Fúll á móti?

Það er aðeins skiljanlegt að íbúar í fjölbýlishúsum verði langþreyttir ef þeir þurfa að þola "stórfelldar og tillitslausar reykingar á svölum"  til viðbótar olíu- og bensínstybbu af bílastæðunum fyrir utan, rykmenguninni af "hraðbrautinni" öðru megin og angandi arineldastybbu frá einbýlishúsahverfinu hinum megin.

Og hvar er svo garðurinn lægstur og líklegast til árangurs að fá einhverju breytt?

Jamm; hjá honum Nonna í næstu íbúð.

 

 

Reykingar óbærilegar nágrönnum

Athugasemdir

[Aztec, 24.7.2014 kl. 12:48]

Þú gleymdir að nefna reykinn frá útigrillunum. Þessi reykur er svo yfirþyrmandi, sérstaklega eftir að Heereford-steikurnar eru komnar á grillið, að maður getur ekki annað en spurt sig: "Hvað hef ég eiginlega gert þessum villufasistum? Hvers vegna var MÉR ekki boðið í veizlumatinn?"

[Kolbrún Hilmars, 24.7.2014 kl. 15:17]

Já, ég gleymdi auðvitað útigrillunum 

Best að minnast heldur ekkert á lyktarflóruna í stigagöngunum...

[Ragnhildur Kolka, 25.7.2014 kl. 08:52]

Það eru erfiðir tímar hjá Nonnum þessa lands.

[Kolbrún Hilmars, 25.7.2014 kl. 14:12]

Nonnar geta sjálfum sér um kennt þegar þeir eru orðnir svo stórtækir mengunarvaldar að slá alla hina út.  Svo er vond lykt af þeim... 

[Aztec, 26.7.2014 kl. 12:31]

Annars eru þessir grillfantar, sem ætíð trassa að bjóða mér í garðveizlurnar, að fá makleg málagjöld skv. þessari frétt:

http://www.mbl.is/frettir/innlent/2014/07/26/engin_ein_sameiginleg_orsok/

Þá segi ég bara "þeim var nær"

Á svipuðum nótum: Í México er niðurgangur og ógleði sem sumir túristar fá fyrstu dagana eða vikurnar kallað "Venganza de Moctecozuma" eða "Hefnd Moctecozuma". Þessi Moctecozuma  Xocoyotzin (sem útlendingar kalla ranglega Montezuma) var síðasti konungur Azteca og var myrtur af Spánverjum (Los conquistadores) á 16. öld eftir skipun frá Hernán Cortés. Áður en hann lét lífið, hefur hann sennilega lagt bölvun á alla þá sem ferðast til landsins, hvort sem það er í góðum eða illum tilgangi.

Á allt öðrum nótum: Ég hef oft hugsað út í það hvers vegna pólítíkusar á vinstrivængnum hatast út í hægrimenn með frösum eins og "þeir vinna á daginn og grilla á kvöldin" ? Ætli það sé vegna þess að vinstrisinnaðir stjórnmálamenn og -konur hafa aldrei verið á vinnumarkaði (les: í alvöru vinnu) og séu þarna að lýsa öfundsýki sinni?

[Kolbrún Hilmars, 26.7.2014 kl. 14:29]

Kannski er það þá bara blessun að losna við grillboð grannanna 

Er frasinn annars ekki svona "þeir græða á daginn og grilla á kvöldin"?  (Skrýtinn frasi finnst mér; ég grilla stundum á kvöldin en hefði ekkert á móti því að græða svolítið á daginn líka).   Þeim þykir grillbrælan eflaust misslæm, allt eftir því hvort hún kemur frá hægri eða vinstri.   Sem sagt alveg eins og með Nonnana; það er vond lykt af þeim.  

[Aztec, 26.7.2014 kl. 17:13]

Já, mig misminnti. En frasinn kemur af því, að orðið "gróði" er eitur í beinum háværustu vinstrimanna, nema þegar þeir sjálfir fá gróðann, yfirleitt óverðskuldað, því að þeir eru allflestir meira eða minna á launum hjá hinu opinbera. Ekki eins og gamla daga (fram að sjötta áratugnum), þegar alvöru verkamenn, skrifstofufólk og sjómenn voru að berjast fyrir lágmarkslaunum á meðan menntaelítan var bara þakklát fyrir að fá að mennta sig í staðinn fyrir að þurfa að grafa skurði í roki og rigningu. Nú hefur þetta allt snúizt við.

Nú eru verkamennirnir ekki lengur vinstrisinnaðir því að þeir hafa komizt að því að vinstriflokkarnir gera ekkert fyrir láglaunafólk, líkt og bændur snerust unnvörpum gegn Framsóknarflokknum á síðustu öld vegna þess að þeir voru arðrændir af kaupfélögunum.

En nú er ég kominn langt út fyrir umræðuefnið, sem eru reykingar á svölunum. Það er þó eitt gott við það og það er að áður fyrr fór fólk alls ekki út á svalir, heldur keðjureykti inni í íbúðunum til mikils ama og heilsuskaða fyrir börnin á heimilinu.

[Kolbrún Hilmars, 26.7.2014 kl. 18:22]

Bara bót að því að fara svolítið út fyrir umræðuefnið og víkka sjóndeildarhringinn. 

En mér þykja þau ofnotuðu rök gegn tóbaksreykingum að "það er vond lykt af þeim" ansi léttvæg.  Stóðst ekki mátið að hártoga þetta svolítið...