Plastpokar!

Plastpokar frá Plastprent hf gera mér lífið leitt þessa dagana.  Eiginlega miklu leiðara en jafnvel IceSave tuggan, misheppnaðir Seðlabankastjórar og duglausir alþingismenn.

Það eru nefnilega litlu hlutirnir sem taka mest á þolinmæði okkar heimilishaldara, svona hvunndags. 

Plastprent hf hefur greinilega tæknivætt sig nýlega, keypt inn hagkvæmar plastpokamaskínur sem rúlla heimilisplastpokunum upp í pakkningar sem spara fyrirtækinu áreiðanlega stórfé - eða að minnsta kosti vona ég að einhverjum komin nýjungin til góða.  Mér koma þessir plastpokar bara í vont skap í hvert sinn sem ég þarf á þeim að halda.

Nýju plastpokarnir koma semsagt upprúllaðir, svo þéttir og loftlausir að það er ekki nokkur einasta leið að opna þá TIL ÞESS AÐ NOTA ÞÁ!  Ég hef beitt öllum brögðum; reynt að þvæla þá, stinga á þá göt með hnífi, blóta þeim - en það hrífur ekkert.  Þessa plastpoka er ekki hægt að opna með góðu!

Eins og ekki sé nóg á okkur lagt þessa dagana...

 

Athugasemdir

[(IP-tala skráð) 21.2.2009 kl. 23:41]

Guð hvað ég er sammála enda bara hætt að kaupa þessa andskotans poka, hef ekki nokkra þolinmæði í svona vesen.