Er fréttin rugluð eða fréttatilkynningin?

Hvernig væri nú að snúa innihaldinu á mannamál?
Annars vegar: Skilanefnd gefur út skuldabréf fyrir X upphæð og afgangurinn lendir síðan á ríkissjóði.
Hins vegar: Ríkið ber í reynd ekki ábyrgð á skuldabréfinu, því útgefandi þess er skilanefnd.
Mikið væri gaman að sjá hvernig þessi frétt liti út afrugluð.

Takmarka ábyrgð vegna Icesave

Athugasemdir

[Ægir (IP-tala skráð) 30.5.2009 kl. 22:01]

Skilanefndin gefur út skuldabréf að x fjárhæð sem icesafe skuldin nemur og mun standa straum af því að borga af þessu skuldabréfi.

Hún mun ekki byrja að borga strax af þessu bréfi, en þegar hún gerir það eftir y tíma þá mun hún gera það með þeim tekjum sem eiga að hafa safnast af þessum "heilbrigðu lánasöfnum"

Að baki þessu skuldabréfi liggja tryggingar - veð í eignum gamla landsbankans. Ef það þarf að ganga að þessum veðum af e-i ástæðu og þau duga ekki fyrir andvirði skuldarinnar (stöðu skuldabréfsins) þá mun ríkið borga mismuninn.

Svona skil ég þetta allavega..

[Kolbrún Hilmars, 31.5.2009 kl. 11:44]

Sæll Ægir, já svona á þetta væntanlega að skiljast. En skilanefndin er enn tengdari ríkissjóði en einkabankinn var, svo þessi orðaleikur segir í raun bara það sem alltaf hefur verið fullyrt; að ríkissjóður eigi að bera ábyrgð á heila klabbinu.