Fáum við þá gömlu góðu glóperurnar aftur?

Þær eru skaðlausar og innihalda ekki kvikasilfur. 

Það gera hins vegar þessar lögboðnu sparperur ESB.

 

 

 

Dregið úr losun kvikasilfurs

Athugasemdir

[Ágúst H Bjarnason, 19.1.2013 kl. 17:26]

Kannski verður þetta til þess að sparperurnar verði bannaðar.

[Kolbrún Hilmars, 19.1.2013 kl. 17:50]

Og hvað gerum við þá, Ágúst, glóperurnar eru enn bannaðar?

[Ásthildur Cesil Þórðardóttir, 19.1.2013 kl. 18:29]

Ef menn vilja vera samkvæmir sjálfum sér, hljóta þeir að banna sparperurnar.

[Ágúst H Bjarnason, 19.1.2013 kl. 20:03]

Ég keypti dýra LED peru fyrir nokkru. Langaði að prófa þessa tækni. Því miður flöktir ljósið svo mikið að peran er nú notuð sem loftljós í bílskúrnum. Tæknin lofar samt góðu.

[Kolbrún Hilmars, 19.1.2013 kl. 20:25]

Ágúst, eru þessar LED perur ekki framleiddar í USA? 

LED perurnar eru ekki með kvikasilfri og meinlausar, en rándýrar eins og þú segir.   Verra ef þær verða svo gagnslitlar með eilífu flökti.  Það skemmir bara sjónina í fólki.

Ég sé fyrir mér að perumálin verði ESB erfið á næstunni.

[Tryggvi Helgason, 20.1.2013 kl. 00:59]

Frábært, ... grútarlampana og hákarlalýsið aftur !

Græningjarnir og náttúrufólkið hlýtur að dansa af gleði, ... ó, - dásamlegt, allt svo vistvænt og gott, engin mengun, ekkert kvikasilfur, engar banvænar gróðurhúsa lofttegundir, engin hnattræn hlýnun, engar perur, ekkert rafmagn !

Mikið er þetta yndislegt, ... Mjallhvít og dvergarnir eru á leiðinni til þess að heimsækja umhverfisverndarfólkið, ... ó, hve þetta er allt yndislegt og dásamlegt. !!! ???

[Ágúst H Bjarnason, 20.1.2013 kl. 09:09]

Kolbrún. Þessi flöktandi LED pera sem ég keypti var frá stóru alþjóðlegu fyrirtæki, en "made in China".  Sjálfsagt hefur þetta verið gallað eintak sem ég fékk. Fyrir utan flöktið þá var birtan frá perunni góð.

Bæði í LED-perum og smáflúrperum er (hvort tveggja eru "sparperur") er flókin rafeindarás sem lækkar spennuna frá 230V niður í lágspennu. Þetta er líklega sá hluti sem heldur verðinu uppi. Einn hvimleiður ókostur við svona perur er hve mikið þær trufla útvarpstæki á stuttbylgju og jafnvel sjónvarpstæki, en því á þessi rafeindabúnaður  í sparperunum sök.  Þetta er líka mengun.

[Kolbrún Hilmars, 21.1.2013 kl. 15:02]

Já, það er ekki öfundsvert að vera heittrúaður "grænn" og vilja jafnframt nútímagæði.

Einhverja orku þarf líkast til að framleiða þennan rafeindabúnað og málminn og plastið sem í hann er notaður.   Líka þarf orku til þess að vinna kvikasilfrið í sparperurnar.  Að öllum líkindum sjaldnast "vistvæna" orku.

Held að Edison verði varla skákað í bráð.