Er ekki hið frjálsa flæði EES samingsins dásamlegt?

ESB þegnar geta komið og farið eins og þeim þóknast en á sama tíma er þrengt að réttindum og dvalarleyfum fólks sem á uppruna utan ESB.

Ótíndir glæpamenn frá Evrópu fá hér heiðursmannameðferð en heiðarlegt fólk frá öðrum heimsálfum er meðhöndlað  sem glæpamenn.

EES samningurinn er skrýtin skepna.

Farðu heim, góði minn!

Athugasemdir

[Haraldur Gísli Sigfússon (IP-tala skráð) 23.2.2009 kl. 15:08]

Ég er sammála því að EES sé skrýtin skepna og hefur frjálst flæði vinnuafls í gegnum hann þanið atvinnumarkaðinn út í ystu æsar.

Annars þá er það aðallega Schengen samstarfinu að kenna hversu mikið af glæpamönnum hafa komist hingað til lands án þess að framvísa sakavottorði og þurfum við að segja upp því samstarfi sem fyrst.

[Geir (IP-tala skráð) 23.2.2009 kl. 15:58]

Og síðan eru pólverjar að fá atvinnuleysisbætur þótt þeir gætu verið í póllandi núna, það þarf að fara rækilega yfir þetta kerfi sem er meingallað.

[Eva Hauksdóttir (IP-tala skráð) 23.2.2009 kl. 16:51]

Og við greiðum skatta, lífeyrissjóð og stéttafélagsgjöld til að...?

[Kolbrún Hilmars, 23.2.2009 kl. 17:33]

Haraldur, takk fyrir að minna mig á Schengen,  ég hafði næstum gleymt því,  en það er auðvitað samkomulag sem aldrei hefði átt að gera.  Bretarnir höfðu þó vit á því að halda sér utan við það apparat.   

Geir, pólverjarnir eiga áunninn rétt til atvinnuleysisbóta eins og aðrir, eða réttara sagt SUMIR á íslenskum vinnumarkaði.  En það hefur hvíslast að einhverjir erlendir hafi snúið til síns heima, vinni þar en fái samt greiddar atvinnuleysisbætur héðan.  Það er eins og annað í þessari frjálsa-flæðisframkvæmd, enginn virðist í aðstöðu til þess að fylgjast með því að kerfið okkar sé ekki misnotað. 

Eva, þín spurning hittir naglann á höfuðið - þú gleymdir þó tryggingagjaldinu, framlaginu sem á að tryggja atvinnuleysisréttindi launþega á íslenskum vinnumarkaði hvaðan sem hann kemur.  Svo virðist sem öll launþegaframlög, þeirra eigin og vinnuveitenda,  séu einskis metin ef launþegar utan ESB eiga í hlut.  Þetta er auðvitað algjörlega óviðunandi misrétti og okkur sem þjóð ekki sæmandi.

[Útlendingur (IP-tala skráð) 23.2.2009 kl. 18:02]

Og hvað um samningana á milli norrænna landa? Það er alveg eins, eða eru ekki til norrænir glæpamenn?

Ég er ríkisborgari frá ESB, og þar til lögum útlendinga var breytt þá þurfti ég að sanna hvað ég ætlaði að gera á Íslandi (sýna fram peningana, samninga eða vottorð frá háskólanum) til að vera hér lengi en 6 mánúði. Svo það er ekki svona "frjálst" eins og það er sagt hér.

Schengen hefur gert fyrir marga Evrópubúa allt miklu einfaldara til að ferðast eða leita vinnu í útlöndum, sem er jákvætt. Það kemur mér líka á óvart að ykkur finnst svona samningar svo neikvæðir þegar það er hefð á Íslandi að vinna eða læra í útlöndum, svo ég held að þetta sé eitthvað gott handa Íslendingum. Það sem á að passa vel er að þessir sem koma eru ekki glæpamenn, en þetta er spurning um samstarf landa í Evrópu. Það er ótrúlegt að sjá í fréttunum að það var einhver glæðamaður með fullt af glæpum í heimalandinu sínu sem kemur til Íslands og svo t.d. einhver skiptinemi fær heimsókn frá lögreglunni af því að dvalarleyfi var ekki í lagi.

Varðandi að fá atvinnubætur og vinna annars staðar... það eru líka Íslendingar sem gera þetta. Aftur, þetta er mál samstarfs landa ESB.

[Kolbrún Hilmars, 23.2.2009 kl. 18:44]

Ágæti útlendingur, takk fyrir þitt innlegg. 

Samningurinn milli norðurlandanna er áratugum eldri en EES samkomulagið og hefur reynst okkur mjög vel.  Svo höfum við að auki starfandi Norðurlandaráð,  Norrænuhús og gagnkvæman námsmannasamning.  Þessi norðurlandasamvinna gerði okkur að auki kleift að banna norrænum glæpaklíkum inngöngu í landið. 

Íslenskir námsmenn og íslenskt verkafólk sækir enn að mestu til Norðurlandanna til náms og starfa.  EES aðild  hefur ekki breytt því.  Auk þess eru gagnkvæm skattasamskipti milli norðurlandanna og  íslendingur sem ætlar að spila á kerfið á hinum norðurlöndunum kemst ekki upp með það til lengdar.  

[Heimir (IP-tala skráð) 23.2.2009 kl. 19:30]

Kærastan mín kemur frá landi sem er ekki í schengen og þegar hún vill koma og hitta mig í 2 vikur þá þarf hún að ganga í gengum allskonar tékk og vesen  Eins og t.d.  að kanna hennar fjármál jafnvel þó að ég geti sýnt fram á nægilega framfærslu og sendi bréf sem er stimplað af sýslumanni sem segir til um að hún sé örugglega á mínum vegum og gisti í mínu húsi.  Þessi prósess tekur um það bil einn mánuð og fer í gegnum sendiráð sem svarar ekki tölvupóstum og er með símatíma frá kl 12-13 á mánudögum, miðvikudögum og föstudögum og mjög ólíklegt að ná inn. Til að fá áritun þarf að bóka farmiða en þeir mæla ekki með því að borga hann ef þeir neita henni um áritunn hvernig sem það er svo hægt.  Svo er annað mál hvort þeim komi það eitthvað við hvernig og hvenær hún kemur til Íslands á tímabilinu sem áritunin er í gildi. 

Þau skipti sem ég hef farið í heimsókn til hennar þá hefur það tekið mig 1-2 daga að fá áritun.  Aldrei hafa þeir í sendiráðinu verið að forvitnast um minn bankareikning, atvinnu eða tekjur eða verið að snuðra um það á hvaða máta ég ætla að ferðast til hennar.

Schengen virðist ganga út á það að gera upp á milli fólks eftir þjóðerni.  Hvað vitum við hvort að það hafi komið hingað barnaperri eða annar stórglæpamaður frá schengenlandi sem er farinn að leigja íbúð í grend við leikskóla?  Það er eins og allir þegnar þeirra landa sem eru innan schnegen séu minna hættulegir en þeir sem búa utan þess.

Það er spuning hvort einhverjir ferðamenn sem höfðu hugsað sér að koma hingað til lands hafi hætt við vegna þess að þeir eru meðhöndlaðir eins og glæpamenn þegar þeir sækja um áritun? 

Það verður aldeilis fjör og vesen ef við ætlum að sækja um dvalarleyfi einn daginn:)

[Kolbrún Hilmars, 23.2.2009 kl. 20:13]

Heimir, þín saga staðfestir eiginlega það sem ég var að reyna að segja í upphafi. 

Í stað þess að við styðjumst við heilbrigð íslensk lög sett á Alþingi íslendinga um frelsi okkar til þess að taka á móti hverjum sem okkur þóknast, erum við að dansa eftir EES tilskipunum frá Brussel.  Og útilokum þar með 80-90% íbúa heimsins.

Við Heimssýnarsinnar meinum það sem felst í orðinu Heimssýn.  Hjá okkur eru allra þjóða þegnar jafn velkomnir, við förum einfaldlega ekki í þjóðernis- eða litarafts manngreinarálit.  Við lítum til alls heimsins - ekki bara gömlu þreyttu Evrópu.