Þegar einar dyr lokast - opnast oft aðrar

Af hverju að flytja hvalkjötið til Japan þar sem það er - að sögn - unnið í gæludýrafóður, ef hægt er að framleiða úr því gæludýrafóður hérlendis?  

Síðan má flytja það út í neytendapakkningum fyrir gæludýrin.    Varla amast grænfriðungar við því að gæludýr heimsins fái eðalfæðu í dallinn sinn?

„Sýnist að þessu sé sjálfhætt“

Athugasemdir

[Guðjón Sigþór Jensson, 12.7.2013 kl. 23:01]

Við getum nýtt betur annað sem til fellur en hvalaafurðir. Af hverju er verið að farga ýmsu sem fellur til í sláturtíðinni á haustin?

Svo er fiskmetið en kettir eru arfavitlausir í það og margt fellur til.

Er ekki heimska að leggja út í vitaóþarfa kostnað?

[Kolbrún Hilmars, 13.7.2013 kl. 13:27]

Alveg rétt, Guðjón, við eigum að nýta allt sem til fellur. 

En þessi gæludýramarkaður er stórlega vanræktur.  Það sést vel ef að er gáð í stórmörkuðunum.  Heilu hillurekkarnir þar af rándýru innfluttu gæludýrafóðri. 

Innlend framleiðsla myndi ekki aðeins skapa vinnu og nýta hráefnið heldur líka spara gjaldeyri.  Svo er alltaf möguleiki á því að skapa gjaldeyri - með útflutningi.