt að segja hef ég engan áhuga á að gerast forsíðubloggari, ég hef ekki nægan tíma til þess að kafa djúpt í ýmis mál sem vekja áhuga minn og er eiginlega bara "athugasemdabloggari".