Mér flaug svona í hug

hvort gjaldeyrisskömmtunin komi ekki til með að leysa fíkniefnavandann að hluta? 

Það verður áreiðanlega erfitt að fjármagna innkaup héðan nema þá í mjög litlu magni og varla fara menn erlendis að eyða sínum gjaldeyri þegar þeir fá söluhagnaðinn greiddan í íslenskum krónum sem verða þeim lítils virði.

Fátt er svo með öllu illt...

Athugasemdir

[(IP-tala skráð) 13.10.2008 kl. 16:50]

Góður punktur

[Ragnar L Benediktsson, 13.10.2008 kl. 16:57]

Verðið fer eftir framboði og eftirspurn. Ef gengið er vandamál setja dósalarnir bara evru-prís á kókið.

[Halla Rut , 13.10.2008 kl. 20:53]

Ætli dóp verði ekki eins og gull. Nú munu þeir sem háðir eru að ganga enn lengra til að ná í nægan pening til að borga eigin neyslu.

[Kolbrún Hilmars, 13.10.2008 kl. 21:23]

Ef til vill Halla,  en miðlararnir munu eiga fullt í fangi með að þjóna "áunnum" fíklum og hafa ekki svigrúm til þess að ánetja nýja kúnna.  Það var það sem ég átti við með "að hluta". 

Verði ástandið viðvarandi yrði meira að segja fræðilegur möguleiki á að taka upp gamla bjartsýnisslagorðið "Fíkniefnalaust Ísland 2000" og breyta ártalinu í 2015.   Vonandi!

[Skattborgari, 13.10.2008 kl. 22:48]

fíkniefnaneytandi gerir allt sem hann getur til að ná sér í fíkniefni og þessir aðilar munu gera allt til að flytja þau inn vitandi það að neytendurnir munu borga uppsett verð. Þeir sem flytja þau inn munu kaupa gjaldeyri á svörtum markaði til að flytja þau inn.

Kveðja Skattborgari.

[Kolbrún Hilmars, 13.10.2008 kl. 23:06]

Það stefnir í að innflutningur almennt dragist saman og erfiðara verði að fela dópsendingarnar.  Fíkillinn getur rænt og ruplað áfram en það hjálpar honum ekki að komast yfir dóp ef það er ekki í boði. 

Ef við fáum ekki sykur og hveiti úti í búð því skyldi dópið þá vera aðgengilegra?

[Skattborgari, 13.10.2008 kl. 23:10]

Ef þú ert virkilega áfjáður í að gera eitthvað þá er hægt að verða sér úti um næstum því allt því miður.

Við skulum vona að innflutningur á dópi minnki en það er hætta á að einhverjir sem lenda í erfileikum muni leita í dóp til að fá hughreystingu.

Kveðja Skattborgari.

[Kolbrún Hilmars, 13.10.2008 kl. 23:36]

Má ekki alveg eins leita sér huggunar hjá Bakkusi?  Aðgengilegt, löglegt og áreiðanlega ódýrara.

Annars á ég ekkert með að vera að skilgreina dópmarkaðinn - það er eiginlega eini viðskiptabransinn sem ég hef aldrei kynnst

[Skattborgari, 13.10.2008 kl. 23:40]

Ég held að áfengið sé að mörgu leiti skárra en dóp.

Það er bara gott mál að þú hafir aldrei kynnst honum og vonum að við munum aldrei kynnast honum.

Kveðja Skattborgari.