Þótt fyrr hefði verið!

Forseti ASÍ hefði átt að gera sér grein fyrir því frá upphafi að þeir 100 þúsund launþegar, sem samtök hans eiga að gæta hagsmuna fyrir, spanna allt pólitíska litrófið.

Þannig er það ekki við hæfi að forsetinn sé á nokkrum tíma flokksbundinn einum stjórnmálaflokki frekar en öðrum. 

Launþegar eru ekki að hugsa um flokkspólitík þegar kjarabarátta þeirra er annars vegar.  Að sama skapi á forystumaður þeirra ekki að vera háður flokkspólitík. 

Þ.e.a.s. vilji hann vera hafinn yfir ásakanir um hlutdrægni og að fórna hagsmunum umbjóðenda sinna í þágu stjórnmálaflokksins síns.

Batnandi manni er besta að lifa - Gylfi fær prik frá mér í dag!

 

Gylfi segir sig úr Samfylkingunni

Athugasemdir

[Ásthildur Cesil Þórðardóttir, 14.12.2012 kl. 20:47]

Tak undir þetta með þér, það hefur oft komið fram núna lengi að hann sé hallur undir Samfylkinguna.  Það hafa þá ekki verið orðum auknar fréttir.  En eins og þú segir batnandi mönnum er best að lifa.

[Sigurður Þorsteinsson, 14.12.2012 kl. 22:35]

Tek heilshugar undir þennan pistil. Þá eru a.m.k. komin þrjú prik!

[Lotta (IP-tala skráð) 14.12.2012 kl. 22:38]

Gott að heyra að hann hafi sagt sig úr Samfylkingunni, en ég set algjört spurningarmerki um hvert hann sé að færa sig !!!

[Hrólfur Þ Hraundal, 14.12.2012 kl. 23:00]

Gylfi fær ekki stór prik hjá mér, enda meðhlaupari Jóhönnu og gúmmý karl.  Það vitlausasta sem hægt er að láta sér detta í hug nú um mundir eru verkföll og það var ekki góð hugmynd hjá Gylfa, jafnvel þó að hann sé að reyna að verja þann eina heiður sem hann finnur.   

Það er nefnilega klárt að hann ver hvorki sinn eigin heiður né umbjóðenda sinna nema honum takist að hrekja öskurapann ljúgfróða af hólnum nú fljótlega.  En þá verður Jóhanna frænka ekki kát, frekar en öðlingurinn Mugabe þá þegnarnir hlíða ekki.

 

  

[Sigurður Haraldsson, 15.12.2012 kl. 09:35]

Samála það er smá glæta í þessum manni en ekki nema smá!

[Kolbrún Hilmars, 15.12.2012 kl. 12:42]

Þakka ykkur fyrir innleggin.  Ég gat teygt prikin upp í þrjú og hálft - plús tvö lítil.

Af sex mögulegum má Gylfi vel við una :)