Hárrétt hjá Birni.

EES samingurinn varð okkar banabiti.  Ekki endilega vegna þess að samningurinn sá væri í eðli sínu alslæmur, heldur vegna þess að það nennti enginn af okkar kjörnu þingfulltrúum að lesa lagabálkana sem fylgdu áður en þeir samþykktu þá - hvað þá að gera athugasemdir við ákvæði sem gætu orkað tvímælis fyrir örþjóð.

Okkur almúganum var sagt að þarna fengjum við allt fyrir ekkert, við treystum því að okkar til þess kjörnu  fulltrúar á Alþingi myndu gæta okkar alþýðuhagsmuna rétt eins og til var stofnað, svo við héldum bara áfram að sinna okkar daglegu störfum að vanda - án andmæla.

Ég geng svo langt að halda því fram, að eins og á var haldið, jaðri EES samningurinn við landráð!   

 

Aðild að EES réð úrslitum

Athugasemdir

[Páll Geir Bjarnason, 22.2.2009 kl. 19:10]

Þannig að ef ég keyri of hratt og verð sektaður, get ég þá kennt umferðarlögunum um? Eru þau sökudólgurinn?

[(IP-tala skráð) 22.2.2009 kl. 20:31]

Langt frá því að vera sambærilegt Páll, þú ert að brjóta lög í því tilfelli,  en að mínu mati þá leyfa lög ESS samningsins þessa óráðssíu í fjármálaheiminum, sem íslendingar voru fljótir að nýta sér enda erum við sérfræðingar í því.  Það var hins vegar algjörlega siðlaust að nýta sér ílla ígrunduð lög, sem voru með ótalgalla.

Þú verður því að greiða  þína hraðasekt góði minn, en ég er nokkuð viss um að útrásarpjakkarnir sleppa sama hversu siðlaust það er.

[Loftur Altice Þorsteinsson, 22.2.2009 kl. 20:33]

Kolbrún, ég set hér inn hjá þér mitt blogg um málið. Við erum bæði sammála Birni og viðurkenning hans er bæði heiðarleg og virðingarverð.

Alþingi getur leyft, bannað eða takmarkað athafnir landsmanna. Hvað sem það gerir, ber það ábyrgð á ákvörðuninni. Skaðabóta-ábyrgð myndast ef Alþingi gætir ekki eðlilegs meðal-hófs. Hins vegar ber Alþingi ekki ábyrgð á Stjórnarskrár-ákvæðum. Þar stendur þjóðin sjálf til ábyrgðar.

Með inngöngu í EES 1.janúar 1994 var stigið skref sem við fyrstu sýn virtist sumum heilladrjúgt, en átti eftir að verða örlagaríkt. Beint orsakasamband er á milli inngöngunnar og þeirra stórkostlegu erfiðleika sem Icesave reikningar Landsbankans eru að valda okkur. Alþingi hafnaði kröfu margra um þjóðaratkvæði og kaus því að bera sjálft ábyrgð á inngöngunni í Evrópska efnahagssvæðið.

Inngangan í EES kom í stað tvíhliða fríverzlunar-samnings frá 1972, sem landið hafði við Efnahagsbandalag Evrópu (EB). Tvíhliða samningurinn hefði ekki leyft stofnun innlánsreikninga Íslendsku bankanna erlendis og því var með inngöngunni gerð stefnubreyting, sem sannanlega leiddi til Icesave hörmunganna og var samningurinn algjörlega á ábyrgð Alþingis. Hin neikvæðu áhrif samningsins eru staðreynd og þau hverfa ekki þótt einhver jákvæð áhrif megi mögulega rekja til hans.

Ákvörðun Alþingis um inngöngu í EES var umdeild og samþykkt með naumum meirihluta þingmanna, eða 33 þingmönnum af 63. Andvígir voru 23 en 7 sátu hjá. Sjálfstæðisflokkurinn var klofinn um málið, þótt flestir þingmenn hans hafi greitt atkvæði með samningnum. Aþýðuflokkurinn var einhuga um EES samninginn, eins og ávallt þegar afsal landréttinda var til umræðu. Samfylkingin, rétt borinn arftaki Alþýðuflokks, er enn við sama heygarðshornið.

[Páll Geir Bjarnason, 22.2.2009 kl. 21:44]

Ég er á því að þetta sé alveg sambærilegt. ESS-samningurinn kemur með ákveðinn ramma þar sem tilgreind eru ákveðin lágmörk. Það er ekkert sem segir að Íslendingar verði að lágmarka t.d. bindiskyldu bankanna. Okkur er sjálfs vald sett að stilla okkar reglugerð í samræmi við efnahagsumhverfið. EES-samningurinn virkar ekki þannig að eitthvað utanaðkomandi opni allt upp á gátt. hann er einungis skilyrt regluverk til að halda utan um hagssvæðið, ekki hardcore svart/hvít regla sem segir "svona á þetta að vera"

Ég skal breyta þessu dæmi aðeins fyrir þig svo þú skiljir nú betur samhengið.

Ég kaupi mér bíl. Nánast allir bílar komast yfir 90 km hraða/klst sem er hámarkshraði á Íslandi. Segjum að ég aki of hratt í beygju eða eitthvað slíkt, á t.d. 89 km/klst þar sem hámark er 90 km/klst, velti honum og slasi vegfarendur. 

Nú spyr ég. Hvort á ég að kenna bílaframleiðandanum um eða umferðarlögunum?

[Kolbrún Hilmars, 23.2.2009 kl. 09:45]

Þakka ykkur fyrir innleggin.  Sérstaklega vandað frá Lofti, sem minnist líka á tvíhliðasamninginn, en Sviss gerði einmitt slíkan samning en forðaðist EES aðildina.  Við hefðum betur tekið svisslendinga okkur til fyrirmyndar.

Páll, þú geldur þess að þingmenn ráða við að lesa umferðarlögin og eru ólatir að endurskoða alla agnúa á þeim.  Þingmenn hefðu betur meðhöndlað EES lögin á líkan hátt.