Útsalan á Grikklandi að hefjast

Stefna ESB og AGS hefur verið að heimta einkavæðingu ríkiseigna Grikklands.   Sú einkavæðing þýðir auðvitað að ríkiseignir landsins verði seldar hæstbjóðanda og að andvirðið verði greitt innheimtumönnum ESB og AGS.

Er það virkilega vilji ESB að Kínverjar eignist Grikkland?  Eða hvaða aðra ESB þjóð sem er, eins og líkur benda til að gæti orðið þrautalending annarra jaðarríkja í vanda.

Hvað hefur þá orðið um skjólið innan ESB sem ESB sinnar mæra sem mest? 

Kínverjar vilja kaupa gríska flugvelli

Athugasemdir

[Kristján B Kristinsson (IP-tala skráð) 20.4.2013 kl. 18:30]

það hlýtur að enda með byltingu í Grikklandi.

[Kolbrún Hilmars, 21.4.2013 kl. 14:16]

Grikkir eru vísir til þess - enda vanir menn í þeim efnum. 

Alvarlegt þó að ESB standi á sama þótt aðildarþjóðirnar séu seldar "út-úr-sambandinu".  Bendir til samþjöppunar alþjóðlega fjármálavaldsins frekar en þjóðanna innan ESB.

[Helga Kristjánsdóttir, 22.4.2013 kl. 03:03]

Það hlýtur að vera peningaskjól!

[Ágúst H Bjarnason, 22.4.2013 kl. 06:25]

Reynsla Grikkja af sölu hafnarinnar í Píreus til Kínverja er ekki beinlínis góð. Sjá hér.

[Kolbrún Hilmars, 22.4.2013 kl. 13:14]

Ágúst, ég sá einmitt myndbandið með viðtali við kínverska framkvæmdastjórann og hafnarverkamennina í Pireus.  Grikkirnir virtust ekki par hrifnir.  Lofar ekki góðu hvað varðar flugvellina.

Helga, þetta snýst allt um peninga - ekki bræðralag.